本週一下午三時，戴住黑超的 Winnie，由工人手挽放在籃內的 BB，與母親同返趙苑。

卓能主席趙世曾長子、廿九歲的趙式浩，自從○八年尾與羅樂林女兒羅苡之甩拖，○九年與現任女友 Winnie撻着，就一直將感情事保持低調，去年傳媒問他幾時結婚，趙式浩即耍手擰頭，點知他唔聲唔聲，竟然已經做咗老豆。
上週三，女友 Winnie在養和替他誕下七磅男嬰，趙式浩未結婚先做老豆，而榮升阿爺的趙世曾就話：「依家都好興咁啦！」

秘密產子

坦言今生不會結婚的趙世曾，一直反對兒子有固定女友，據知今次趙式浩（ Howard）未結婚先生仔，都是因為父親反對他太早結婚，難怪當記者恭喜趙世曾抱孫時，他開心說：「 BB好靚仔！」但問到未來新抱 Winnie時，他即刻落閘話：「未係未來新抱。」
而 Howard亦坦認暫時未有結婚打算，「依家冇諗咁多嘢，我同 Winnie有共識，呢個時候最緊要係個 baby。」幾時結婚？「其他嘢遲啲喺適當時候先決定。」問到是否因為父親不贊成他早婚， Howard就話：「唔係咁關事嘅，呢啲嘢要從長計議。」
女友 Winnie秘密懷孕， Howard一早安排她於上週三（廿三日）在養和，由陳煥堂醫生負責剖腹生產，為免傳媒嚇親懷孕女友， Howard將事情保密十個月，誰知待產期間撞正賭王身體不適留院，大批記者守候養和， Howard和母親盈盈每日要閃縮到醫院探 Winnie，據醫護人員形容：「個 BB出世有成七磅幾，大大眼好得意。」不過 BB因為出世後有點黃，要先照燈才出院。



今年四月 Howard與 Winnie一齊去澳門 Tatler ball，當時她已懷孕兩個月。

趙式浩為掩人耳目，與母親（右）乘坐另一部車離開。


趙世曾上週三往養和睇孫仔，當時記者問他為何來醫院，他敷衍說：「嚟睇牙。」

同日姑媽趙式芝亦出現探姪仔。

低調拍拖

其實 Winnie與 Howard早於七、八年前經堂姐趙式明介紹認識，不過當時二人均未有 feel，及至○八年尾 Howard與羅苡之分手才與 Winnie行埋，知情人透露：「嗰陣 Howard單身，於是搵番班朋友一齊玩， Winnie一直都對佢有好感，好快就撻着咗。」只不過拍拖初期， Howard因父親趙世曾不喜歡他有固定女友，於是頗有顧忌，甚至否認有拍拖，直至一年後才承認戀情，但就保持低調。
據知趙世曾反對兒子拍拖，除想他學自己咁自由風流，亦因當年他不喜歡羅苡之樣貌平凡，又非名門望族，而 Winnie不但靚女，而且頗有家底，家族做建材、地產生意，依家仲為趙家誕下慈姑椗，所以即使未正式註冊，已經與 BB一齊住進趙苑。



囝囝中文名會由趙世曾話事，「有幾個名，但未 confirm，英文名就我哋決定。」

羅苡之與趙式浩拍拖兩年多後分手。

本週日，趙式明孖住男友、遠東邱德根孫兒邱華瑋往探父親。

何琍琍隔日就去養和陪趙世光，女兒式和（右）探完父親就去睇 BB。

再做手術

趙世曾在養和添孫，同一個禮拜，他的細佬趙世光就在同一間醫院進行第二次手術，何琍琍亦從上海返港守候丈夫身邊，她說：「佢係做一啲康復需要做嘅手術，情況好好，唔需要擔心。」而式明與式和兩姊妹探父親之餘，亦有往探 BB，醫院的阿嬸說：「唔覺眼何琍琍有嚟，但就有個籃送咗嚟。」

趙世曾風流唔結婚

卓能集團主席趙世曾是城中花花公子，他還經常教仔要跟他一樣花心，千祈咪結婚做老襯。


姚煒
七七年在歌舞廳邂逅姚煒，二人拍拖三個月後同居，七九年誕下長女趙式芝，同年因忍受不了趙世曾的風流性格而分手。


盈盈
八二年盈盈於麗的電視的「香港節小姐」活動上認識趙世曾，兩年後誕下兒子趙式浩，最後分手收場，及後盈盈再婚並長居美國，前年回流返港。


Terri Holladay
九二年舉行海陸空訂婚儀式，轟動一時，九四年誕下細仔趙式正，三年後「離婚」，及後才發現原來二人根本未有正式註冊。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄