宅男女神 JJ賈曉晨今年八月被踢爆跟前女友育有一對仔女的樊少皇拍拖後，即被冠以「小三」之名，在內地拍劇的樊少皇隨即發聲明澄清 JJ不是第三者，高調護花。
至於拍拖後第一個聖誕節， JJ亦花盡心思，一個月前買定價值十二萬四千的勞力士 Daytona氹男友開心，而日前回港小休的樊少皇亦爭取時間拍拖做跟得男友，揸女友新車管接送外，又著住情侶裝戴新表欣賞 JJ有份客串的電影《寒戰》。
情侶 tee
上週五（十一月三十日）下午三時半，未到十二月已經著到似聖誕老人的 JJ賈曉晨，出席完電視劇《名媛望族》宣傳活動後，即坐公司保母車到觀塘 apm商場，會合在戲院附近等候她的樊少皇，當日二人全身黑白配，穿上同款青蛙皇子公仔情侶白 tee在商場濕平拍拖。
二人先到位於六樓的戲院， JJ在電影《寒戰》的宣傳海報下跟男友講完一輪，然後到售票處買飛，可能離開場仲有大段時間，便轉到三樓餐廳飲咖啡食三文治。雖然天氣降到十七度，不過愈食愈熱的樊少皇突然除皮褸，短袖 tee露出起手瓜以及十二萬四千的愛心聖誕勞。
醫完肚，二人在商場繼續掃貨，第一站到百老匯睇足二十分鐘 iPhone電話套，不過揀來揀去冇收穫。其間 JJ被一直尾隨的學生妹要求影合照，她來者不拒，樊少皇亦守護女友身邊寸步不離。他們之後再連環掃商場內的飾物店， JJ每睇中一件，都會問男友意見，有商有量。
送大禮
JJ跟樊少皇拍拖以來長期分隔兩地，據了解，今個聖誕，樊少皇要在內地拍電影， JJ則留守香港開工，應該冇得齊齊過聖誕。心急 JJ索性買定禮物 氹對方。致電 JJ問是否提早成個月送聖誕禮物，她表示：「呢份禮物係佢 嘅情意結，因為佢爹哋好多年前將戴開 嘅勞力士錶送俾佢，但因某啲原因冇咗，佢一直都好想買番一隻，所以我特登送俾佢做聖誕禮物，上個月買咗一直放喺屋企，見到面就先送，佢而家日日都戴住。（咁佢送咩聖誕禮物俾妳？）佢個人出現就得，因為聖誕節好大機會喺外地開工，如果嗰日放假，可以一齊過就係最好 嘅禮物。」
週日（十二月二日）， JJ出席完活動，樊少皇又做司機，揸住女友價值五十多萬的二手日產 GT-R跑車接收工，她說：「佢咁少返香港，梗係揸我部車，我之前部車壞 咗，要好多錢修理，所以咪換過部新囉。」
愛得癡纏
微博傳情
愛的宣言
樊少皇接受電視台訪問高調示愛，揚言對 JJ的愛是堅定的，之後 JJ在接受訪問時亦以愛的宣言回應，十分肉麻。
人肉速遞
樊少皇在大陸拍戲期間， JJ只要有空檔，寧願犧牲瞓覺時間，也要人肉速遞，本刊早前就拍得她連續幾日北上密密送餵飽男友，愛得纏綿。
冚珍珠
入行將近十年的 JJ，坐冷板坐足四年，至 07年才被監製肥 Wil（錢國偉）拉攏入無 綫，為節目《味之天使》任天使妹「梳打」而爆紅。之後她發揮強國人向上爬本色，出過唱片同寫真，從此打開內地及澳門的登台市場，由昔日三萬元登台價，到今日有份拍台慶劇《名緩望族》，身價暗升至六萬。據知密密做的 JJ一星期至少接到一場騷，單是登台每個月最少有廿萬落袋。
而去年至今，她共接拍過六套電影（如下圖），雖然套套客串，但客串價亦高見十萬，賺賺埋埋一年收入有二百萬，真係唔聲唔聲，做 咗百萬富婆無人知。
2011
最強囍事
單身男女
奪命金
2012
寒戰
我老公唔生性
我要做模（未上映） 
留言列表
{{ article.title }}
