鄭嘉穎、黃浩然同黃德斌幾個男角，經常赤身露點上擂台搏擊，真係man到爆。

鄭嘉穎以前出親嚟必定官仔骨骨，同唐唐（唐英年）絕對有得揮。但自從豁出去，喺《怒火街頭》飾演流氓律師，轉行爛撻撻路線，竟然俾佢「爛」出一片天。既然愈爛愈掂，咁就食得唔好嘥，一於keep住爛，喺新劇《拳王》入面飾演嘅地下拳手，爛身爛勢之餘，更係鬍鬚勒凸，充滿「佬」味。


播映日期　4月16日起周一至周五晚9:30pm翡翠及高清翡翠台


鄭嘉穎玩烏歪猥瑣玩到出晒位，新劇《拳王》繼續爛撻撻。鄭喺《拳王》飾演嘅唐拾一，同師兄黃德斌（飾高偉廷）因一時貪念去泰國做黑市拳手，一次錯手打死對手，坐完監後，決心退出拳壇。之後跟醉心泰拳嘅黃浩然（飾畢家成）建立師徒關係。而鄭亦拋開痛苦，重返拳壇，並且專心培育黃浩然及聾啞女拳手胡定欣（飾丁恩慈）成為拳王。斯文靚仔嘅鄭嘉穎為咗飾演拳手角色，本來已屬鋼條身形嘅佢，不單狂減十幾磅，仲苦練肌肉，對手黃浩然都話同佢連拍幾日打拳戲，每日都要打十幾個鐘，收工時散晒咁滯，反而鄭依然仲好「砌」得，認真夠搏。《拳王》以拳擊為主，劇中頗多練拳同擂台搏擊動作場面，應該滿足到鍾意拳擊嘅觀眾。加埋劇集例牌菜，男女角糾纏不清嘅感情。有激烈、有溫馨，平衡番晒。 ####


黃浩然跟鄭嘉穎由最初嘅誤會到化敵為友，更成為師徒。最後卻成為擂台上對手， 認真欷歔。


在鄭嘉穎悉心培訓下， 黃浩然及胡定欣喺拳壇成績驕人，黄德斌因妒成恨， 暗中唆擺黃浩然，令黃及鄭師徒關係決裂。


胡定欣飾演嘅聾啞女，受鄭嘉穎影響慢慢愛上拳擊， 後得鄭悉心訓導，終成為女拳王。


李詩韻喺劇中飾演女強人齊柏暉，雖為人妻，卻愛上喺公司做保安嘅鄭嘉穎。據聞兩人亦因拍此劇傳出緋聞。


徐子珊客串飾演鄭嘉穎老婆，喺鄭在泰國因誤殺罪踎監期間因病過世。


鄭出冊後絕跡拳壇，帶埋個仔由泰國返香港，由拳王變為帶子洪郎。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄