Kary同 Lam仔因合拍 MV《我本人》火速撻着。

去年同拍拖四年的「網球王子」洪立熙分手後，今年情人節（二月十四日）， Kary吳雨霏被揭與周柏豪撐枱腳，關係非比尋常。
最近 Kary又有新目標！轉投環球唱片後，公司安排今年正式加入樂壇的林子祥乖仔林德正（ Alex）做 Kary新歌 MV男主角，兩個鬼聲鬼氣，火速撻着。早前本刊直擊 Kary出席完活動後，戴帽戴口罩摸上 Lam仔位於中環唐樓的新居過夜，一宿十一小時，翌日早上才離開。

共處十一小時

Kary吳雨霏轉投環球唱片後，力迫謝安琪坐一姐寶座，事業得意，還意外覓得同樣鬼聲鬼氣的「 Lam仔」林德正做新男友。
一直跟父親林子祥同住跑馬地的 Lam仔，幾個月前搬到中環士丹利街唐樓獨居。半個月前，本刊發現 Lam仔返回住所後，不時探頭出窗，似有所待。同一時間，剛與周國賢於中環出席完音樂派對的 Kary，火速返回跑馬地千葉居寓所換衫，之後戴上帽和口罩，蒙面跳上的士直駛中環；沿途 Kary不時回頭查看有否被人跟蹤，警覺性十分高。到達 Lam仔所住唐樓後，極速落車上樓。
留守 Lam仔獨居寓所十一小時，翌日上午十一時， Kary終於離開。由於懷疑有記者， Kary一直躲在唐樓的大鐵閘內等車，直至父親名下的七人車駛至，司機打開車門， Kary才極速奪門而出，本刊記者上前問她：「你同 Alex（林德正）拍拖？」 Kary充耳不聞，九秒九上車走人。
Kary吩咐司機帶記者「遊花園」，但未能成功甩身，於是折返跑馬地住所，在停車場半行半跑返上樓，其間記者要求她企定定影相，三魂唔見七魄的 Kary慌失失說：「我知！我知！你俾條路我行先啦！」



你俾條路我行！（真實對白）翌日早上十一時， Kary離開 Lam仔住所，其間對記者的提問充耳不聞。

同網球王子玩完， Kary頻頻向周柏豪展開 SMS同飯局攻勢，企圖令兩人的密友關係更上一層樓。

短聚 11小時Kary開完工，戴晒口罩同帽，凌晨十二時半搭的士摸上 Lam仔新居。

Lam仔無家人照顧，買廁紙等日用品全部一腳踢。

Kary同 Lam仔結伴睇 MR演唱會，卻前後腳入場，企圖隱瞞戀情。

今年九月， Kary同 Lam仔結伴夜蒲蘭桂坊，但女方刻意黐實形象指導馬天佑，將戀情保密。（《蘋果日報》圖片）

本週一（二十八日）就 Lam仔同 Kary的戀情向林子祥查詢，他表示不知情。

林子祥笑晒

同「網球王子」洪立熙分手後， Kary感情一直未有着落。有指她連相識多年的好友周柏豪都唔放過，頻頻展開短訊約飯局；女追男主動出擊， Kary甚至出口術，公開表示想同周柏豪以情侶檔出席活動：「如果價錢好，我唔怕一齊。」兜個大圈示愛，可惜周柏豪唔吼：「我估佢 get錯問題，未瞓醒，我同佢（ Kary）識咗十年，只係朋友。」
過檔環球後，適逢公司安排今年入行的 Lam仔為她的新歌 MV《我本人》做男主角，兩人一拍即合。「佢哋（ Kary、 Lam仔）開工嗰日已經好好傾，仲即場交換埋電話！」一名工作人員說。
唔想緋聞影響事業，兩人拍拖刻意低調，在同事面前扮生疏；去蘭桂坊夜蒲， Kary全程 mark實形象指導馬天佑，甚至結伴離開，與同場的 Lam仔無兩句扮唔熟。
有關 Lam仔同 Kary的戀情，林子祥全程笑口噬噬，「唔知道呢！」大賣關子。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄