初露布拉格
上月陳嘉容（ Eunis）被影到在街頭和南亞裔型男打茄輪。說到新歡， Eunis不嬲反笑話：「佢唔係南亞裔，佢係印度朋友，未係男友，（嘴晒都只是朋友？）好唔好意思失儀，大家飲多 咗，俾佢主動錫 咗我。」除了敞開心扉， Eunis亦敞開了衣裳，除剩胸圍內褲拍寫真。
為了紀念入行廿年這大日子，就算之前坊間模特兒出寫真出到成行成市，她都不為所動，要等到今年六月才影，「做 model都影過性感相，今次為自己做有價值嘅事。」選去布拉格影寫真，是梅艷芳生前的御用攝影師趙文強（ Donald）的建議，「 Donald做過化妝師及髮型師，以前每星期起碼見佢一次，大家好熟，一拍即合。」加上 Donald早前去布拉格旅行時影了批相，大家都讚好，「呢個地方實在太浪漫，我未去過，好恨去。」 Eunis說。
大隊六月出發，用了四日時間拍攝，事前 Eunis說：「今次無 set底線。」不過攝影師一樣錫住她，除有布拉格街景，亦有 Eunis著內衣懶洋洋躺在床上的照片，點到即止， Donald說：「個 concept係講 Eunis在布拉格一天發生的事， sensual嗰 part是想帶出 soft嘅 Eunis出來，露晒或露得太多就 cheap。」 Eunis知道有內衣環節後即刻話：「所以要操 fit啲。以前一星期運動三次現在變五次，做 hot yoga和 huber，等 total look firm啲。」但模界經常傳整容，有無想過抽脂瘦得仲快？「係無 咗 嗰部分 嘅脂肪，但 嗰部分會凹 咗落去，又會有傷口，腫，仲要著紮身衣，所以我唔建議人做抽脂，用天然方法好 啲。」
Eunis為癌症基金會拍攝的寫真集取名叫「嫣」，她解釋說：「有無聽過嫣然一笑，因為我 哋鍾意笑，勉勵各人逆境都要有自信 嘅笑容，預訂反應也很好，一定會加印。」攝影師想透過相集增強女性自信心，「唔一定跟廣告做啲嘢才叫靚。好似 Eunis清淡飲食，自己點 take care自己都可以達到靚。」所以相集的 Eunis有淡妝自然的一面。「我習慣黐好多眼睫毛，今次個妝好少。」
在布拉格時，他們清晨三時起床，「想條街無人就要五點幾六點出到去。」也因當地日照時間長，影到晚上八時許才收工，「我心裡只有好 攰兩個字，但對住鏡頭又無 嘢。」 Eunis說。 Eunis亦帶備紅棗、花旗參和蜜糖養顏，每晚無論幾夜收工她都要敷面，「要內外都補，攝影師笑我叫 Miss Keep，任何年齡都要 keep，唔可以懶。」
為了這相集，化妝、髮型和攝影等工作人員亦全部義務幫手， Eunis說：「好感動有好多人幫手。」十七歲便做模特兒的她，一向人緣不錯，她解釋說：「可能我太無所謂，唔介意幫朋友，不計較太多。」 Eunis說。
憧憬再婚
搵定後路
回顧廿年， Eunis想過放棄做模特兒，「初入行，行 catwalk肉酸，當時百三磅，又肥又有 baby fat，唔夠自信想過放棄，好彩有朋友、前輩的支持，如琦琦都叫我唔好放棄，高軍免費教我行 catwalk。」
當時模特兒開工四十日後才有錢收，「現在仲慘，要六十日，可能一日十個 casting都唔中，令你失去信心，但又要買高 踭鞋、化妝品，唯有用之前儲埋 嘅利是錢。」現在 Eunis也跟模界好友一樣有多方面發展，「近幾年保險公司、銀行會請我去講座，教職員見客時點著衫，香港大學、公開大學請我教學生第一次見工應著咩衫，又做 RoadShow主持，我好鍾意 share呢 啲扮靚心得，但問我做唔做騷，我仍 say yes，因為我鍾意表演，將咁多年經驗教人也有意義。」 
留言列表
{{ article.title }}
