拍攝當日，Mandy帶了十多支珍藏香水，「有啲連我自己都未開過嚟噴㗎！」

一股獨特氣味，比華衣美服更見重要。
名模Mandy Lieu自小接觸香水，對其特別講究，每次出街噴香水都要配合心情、場合甚至約會對象。曾經與小小超李澤楷傳緋聞的她，深明香水的吸引力。她說： 「香水可發揮個人魅力，令人對你印象更深！」
為了搜羅更獨特的氣味，早前她遠赴法國巴黎，直闖意大利品牌Armani的香水研究總壇，直擊當中神秘的製作過程，尋求獨特香味的秘密。


於Now TV主持旅遊節目的Mandy，最愛周遊列國搜羅獨特氣味的香水。她說︰「香水可以突顯個人風格，幫助發揮個人魅力，令人對你印象更深。」

心水推介
Mandy Lieu自言十分喜歡生果味的香水，尤其鍾情Armani Privé系列，貪其獨特又原始，十分討好！


Acqua di Gioia 「我上年見到呢款，一聞就愛上。個味道好清，感覺有少少香草加西瓜甜味，令人好舒服，係最常用。」


Code Femme Eau De Parfum 「呢支我幾年前買，裏面嘅阿拉伯茉莉味好吸引，甜得來又有女人味，適合去晚宴。」 Oranger Alhambra 「呢個橙味好有層次，起初會聞到柑橘味道，之後有迷迭香。噴少少，香味都留好耐。」 ONDE Vertige 「呢款係木香系列，內含雞蛋花、廣藿香等成分，味道神秘又誘惑，適合去party噴。」

直闖總壇
Mandy早前遠赴法國巴黎，直闖意大利品牌Armani於巴黎開設的香水研究總壇。這個香水研究總壇絕對是神聖不可侵犯，除品牌的高層和香水研究員外，普通人禁止闖入，以防商業秘密外洩。她說︰「真係冇諗過咁幸運。佢哋嘅Privé系列香水好神秘，起初仲係非賣品，只造俾Mr. Armani身邊朋友。我第一次聞已經好鍾意，即刻搵方法聯絡，點知最後佢哋仲俾我去埋香水廠，真係大開眼界！」原來，Armani Privé香水系列，採用罕有的原材料製成，氣味獨特。當初Mr. Armani親自設計四種獨一無二的香水，送給他身邊四位最有品味的朋友。直至04年，這四款香水才正式上市。深入研究所，Mandy接觸到組成一支香水的每種氣味，聞盡清淡到濃郁的味道。「我試過聞佢哋造出嚟嘅『皮味』，當時呢種味道仲未同其他氣味融合，所以聞起嚟完全係一個新手袋打開嗰陣味，好真實。」

噴香水要訣
Mandy示範正確噴香水方法，原來，香水要噴在身體上有脈搏跳動的部位，如頸（左圖）和手腕，「但噴嘅距離至少有20 cm，咁樣香味會持久啲。」

增加魅力
Mandy八歲便接觸香水， 所以她自小養成噴香水習慣。「香水係女仔嘅恩物，除咗令身體散發香味，亦會令自己有mood啲。有啲人嘅香味獨特，會吸引其他人喺人堆中回頭望番你。」Mandy對於香水亦有自己一套心得，揀選自己喜好之餘，不同場合亦要配合不同氣味。「好似果味咁，會感覺fresh啲，適合出街噴。如果去party嘅話，可以揀重味嘅，例如皮革、木香等，感覺sexy啲。」獨特氣味會令人留下深刻印象，同時亦會勾起不少回憶。「中學收過幾個同學夾錢送嘅香水，依家一聞到呢種味，就好似帶番我去嗰個時空。我唔會噴晒成支香水， 就算點鍾意都好， 都會留番些少喺個樽度，連埋個香水樽收藏， 先可以保存氣味。」

Armani香水廠探秘
####


噴頸或手腕


距離20cm


香味玻璃杯原材料的氣味，以密封的玻璃罩蓋好，確保氣味的準確性，在Armani總壇中就至少有過百種原材料味道。


總監向Mandy介紹組成香水的原材料氣味，當中包括皮革、肉豆蔻等。「每個味道都好真實，合埋眼聞，好似聞緊實物咁。」


Natalie是研究所的營運主管，為Armani搜羅各種原材料。「佢個鼻好犀利，對每種味都好敏感，所以大家叫佢The Nose。」


保存原材料每款香水由多種氣味組成，單單一款香水都要花上幾年時間研究，才能將幾種味道完美地混合，而這些用作研製香水的原材料亦要放在試管內保存。


絕密研究室為了將香水維持最佳狀態，製成的香水會放於恆溫室，而這個恆溫室亦是保密地帶。只有研究員才可進入。「有啲地方係唔俾入、仲唔影得相。」

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄