去年中推出大碟《透視》不久，本月中再推出另一大碟，大碟名叫《Grown Up》，更先透露搞鬼路線，講故仔：「有次搭朋友順風車，發現好多時聽眾都會skip track，但作為歌手，隻隻都係心血，於是想到在歌與歌中間講故仔，令大碟更有故事性，避免skip歌。」

 

講故仔防跳歌
其中一個獨白就係自爆小學戀情，連Ken都自嘲小學雞，「個故仔講某日我去大陸出騷見到間花鋪叫『勿忘草』，令我諗起小學時代一位puppy love的女仔，畢業時寫給我的信，信內提及勿忘草，叫我不要忘記她。」說時Ken面上泛紅，我會明白點解你叫學生王子了。

後悔冇陪婆婆
出道6 年，Ken寫了一首〈某天再會〉給上年心臟有事而離去人間的婆婆，「上年推出單曲〈藍色星球〉，本來想講天荒愛未老，但剛巧遇着日本3.11地震，有人覺得我抽水，借地震宣傳。」後來想通了，決定將〈某天再會〉錄進新碟，「細個爸媽要工作，婆婆就照顧我，大個工作忙碌，有假期都好自私休息，完全忽略了婆婆，真係好後悔。現在會盡量抽時間探公公，同上大陸探住在深圳的爸媽。」親人離去，往往令人長大、成熟。

宅男練跑煮飯
實在太乖仔喇，說話斯斯文文陰聲細氣，我忍不住問Ken平時有何嗜好，「我係宅男呀！」最近回家就狂打online game《英雄聯盟》，「同成班朋友開住咪對玩，好過癮。」好在識得自我增值，最近狂練結他勢做唱作人，也不忘鑽研廚藝，「最近買咗個鐵板燒爐，叫成班朋友去屋企食。」食咁多，梗係要操fit，亦開始night running，潮流運動喎，「年頭開始在北角屋企附近練跑，準備迎接渣打馬拉松，點知突然要去清遠做騷，報咗名都跑唔到。」原來如此，唔係外界傳的唔夠氣，大家咪再記住以前那個肺積過水的洪卓立喇！ ####


是次幕後班底The Island由唱作人組成，有903DJ細蘇、農夫成員C君，監製徐浩及Randy ，令大碟更多變化。


唔講唔知，洪卓立原來在台灣拍過劇《王子看見二公主》，Ken話今年年中出台灣碟前，想再拍多次。


玩完《英雄聯盟》，在Instagram仲話自己對PS3新game《ONE PIECE海賊無雙》中晒毒，咁又係好好玩嘅！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄