最近何韻詩同黃宗澤喺街頭拍熱吻戲，記者問其「好朋友」容祖兒會唔會打電話關心吓，佢就笑住話：
我之前拍戲都有咀戲啦，你理得我哋，好煩！
無辦法啦，「你哋」咁熟，熟到會用「我哋」呢個 term㖭！咁又點可以唔煩你呢， Joey。


 

連日來陳太蔣麗莎，力撐老公陳浩民係好人，仲開到口話：
「一天都不想他離開，一天都不能離開。」
哎吔，咁就梗係好啦！最好有人廿四小時睇住咁「多手」又「多咀」嘅陳生呀，咁城中女性就安全嘞。

因疑向陳嘉桓抽水、被封賤男嘅陳浩民，陪生完女嘅太太蔣麗莎出院，公開話：
「個女好似我細個，依家希望停工有咁耐得咁耐，盡可能陪個女多啲。」
陳生係咪咁慈愛呢？媽咪姐就唔評論嘞！但佢依家形象直插谷底，仲有邊個會搵佢拍嘢呢？怕且真係有排停咯。


 

陳奕迅喺高雄開 show時同女 dancers跳辣身舞，佢用國語自爆：
「跳舞時，情慾真的有挑起來，但一挑起來她們就下台，男人結婚久啦，就是這樣子！」
嘩， Eason真係夠坦白，咁做老婆嘅徐濠縈就真係要睇緊嘞！


梁漢文下個月開演唱會，被問到會唔會請疑似有喜嘅楊千嬅做嘉賓，佢笑住回應：
「如果係真嘅，開演唱會嗰時就四個月，費事滾搞到佢個肚啦。」
啱嘅，啱嘅。丁生丁太遍尋良方先疑似「得米」！真係唔好「搞」小丁嘞。 s


葉璇拖住緋聞男友李東學出席品牌活動，佢否認戀情，但被問到係咪因為李生非「富二代」，所以拍唔成拖？佢就答：
「當然唔係，我愛佢多過『富二代』。」
Well，媽咪姐梗信葉小姐嘅，事關佢慣咗同「富一代」如「殼王」陳國強、鄭裕彤等做密友㗎嘛！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄