四太晒仔女保良局大function喎！四太身為第二副主席，梗要叫晒猷亨、猷君同細女超欣出席撐阿媽啦。

周二（10日）係保良局辛卯/壬辰董事會交代/就職典禮，身為第二副主席嘅賭王四太梁安琪當然盛裝出席，兩個仔猷亨、猷君同細女超欣亦着到靚靚現身撐阿媽。


當日四太拖住幾個寶貝仔女滿場飛，講到猷君拍拖，佢仲話好開心﹕「何生都見過啦！冇乜意見，拍拖係人生必經階段。」有記者問會唔會太細個談戀愛，四太即刻反問記者幾多歲拍拖？全程表現風騷。當日除咗四太外，身任保良總理嘅何超鳳亦有出席，佢都唔弱，有老公何志堅同家姐何超瓊撐場。

二房晒親情

同場加映
唐英年媽媽唐太尤淑圻當日亦着到紅噹噹，以嘉賓身份出席保良局活動。因為當日記者焦點集中四太身上，唐老太神情亦特別輕鬆。 ####


當主席、總理上台stand by時，四太仲好緊張咁睇住部「愛瘋」。啱嘅，郁吓幾千萬上落，當然到實啦。


進入會場時，猷君拖實細妹超欣，盡顯兄妹情深。


何超鳳係保良總理，老公何志堅當然要同老婆打氣，仲幫手攞場刊、紀念品㖭！


二房大家姐何超瓊暫時放低繁忙公務撐超鳳場，試問四房咁熱鬧，二房又點可以怠慢。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄