天王「大臣」原來唔止口水多過茶，份人仲好鬼孤寒㖭。話說早幾晚，「大臣」約咗幾個音樂人去港島區一間平時都有好多藝能界人幫襯嘅中價西餐廳食飯。幾個人一直傾到人哋打烊，餐廳經理見佢哋都冇撤退嘅意思，惟有笑笑口叫佢哋埋咗單先，再搵個侍應哥仔留低服侍佢哋。因為斷估佢哋最多都係坐多個零鐘啫！哈，誰不知「大臣」愈吹愈興奮，卒之吹到凌晨４點先肯「起錨」。


咁嘅情況，就算媽咪姐呢啲師奶仔，打完雀局都識醒番多少俾伙計啦，何況要人哋等到半夜三更，地鐵都停埋。偏偏貴為天王嘅「大臣」完全唔識做，一聲唔該，就咁拍吓籮柚閃咗，竟然一蚊貼士都無俾囉。可憐嗰個侍應哥仔，無端端加班，仲要不停斟茶加水，捱住眼瞓服侍你哋班大帝！人心肉造，都好應該照顧吓啲打工仔吖！ ####

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄