35歲佘詩曼 97年攞咗港姐季軍後， 14年來一直喺無綫撈，不過近年阿佘喺內地有市場，人工高又唔使日夜顛倒咁辛苦，令她萌生去意。
唔憂嫁
包住包車送妹仔　李澤楷引佘入 now
2011年03月16日
李澤楷嘅電訊盈科旗下的 now寬頻電視，雖然失落免費電視牌照，但搵得無綫製作總監何麗全過檔，大搞綜藝及劇集等節目事在必行。
據知小小超今劑講明豪擲銀彈搵人才，更睇中盛傳北上發展的 TVB花旦佘詩曼，除重金禮聘外，仲獨享天后級待遇，有車、有樓兼有妹仔看門口！睇嚟小小超今鋪志在必得喎！
三招吸佘
專用新款 7人保母車
24小時貼身助手
每月房屋津貼 
我出手一向闊綽！（設計對白）
 
出走導火線
有傳去年無綫頒獎禮，阿佘於「最佳女主角」大獎輸畀鄧萃雯，成為阿佘離巢導火線，但阿佘否認說：「唔好講到我咁膚淺！」《忽然 1周》圖片
 
8萬一集
早前有傳阿佘以每集 8萬天價北上與歐陽震華拍攝《帶刀女捕快》，又傳有內地片商出價 1900萬人仔包薪兩年，阿佘內地大有市場。網上圖片
 
手傷推劇
於內地拍劇回港後，阿佘自稱手傷要推劇集《法政先鋒Ⅲ》，令人懷疑她臨走玩嘢！網上圖片

近排 TVB風雲色變，雖然有新老細殼王陳國強入主，但除咗阿佘同郭羨妮準備離巢，亦傳有不少一線小生花旦如郭晉安、廖碧兒、林保怡等因不滿無綫冷待而搵路走，同時撞啱 now有大搞作，繼何麗全後， TVB幕後人員亦紛紛出走搵筍工。


now 101台遊戲節目《撳錢》近期大 hit，未來除會繼續大搞綜藝節目外，更會由將過檔 now的無綫綜藝科總監何麗全吹雞埋班拍劇，週一何麗全笑住話：「我家仲喺無綫返工，唔方便講住，遲啲先公布啦！」《蘋果日報》圖片
 
遲啲先公布！真實對白

幕後逃亡
去年尾，無綫大班幕後人員曾在 TVB門口抗議公司超時冇補水眼高手低，工作條件差，台前幕後鳥獸散，巧遇 now有意將槍頭對正 TVB，知情者說無綫逃亡潮正式展開：「好多同事都想走，半年以來，已經有 9個 PA（助理編導）走咗，家陣啲導演要做埋 PA嗰份，度期 call人一腳踢，大家都知 TVB人工少，工作量多，辛苦唔緊要，最慘係知道公司都唔會點加人工，家 now請人，個個都想過檔啦！」
2年拍 3劇
台前幕後齊齊搵路走，據知已打算大搞 101台嘅收費電視 now TV，更不惜工本以天后級禮遇佘詩曼，據知 now斟阿佘兩年拍 3部劇，除了掟銀彈，更講明可以全新 7人車接送加房屋津貼，再送近身私人助手侍候，務求以最佳待遇吸引有意北上發展的阿佘留港拍劇。
now全力吸佘開劇，據知負責吹雞的何麗全亦已四圍搵人埋班，週一何麗全於電話中笑晒口話：「我家仲喺無綫返工，唔方便講住，遲啲先公布啦！」
小生花旦排隊走
無綫出名人工低又要捱餐死，開得劇日接夜冇得瞓預咗，反而返內地拍劇日日硬掘 9粒鐘準時收工之餘，人工仲分分鐘以倍數計，所以大部分在無綫走紅後的藝人都會選擇北上掘金，部分一線港星如羅嘉良等更加叫價 12至 15萬一集，仲係以人仔結算，畀着你都識揀。


無綫價：$8,000一集
內地價：¥ 5萬一集
近年在 TVB已不受重用的 36歲郭羨妮，去年 4月於內地拍攝《宮鎖心玉》時更同武指朱少杰（小圖）撻着，郭更稱會於今年底出嫁，她更說：「現時的我，是人生最快樂同幸福的時候！」為事業為愛情，郭羨妮離巢北上似乎事在必行。
 
無綫價：$5,000一集
內地價：¥ 3萬一集
33歲楊思琦近年在 TVB拍劇唔多，據知尚有兩年合約的思琦妹雖於內地不算太紅，但勝在有港姐冠軍銜頭，叫價一樣有力。《蘋果日報》圖片
 
無綫價：$5,000一集
內地價：¥ 5萬一集
本是 TVB商場騷后的 32歲廖碧兒，自從去年尾跟陳豪分手搭上李澤楷表弟林忠豪後形象插水，又遭 TVB打入冷宮，故有傳廖打算明年約滿後閃人。
 
無綫價：$5,000一集
內地價：¥ 8萬一集
近年已轉戰內地的 44歲馬德鐘，先後拍過《廣告風雲》和《傳奇》兩劇，有傳他將會於年底約滿後離開效力 18年的 TVB北上掘金，馬德鐘說：「我都唔會放棄香港市場，但想有更大嘅市場，做演員梗係希望有多啲發展啦！」《蘋果日報》圖片
 
無綫價：$10,000一集
內地價：¥ 10萬一集
還有一年便約滿 TVB的郭晉安，內地有報道指他四出放風想走，攞過視帝郭晉安於內地甚有叫座力，加埋老婆歐倩怡懷第 2胎，要搵奶粉錢， 10萬人仔一集走唔甩。《蘋果日報》圖片
 
無綫價：$8,000一集
內地價：¥ 8萬一集
拍完劇集《天與地》後便沒有再為無綫拍劇的 46歲林保怡，雖然憑《掌上明珠》榮登亞洲視帝寶座，但有指他不滿遭無綫冷待，令他心灰意冷準備約滿走人。《蘋果日報》圖片

監製照撬
now挖角 TVB台前幕後四散，事實上除有藝員準備離巢，連幕後 PA都有逃亡迹象。據知 now亦有向無綫監製埋手挖角，不過一日未成事，畀着你都唔認啦！


無綫監製莊偉健曾監製劇集《富貴門》
我淨係聽過 PA過 now，去到我哋嘅層面就仲未有聽聞，有人搵我先再算啦！真實對白
 
前無綫監製唐基明曾監製劇集《刑警》
知道 now搵緊人，多個地方同橋樑畀我哋發揮，唔同台有唔同嘅觀眾，我家係自由身，同邵氏都有計劃傾緊，同任何人都可以合作。真實對白
 
無綫監製潘嘉德曾監製劇集《依家有喜》
我估你搵錯人問，我冇聽過亦冇諗過（過檔）。真實對白

李澤楷力撬佘詩曼過檔 包住包車包貼身看護

佘詩曼
李澤楷的電訊盈科旗下的now寬頻電視，雖然失落免費電視牌照，但仍找來TVB制作總監何麗全過檔，大搞綜藝及劇集等節目事在必行。

據知李澤楷此次講明豪擲銀彈尋覓人才，更看中盛傳去內地發展的TVB花旦佘詩曼，除重金禮聘外，還獨享天後級待遇，有車、有樓兼有女助手貼身看護！看來李澤楷看來此次志在必得！

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄