去年中楊受成旗下嘅英皇地產豪宅「維壹」開售，一班英皇藝人均畀面撐場，阿嬌更即場簽約購買一個價值 2,700萬、面積 1,700呎的海景單位。
大好友
炒樓狼死 阿嬌孭 2,600萬街數
2011年03月16日
家香港樓市升得快過火箭，有樓揸手冇愁，個個諗住打跛腳，冇樓就諗計上車，總之係人都想借樓發達。
喺香港翻生有難度嘅阿嬌（鍾欣桐），就算近年在港唔多撈，都想食住個升浪，借到盡套現準備再出手。早前阿嬌更將手頭上兩層物業連環轉按，令她現時按樓負債超過 2,600萬，轉頭又幫襯老闆楊受成，以 2,700萬豪買入西環豪宅「維多利亞壹號」，實行一鋪搏盡以後唔使愁。
年屆 30阿嬌（鍾欣桐），自從 08年淫照事件後「停工」兩年，雖然未至於坐食山崩，但經濟點都有啲頭痕。
帳面賺到笑
去年正式復出兼獲內地解封，阿嬌雖明顯未能收復失地，但仍無損佢炒樓雄心。鍾意買樓當投資嘅阿嬌， 03年以私人公司名義買入 570萬的中半山慧明苑，現市值颷升至 1,600萬； 07年又以 1,427萬買入羅便臣道 31號豪宅，現已升至 1,600萬。
帳面賺到笑，以為阿嬌趁市好賣樓賺番筆，但原來阿嬌不賣反而將兩層未供完嘅豪宅多次轉按畀銀行，再將樓價升幅及已還本金套現。其中她的風水發迹屋慧明苑更係連環 3次轉按，最近一次更於去年 7月完成，令阿嬌名下持有該兩個物業的「耀楊股份有限公司」按揭負債急升至 2,650多萬。
阿嬌自細同嬌媽莫寶珠相依為命，阿嬌買樓層層有阿媽名，都算係孝順女。
阿嬌年頭先有套《財神有道》孖住陳鍵鋒開工，嚟緊又會再拍兩齣大陸劇和一套恐怖片，密密開工頂住三層樓。
「供得好辛苦」
呢頭搞轉按，但去年 7月阿嬌卻高調幫襯老闆楊受成，以另一公司名義動用 2,700萬豪買西環豪宅「維多利亞壹號」，三層樓供得甘，難怪她早前被問到會否想再買物業時，她即說：「咪玩啦，供樓供得好辛苦呀！」而本刊週一致電阿嬌問她供樓情況，她經理人芳婷代答：「藝人私人投資，我哋唔會干涉。但肯定阿嬌有賺錢能力，佢 4月會接兩套大陸劇同 1齣恐怖片； Twins又會搞巡迴，阿嬌大陸拍劇都有成百萬落袋！」
努力造勢
每次「維壹」宣傳，阿嬌例必撐場，佢話：「我係呢度業主，梗係支持喇。」反而阿 Sa就少見蹤影，阿 Sa解釋：「個盤係幾吸引，不過自己都係要供，太貴就要諗清楚。」係囉，冇咁大個頭就唔好戴咁大頂帽！《蘋果日報》圖片
英皇星頻出擊
英皇集團老闆楊受成做埋發展商起樓，旗下藝人亦多數有樓揸手，除了一姐容祖兒和阿 Sa揸大碼豪宅外，連關智斌（ Kenny）最近亦趁旺買了一層銅鑼灣奀樓投資，冇層樓直頭溝通唔到。
泳兒︰資金短缺
鍾情星街一帶樓宇的泳兒，早前密密於灣仔尚翹峰及星街永星苑睇樓，但可惜她資金唔夠，原本睇中的永星苑單位，因嗌價高於 350萬而令泳兒縮沙。
張家輝︰專吼星街
張家輝 08年賣出西貢村屋勁賺 875萬，同年買入南區貝沙灣自用後，最近密密向甚具重建價值的灣仔星街一帶舊樓埋手，市場消息稱張家輝準備動用 1千萬掃貨，實行落定釘等收購。
關智斌︰買老銅舊樓
關智斌（ Kenny）於去年 12月，斥資 265萬買入銅鑼灣銳興樓蚊型 300呎單位，但據知該單位他只作投資用途。
鍾舒漫︰搵人仔供樓
鍾舒漫（ Sherman）去年尾亦買樓做業主，月供過萬嘅佢直認為供樓而接多咗嘢做：「我呢排都去大陸登台，始終上面騷價高少少，家每月供 5位數！」
容祖兒︰炒樓一姐
Joey炒樓一向勁，除早前買入的兩個東半山松柏新邨和大坑名門單位外，最近又轉炒細價樓將軍澳東港城和鴨脷洲深灣軒，連同北角英皇道地鋪， 6個物業加埋過億喺手。
曾淵滄︰遲早爆
城市大學管理科學系副教授兼投資顧問曾淵滄表示：「買樓可以造按揭係佢最大好處，可變成以小博大，就好似炒孖展咁，不過買樓就穩定好多。我後生時都似佢（阿嬌）咁做，但一定要識「落車」，見到咁上下就好收手，否則遲早爆煲搞到一身債！」
阿嬌瘋狂炒樓望大賺一筆 負債2600萬再創高峰
阿嬌
香港樓市升得快過火箭，有樓在手就不用發愁，人人都想借樓發達。
年屆30歲的阿嬌(鍾欣桐)，自從08年不雅照事件後“停工”兩年，雖然未至于坐吃山崩，但在香港也難以翻升，但她也想趁著樓市大賺一筆，四處借錢准備再出手。早前阿嬌更將手頭上兩層物業連環轉按揭，令她現時負債超過2600萬，轉頭又幫襯老板楊受成，以2700萬豪買西環豪宅“維多利亞壹號”，盡力一博希望以後衣食無憂。
stinglife 發表在 痞客邦 留言(0) 人氣()
留言列表
{{ article.title }}
