旅行旅遊英國愛丁堡愛上 100% 羊毛咕　好冧好攬－娛樂八掛大放送★

未試過一個地方，會令小記還未安頓好行李，就於往酒店的路上不斷地怒影，又菲林又 digital，愛丁堡絕對不會給予你機會眨眼的！但我說過，單是觀光睇古堡不能遏止小記消費慾兼品味人生，要的卻不用浮誇，剛剛好就夠了，相信亦是你的心聲。記者、攝影︰吳美美鳴謝︰維珍航空、 VisitBritain英國旅遊局

英設計師手作仔大本營

要找到「剛剛好」的店是有點難，要視乎時、地、人，這幾天的愛丁堡之旅，小記先找到了 red door gallery，洩一洩消費之火。名字表明是 gallery，但其實是展示英國設計師手作仔的大本營，特別是願意鼓勵一批新血，如某些設計就是在店主 Sarah遊走各大畢業展時採購回來的，不過當天店主不在，是做了七年的兼職店員 Nicky告訴小記的。這裏售賣的東西都是很人性化很 warm的設計，如一位媽媽 Elsie Dodds為小孩子做的英文字母 cushion，若果你買的是 L字母，背面的圖案全都與之有關，小記即時聯想到兩母女在床上手指指地學生字的情景。落地至愛丁堡後，心諗點都要入手蘇格蘭羊毛 items，但街邊紀念品貨仔真係難以說服自己去買。好彩呢度小量頸巾款或 cushion套，都是 100%純羊毛，外觀可愛之餘仲攬落又暖又唔拮手，全都由倫敦女設師 Donna Wilson handmade，至冧屋形款嘅 cushion套，冬天要日日攬住佢。

放大圖片
■記者至冧！屋形 cushion套，咁凍要日日攬住佢。<br/>約$689

■記者至冧！屋形 cushion套，咁凍要日日攬住佢。約$689

放大圖片
■ D英文字母 cushion<br/>約$618

■ D英文字母 cushion 約$618

放大圖片
■人頭圖案羊毛頸巾<br/>約$569

■人頭圖案羊毛頸巾約$569

放大圖片
■呢條羊毛頸巾似咩動物呢？約$445

■呢條羊毛頸巾似咩動物呢？約$445

放大圖片
■ Susie Maroon設計的手 iPhone套。約$148

■ Susie Maroon設計的手 iPhone套。約$148

放大圖片
■完全似本書多過似朱古力包裝。每排約$124

■完全似本書多過似朱古力包裝。每排約$124

放大圖片
■舊拱門下是現代設計，毋須再多裝修。

■舊拱門下是現代設計，毋須再多裝修。

放大圖片

a. the red door gallery地址︰ 42 Victoria Street, Edinburgh

醫肚記芝士火腿 panini香又熱放大圖片

愛丁堡天氣唔講得笑，當怒買之後，體力急劇消耗， body就覺騰騰震，喺生理因素催迫下入咗 Tea Tree Tea，一間由兩個男人打骰，卻可愛地用一隻兔仔來作 shop icon的食店。老闆兼員工之一阿 Drew（黑色頭髮）話兔仔 idea源自「愛麗絲夢遊仙境」，無咩深層意義。同 Drew傾偈期間，另一位 Lotus拎起「是日推介」的黑板畫畫畫，又同埋另外兩位顧客研究 chicken點串，好搞笑！ Drew話 Lotus係攝影師兼熟客，一得閒就過嚟充當畫手，仲有牆上面的相片都來自佢手筆。唔好睇 Drew木無表情，其實佢同每個入嚟的顧客都有傾有講，直頭似 pantry成班同事喺度傾偈，又是一個好 warm的情景。掛住傾都唔記得食，叫咗杯 cream勁滑的熱朱古力兼自製的芝士火腿 panini，餡料足又香又熱，最緊要係食客老細又夠 warm！

放大圖片
■ Lotus是攝影師，亦會客串 cafe畫板工作，後面是他的作品，會定時轉換。

■ Lotus是攝影師，亦會客串 cafe畫板工作，後面是他的作品，會定時轉換。

放大圖片
■ Rebecca（左）及 Jane由開店已幫襯，成日搵老闆傾偈。

■ Rebecca（左）及 Jane由開店已幫襯，成日搵老闆傾偈。

放大圖片
■芝士火腿 panini配熱朱古力，平凡但好食。$34

■芝士火腿 panini配熱朱古力，平凡但好食。$34

放大圖片
■兔仔純粹係阿 Drew鍾意愛麗絲所以用作店 icon。$22

■兔仔純粹係阿 Drew鍾意愛麗絲所以用作店 icon。$22

放大圖片
■ Drew（左）負責店面冲啡工作， Jamie則負責廚房工作。

■ Drew（左）負責店面冲啡工作， Jamie則負責廚房工作。

放大圖片
■客人們一人一間隔，靜靜用 Wi-Fi睇書。

■客人們一人一間隔，靜靜用 Wi-Fi睇書。

b. Tea Tree Tea地址︰ 13 Bread Street, Edinburgh

紅莓 Scone粒粒肉放大圖片

食咗咁少，當然唔夠，但時間緊迫要去 The Fruit Market Gallery睇「 Childish Things」展覽，點知，個天知我餓，展覽臨時關閉唔俾入，助就我到內設的 cafe再食。英國過冬，最開心周圍都有熱湯飲，大碗足料食飽暖笠笠，各位來英去到邊記住「食」湯！評一評碗湯，基本上我在英期間未試過一碗係唔好飲，這裏的翠玉瓜配 rosemary湯亦都一樣，微甜夠熱，配黑麥包，滿足到不得了；轉頭又被紅莓、果仁 scone吸引，粒粒肉牛油味又香，搞掂兩樣滿足到夜晚唔使晚餐，食完就過去睇書消化一下。

放大圖片
■這裏有餅，亦有意粉食。