呢張兩父女拖手對望行街相，係幾有feel嘅！

自從有咗微博之後，世界真係這麼近那麼遠。好似吳啟華、陳浩民等一班長期北上𢱑銀嘅香港男星，大可靠微博與香港fans聯繫，大晒家庭樂，順便洗底，的確方便。

吳啟華句句肉麻
47歲嘅吳啟華，拍過鹹片又被本刊影過北京召妓，不過佢山窮未有水盡，仲可以北上拍劇，兼同細過佢21年嘅石洋子結婚生女，總算修成正果。做咗老竇修心養性， 吳啟華近日不停晒佢同三歲大囡囡熙兒嘅生活照，仲要句句留言唔係「最愛」就「最美」，認真肉麻。

陳浩民又去迪士尼
去年因「醉淫陳嘉桓」事件，令陳浩民一個月見報率多過一年，為咗洗底，佢局住帶住臨盆在即嘅老婆蔣麗莎走轉迪士尼。無獨有偶，囡囡雅薰上周出世一百日， 陳浩民又揀番迪士尼搞百日宴， 仲唔怕醜話戒酒，「見過鬼仲唔怕黑咩？」吓！乜見鬼嗰個唔係陳嘉桓咩？

魏駿傑愛女零舍黑
魏駿傑撇完滕麗名，轉頭娶國內妹張利華。負心漢形象拖累，呢幾年局住北上搵食啦！早前魏駿傑就帶埋兩歲大嘅餅印女去峇里旅行，囡囡嘅膚色似足老竇咁黑，仲天生男仔相！

鄭中基笑出餅印
近年專注返大陸拍戲嘅鄭中基，上周五（9日）踏入40歲， 佢班粉絲好有心思，設計一張印有鄭中基、老婆余思敏同九個月大B女Emma嘜頭嘅生日卡為佢賀壽，三個人仲餅印咁款。初時傳個女似鄭中基，不過睇番B女真貌，又幾得意喎。

同場加映
姚瑩瑩巨頭B搶鏡
幾位男星嘅B女都各有風格，不過論搶鏡度，始終係姚瑩瑩嘅重磅巨B Evan超晒班。八個月大嘅Evan已經有成25磅，眼仔睩睩嘅佢，除咗肉地較厚，個頭亦大得誇張， 非常驚人。 ####


三歲大嘅吳熙兒，是吳啟華眼中的大美女。


囡囡個樣睇落似媽咪石洋子多啲！


魏駿傑同比佢細廿年嘅張利華07年喺重慶註冊結婚，家陣一家三口定居北京。


要諗計漂白！﹙設計對白﹚


我啲基因幾好！﹙設計對白﹚


一直唔提私生活嘅鄭中基，最近喺微博發放女兒Emma嘅相。個女咁得意，無謂收埋。


八個月大嘅Evan身長腳長，架BB車都冇乜位剩喇！



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄