收工返屯門，見記者跟住護送，呂慧儀入完油仲抬咗箱夏枯草出嚟請大家飲，有心！

深得曾志偉歡心，做乜都預一份，經常俾獎門人帶住呢度去嗰度去嘅長腳蟹呂慧儀，最近自爆婚訊，下個月十三號，同拍拖七年嘅男友、 08年落選港男黃文迪拉埋天窗。

 

外傳長腳蟹決定埋街食井水，同獎門人換馬，改投高海寧懷抱有關。呂慧儀亦否認係奉子成婚，純粹男友上月求婚，佢唔 say no咁簡單。
二五話黃文迪做健身教練，搵得唔多，所以婚禮亦以慳皮為原則，喺九展擺酒，仲會全力搵贊助。
講到贊助呢科，做慣扶貧嘅曾志偉最掂，去蜜月嘅機票、嫁女餅之類，佢全部有路數，再嗌佢打對龍鳳鈪過你。話晒一場「朋友」，最多俾佢冠名贊助，一於咁話！



呂慧儀宣布婚訊， fans專程入電視城送禮物。


早喺 06年選港姐前，呂慧儀已經同黃文迪拍拖，二人同屬愛貓族。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄