娛樂八掛大放送★

【新報訊】北大教授孔慶東罵港人是狗，引起港人激憤群起圍攻，但論反擊方法之「啜核」，非被稱為「詹Sir」的詹瑞文莫屬，他將孔慶東的視頻言論，重新配上廣東話變成「自插」，以其人之道還治其人之身。短片上載網站僅兩日，吸引63,622人點擊。

夾啱嘴型自插 網民勁Like
短片名為「詹瑞文玩孔叫獸《孔慶東學廣東話解釋王八蛋》，其實是沿用當日孔大放厥詞的視頻片段，詹瑞文重新配音及配上廣東話字幕，由於廣東話配音與孔當日的神態，配合得幾至天衣無縫，驟看還以為孔為早前的謬論，以廣東話「自插」。
他說：「我晨早就應該收皮啦，我應該道歉㗎，真係Sor狗ry，講錯嘢要認，之前唔認，因為自己淆底，同埋……其實好狗驚，做錯嘢係有義務講對唔住㗎，講錯嘢梗係應該講對唔住啦。當你遇到一個人，好似我咁衰咗都唔認，咁點算呀？梗喺會俾大家揼實㗎嘛。故意唔講對唔住，係咩人？王八蛋！佢一定心虛淆底知道瀨嘢，比如我叫孔叫獸（教授），係唔係王八蛋呢？咁據我所知好多王八蛋，都唔會認自己係王八蛋嘅，擘口就話人係狗，話人係欠抽，呢啲咪王八蛋囉。」
「呢種人用魯迅先生過橋，喺節目度亂咁吠，猛話人哋係狗，話人哋唔係人，我唔知點解我尋晚夢到阿魯迅，佢話我欠抽仲叫我唔好咁狗，如果有同樣嘅事情，如果發夢嗰個係你嘅話，結果會點呀？結果當然唔同啦，呢個係魯迅先生，專登報夢抦我呢種叫獸（教授），魯迅先生當年就係咁樣對付我呢種亂咁噏嘅叫獸（教授），專門亂狗噏嘢，以為山高皇帝遠吹我唔漲，點知你哋YouTube睇到我狗噏，facebook呀插到我出汁，我仲話你哋老屈。呢種人喺『狗噏主義』面前，就係皇帝，King of the Gauuplism，所以我肯定詹瑞文一定會扮我，我今次咁樣狗噏，佢一定會玩殘我㗎，我成日都話人『賤』，賤呢一樣嘢都係自己攞嚟㗎，當年我老媽子點教我呢？就係攞起藤條係咁抽，監生抽到笨實咗。借用高登巴打嘅潮語嚟講，×街鳥，金翅×街鳥！」網民大讚詹瑞文為港人出了一口氣。
詹瑞文玩孔叫獸《孔慶東學廣東話解釋王八蛋》