iPhone 變電視台　播片靚過 DVD @ 娛樂八掛大放送★

蘋機會： iPhone變電視台　播片靚過 DVD

傳聞話 iPhone5採用 4吋芒，但拍埋三叔 Note度硬拼，仍然輸一截。要感受大電視嗰份逼真樂趣，不妨考慮吓呢嚿配件 Air Shuffle，佢可以透過 Wi-Fi，將 iPhone變成發射視頻訊號嘅電視台，就算受 iPhone所限，播 YouTube片只得 960× 640，不過已靚過 DVD一倍了，真係連碟機都慳番。記者：陳國輝攝影：劉永發　Model： Stella@GME淘女郎查詢： JC Shop（ 3102 2783）

其他副刊影片打機上網都有計放大圖片

若然買來齋煲電影、睇吓相， Air Shuffle當然無問題。但玩得 iPhone，無理由唔預埋打機囉！想駁電視玩《憤怒鳥》？有 Jailbreak網站教路，「越獄」後再入 Cydia單撈免費 App《 TV Out Tuner》，便可將 iPhone上網或打機實時轉播至大電視，更加玩盡 Air Shuffle。不過實際上效果如何，就要試過先知喇。

Wi-Fi遙控　拮尾即用

Air Shuffle賣相似足一粒後備電，尺寸僅 44× 53× 14mm，重量唔夠 50g，只須先將接收器駁到大電視，另一端就把發射器插落 iPhone底，立即用得！唔使單撈 App，拮尾即用係佢最大賣點，透過 Wi-Fi無線傳輸，將 iPhone播放嘅影像，如 YouTube、相片等，即時轉播至大電視上。但必須留意， Air Shuffle並非一部迷你投影機，唔可以喺大電視上應用其他 Apps，但作為一件純播片工具，都有其實際用途，尤其當你旅行或公幹，去到外地酒店時，呢個 Wi-Fi裝置就係你煲 TVB劇集同睇香港新聞嘅最佳良伴喇。

放大圖片
■拮落 iPhone之後，畫面會自動接駁去大電視。

■拮落 iPhone之後，畫面會自動接駁去大電視。

放大圖片
■另一件接駁落電視嘅接收器，體積也細小。

■另一件接駁落電視嘅接收器，體積也細小。

支援色差畫質局限放大圖片
■只得色差而唔係 HDMI，效果肯定無咁靚。

■只得色差而唔係 HDMI，效果肯定無咁靚。

接駁過程簡單，咁畫質方面又點？ Air Shuffle可直接經 iPhone播 YouTube片段，雖然解像度會自動被壓縮，射落 60吋大電視觀賞，畫質依然不及 720p或 1080p高清質素，不過解像度仍達 960× 640，足足靚過 DVD一倍，其實應該好滿足了。如果要睇最佳效果，大可直接抄套高清片落 iPhone，再利用內置播片程式播放，便不會被 iPhone限制輸出解像度了。另外，硬件規格亦影響畫質，由於 Air Shuffle僅支援色差輸出，而並非 HDMI，就算抄套 1080p高清片落手機，色差線效果始終唔及 HDMI咁靚。

放大圖片
■支援 iPhone插頭，一拮即用。