上月醉酒陳浩民、馬德鐘在橫店餓狼抽水事件曝光，全城譁然，被視為獵物的女主角陳嘉桓（ Rose）更無人不曉。
最近她連環被爆情史，指她曾戀上「有米王祖藍」 Henry Chan及動作演員張文傑，不過這兩段戀情也被其單親媽咪兼經理人 Ronnie反對而告終。
拍拖觸礁、拍劇遭受前輩欺凌，難怪現時令陳嘉桓最信得過的，只有家中 4隻愛犬。
「同狗仔相處最安全，我平日唔開心都會同我屋企 4隻狗仔傾，起碼佢哋會點頭，又唔會講番出去。」

抽水事件曝光後，陳嘉桓（ Rose）即時由橫店返港開記招及報警，交代事件的來龍去脈。只有 19歲的她，每天要面對近百傳媒的追訪，一路上除了有其媽咪兼經理人 Ronnie支持外，家中的四隻愛犬亦成為她的心理治療師。



抽水事件發生後，經理人 Ronnie（右）的媽媽身份亦隨即曝光，二人形影不離。

今年 5月，陳嘉桓與張文傑（右）於《萬眾同心公益金》合作傳出緋聞，男方更將合照放上微博。

愛犬陪喊

視家中愛犬最忠心可靠的 Rose，每遇到不愉快事，都會搵愛犬談心，她說：「我屋企有阿仔、 Bibi、細佬同 Zero四隻狗仔。我平日遇到壓力、唔開心嘅事，都會同佢哋傾。佢 哋會即時豎起耳仔，好專心咁聽，又唔會駁嘴。咁多隻狗之中，我最鍾意同細佬傾偈，因為我講完一句，佢都會『嗯』咁答我，好似聽得明我講咩咁。所以佢知道我最多秘密，又唔會講番出去。」抽水事件無疑令 Rose蒙上極大陰影， Rose在家中回想此事時亦不禁痛哭，四隻狗仔見狀立即撲入 Rose的懷抱，「我喊，佢 哋就即刻挨落我度，感覺好溫暖。同狗仔相處始終係最安全。」



拍攝當日 Rose影到大汗疊細汗，不過她最緊張的兩隻狗仔，一有空檔就放牠們上車涼冷氣。

Rose特登搵咗兩隻狗做電話 wallpaper，啱晒出 trip睇解悶。

識睇狗品

要照顧家中四隻愛犬，絕非易事。 Rose平日除了與媽咪 Ronnie一齊落手落腳照顧外，更視四隻狗仔為朋友，對每一隻狗仔的性格，也瞭如指掌，「阿仔係我第一隻狗仔，所以佢喺屋企好似大阿哥咁，其他狗仔都會讓佢，由得佢搶玩具同 嘢食。所以我對佢會用較惡嘅語氣，等佢唔可以太過分。」除了阿仔，其餘三隻狗仔都是領養得來， Rose指牠們更加需要愛，「 Bibi身世好可憐，被人拋棄過幾次。我 哋接佢返嚟嗰陣，已經係第四手。起初佢對我好有戒心，仲試過咬我，之後我日日幫佢按摩，讚佢好靚女，慢慢建立關係，令佢有安全感。依家佢不知幾開心，仲成日黐住阿仔，好似一對情侶咁。」
Rose清楚狗仔的性格，不過對於身邊男士品性，她至今還摸不清，近日更傳出她與師兄杜宇航交惡。提到感情事，「我唔想講咁多，但拍拖我依家無諗。我仲咁細個，梗係事業行先，我都冇時間拍拖啦。」



阿仔 5歲白色貴婦Rose愛將狗仔扮鬼扮馬，試過幫阿仔戴黑超出街，扮明星狗。

Rose話阿仔比較頑皮，她每次出門，牠都跳入行李箱。

Bibi 6歲比熊小公主 Bibi十分黐身，是 Rose最常帶出街的一隻。

Zero 5歲黑色貴婦Zero經常亂吠扭計，要 Rose抱起才收聲。

細佬 4歲史納莎Rose鍾意餵嘢俾細佬食，搞到細佬超重，變了「肥佬」。

狼吻後遺　陳嘉桓搵狗輔導

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄