星途順利又有美滿家庭嘅 Kelly，幸福滿瀉，恨死全港女性，點知晴天霹靂傳出流產噩耗，仲要忍着哀痛在官方網宣布消息，美滿童話幻滅。《蘋果日報》圖片
振作呀
失孖女陰影　陳慧琳停產 1年
2011年03月16日
38歲陳慧琳（ Kelly） 09年一索得男，誕下「蝦餃仔」劉昇，去年尾同老公劉建浩接受人工受孕懷孖女，造人大計本應今年 7月超額完成！
向來同「幸福」畫成等號嘅佢，上週五（ 11日）在官方 blog上突然宣告：「度過人生最難過的一星期……盡了最大努力後，兩位女兒始終未能夠跟我們共同生活。」幸福人辦，偏偏難過「女人最痛」一關。
流產失 5個月大孖女， Kelly心身受創，雖然有老公同囝囝陪伴下療養復元，但流產一事令工作狂 Kelly痛定思痛，計劃減產，待養好副偈，一年後再追過。
38歲陳慧琳眼見已達高齡產婦年紀，加上老公繼承絲帶廠家族生意，無暇造人， Kelly為償恨女心願，搵嚟有「生仔聖手」之稱嘅何永超醫生以人工受孕方式懷上孖胎。今年 1月尾 Kelly出席活動宣布喜訊時，當時記者問到「生完係咪可以收工」，直腸直肚嘅佢仲話：「生得出就係，唔只收爐，更可封爐。」點知一語成讖！


14/3老公愁爆
本週一（ 14日）， Kelly老公劉建浩如常返葵涌嘅公司上班下班，神情平靜但對喪女一事就苦笑無言，更對記者做出「冇嘢講」手勢。
 
最後露面
佗孖胎 Kelly最後蒲頭係 2月 25日尖沙咀 Audi活動，當時佢話懷胎 4個月孖胎已重逾 10磅，搞到佢唔願郁動，但估唔到個多星期後會出事。《蘋果日報》圖片 


見最後一面成謎
上週初（ 7日），已懷有 5個多月身孕嘅 Kelly在家突然感到不適，由主診醫生直接安排送往全港婦產設備最頂級嘅瑪麗醫院接受檢查，引導已死胎兒順產排出母體。
據知當時已有 5個多月嘅孖女已經長成人形，對人母 Kelly打擊極大，知情人士透露：「知道 BB冇咗，當時 Kelly喊到收唔到聲， Alex都好傷心，但點都要撐住 Kelly先。 BB冇咗，醫生都有安排父母，等佢哋決定要唔要見對 BB最後一面，同對 BB say goodbye。不過我哋都唔好意思問呢啲事啦！」


蝦餃仔失妹
Kelly囝囝「蝦餃仔」劉昇（ Chace） 10個月大時，就已經重 26磅，似足父母手長腳長，比同齡小朋友高大精靈。
 
Kelly同老公劉建浩（ Alex）相戀逾 18年結婚，今次二人同失一對愛女， Kelly助手 Leo話 Alex家已經平伏心情，全力照顧太太同囝囝。
 
Kelly求診嘅瑪麗醫院一直被坊間選為最佳生仔醫院，院內設有港大婦產科學系診所及輔助生育中心，兒科團隊同儀器設備皆為最先進，連伏明霞和徐濠縈都選擇在瑪麗生產。《蘋果日報》圖片 

當坐月休養
天意弄人， Kelly今次並無特別原因下小產，令 Kelly對造人一事不再強求，寧願捨人工取天然；另外，更令有工作狂的 Kelly重新思考懷孕同娛圈工作嘅安排，借今次小產全面休養生息，計劃 1年後才造人。週一（ 14日）老公 Alex亦重投正常生活返公司，但對太太流產一事不作回應。
Kelly助手 Leo回覆本刊話：「 Kelly家未有工作安排，我哋當佢放緊原來嘅產假休息一下。大家都有共識唔諗工作嘅事住，最緊要佢養好身子先，遲啲佢都會開始食補品之類，總之佢家健康唔錯，喺屋企仲有照顧蝦餃仔同佢玩添。」 Kelly人緣咁好，我哋一於支持你喎！
「心靈好大創傷」


關嘉美

「孕婦不幸流產，通常會自動流胎，醫生會用超聲波觀察母體冇殘餘物如胎盤之類，收晒血到嚟月經就可以再受孕。不過小產對孕婦嘅心靈創傷大過肉體受傷，始終係相處咗 5個月嘅骨肉，點會冇遺憾同陰影？不過當佢哋再懷孕之後，就會令佢哋加快忘記呢啲痛苦 o架啦！」
「至少休息一年半載」


林顯增

「流胎對母體傷害非常之大，需要跟足坐月坐足 1個月同進補嚟防止將來再流產。因為媽媽流血令心血唔夠，好易有產後抑鬱，所以至少要休息一年半載。如果休息唔夠，仲會令卵子變差，跟住生嘅 BB都會差啲。」
打氣區
一向坦白嘅 Kelly自從上星期五在 blog上寫出喪女之痛，網民同群星戥佢慘之餘，亦有留言打氣。

陳慧琳失去女兒心身受創 停産一年療養複元

38歲陳慧琳(Kelly)09年一索得男，誕下“蝦餃仔”劉升，去年底同老公劉建浩接受人工受孕懷雙胞女兒，造人大計本應今年7月超額完成！

向來同“幸福”畫成等號的她，上周五(11日)在官方blog上突然宣告：“度過人生最難過的一星期??盡了最大努力後，兩位女兒始終未能更我們共同生活。”幸福的人偏偏難過“女人最痛”一關。

流産5個月大的女兒，陳慧琳心身受創，雖然有老公同兒子陪伴下療養複元，但流産一事令工作狂陳慧琳痛定思痛，計劃減産，待養好身體後再繼續生。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄