問長問短江華不斷向售貨員姐姐發問，問足40分鐘。做個精明消費者雖然係啱，不過又係咪長氣咗啲呢？

「山寨版劉華」喺中國同胞之中，隨時搵到幾百個；但香港娛樂圈，要數比劉華更劉華嘅，真係非江華莫屬。江華近年同老婆麥潔雯（Kitman）主力喺內地登台銀，前排仲開班授徒教人做戲，百足咁多爪！


早前媽咪姐喺圓方撞見江華同Kitman一家四口行街。眨吓眼，江華一對仔女已分別18歲同16歲，大仔Brian已經高過爸爸，而阿女天天就中性打扮，有啲似男仔。當日江華喺電器舖周圍逛，冇耐就睇中一部多合一噴墨打印機，價錢都只不過係$588，又抵又正。不過江華就當佢5萬8咁研究，不但要sales姐姐講解，佢仲十足問題青年咁不斷發問，擾攘近40分鐘先完事！不過當售貨員姐姐一走開，江華即化身sales，同老婆勁sell呢部玩具。最後江生、江太都冇混吉，俾錢、自取、走人。 ####


一家出動當日江華（左一）、麥潔文（右一）去圓方shopping，大仔Brian（左二）、細女天天（右二）一齊出動，一家四口樂也融融。


豪邁腳江華一身潮服跟大仔Brian喺商場長櫈坐低。江華繑起二郎腿，左手𡃁右腳，成個強國人咁


父子出擊後來江華索性叫阿仔問埋一份。好彩售貨員姐姐好耐性，任問唔嬲仲笑容滿面。


老婆審批聽完售貨員姐姐講解，江華照辦煮碗講番一次俾老婆麥潔文聽，游說老婆俾佢買。


你買嘢定撩女仔呀？（設計對白）我只不過想做個精明消費者啫。（設計對白）

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄