18歲嘅渡邊麻友， 青春又肯剝，加上擁有一批宅男粉絲，難怪會俾教父秋元康睇重。

日本少女組合AKB48入面最紅嘅前田敦子，自上月尾宣布退隊後，成班急於上位嘅姊妹真係開心到開香檳咁滯。其中最有機會搶閘攝位嘅，就係18歲嘅渡邊麻友嘞！


據講佢哋老闆秋元康本來睇中公司旗下另一少女組合SKE48嘅松井珠理奈，奈何松井始終未夠人氣，於是改為力捧喺舊年總選，排名第5嘅渡邊麻友！貪18歲嘅麻友卜卜脆，最緊要夠聽話，唔似得前田恃紅生驕，扭計之餘，仲係頂心杉。 ####


前田敦子喺寫真集握手會喊晒宣布退隊。未確實離隊日期，已經俾班姊妹嫌佢阻住地球轉，世態認真炎涼。


野心大嘅小嶋陽菜一直都覬覦住一姐之位，論實力， 小嶋唔弱，可惜年已廿三，屬高齡人士，所以邁向一姐之路亦相對拉遠咗。


若論資排輩，大島優子應該最有資格坐上一姐寶座，可惜呢位萬年老二唔得秋元康歡心，上位無望。


正所謂「一雞死一雞鳴」，呢個世界就係咁現實咯！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄