你拍埋我嗰份！（設計對白）TVB明年力谷楊怡，除了《名》劇外，更有多部劇集排住隊出街，難怪法拉唔妥。

陳法拉以面癱要返美國醫病，突然辭演即將開拍的四十集重頭劇《名媛望族》，原來另有內情！法拉此舉是一石二鳥，一方面扭計，搏 TVB放棄胡杏兒讓她做視后，更重要是她認為自己是頂班一線花旦，唔甘心在《名》劇中降格做第二女主角，屈居楊怡之下，於是在開拍前一個月，詐病推劇。

不忿做阿二



你估你好紅呀！（設計對白）

為準備好明年的電視台大戰， TVB準備了多套重型製作劇集迎戰，當中包括四十集的民初劇《名媛望族》，由劉松仁、陳玉蓮、楊怡、馬國明及吳卓羲孭飛，劇情圍繞上流社會一班女人爭寵、勾心鬥角，完全迎合師奶口味， TVB更難得大破慳囊，拉隊到上海拍攝外景。
劇集其中一個女主角本來屬意已經上位做一線花旦的陳法拉，但臨開拍前唔夠一個月，法拉突然向公司提出辭演，理由是長期拍劇，導致頸背勞損，面部神經線出現問題，左邊面經常麻痺，隨時有面癱危險，所以要返美國醫治。
「其實莊偉健（監製）同梁家樹（製作總監）都有問過法拉，可唔可以喺香港邊拍邊醫，但佢堅持要走，唔肯拍！其實好多同法拉一齊拍緊劇嘅同事，都唔覺得佢有講嘅咁嚴重，明眼人都睇得出，法拉係唔滿意自己喺《名媛》做二幫，佢最初以為自己係女主角，同吳卓羲、馬國明有一段糾纏不清關係，但聽晒個故仔後，佢發現楊怡先係第一女主角，戲份由頭帶到尾，佢自己就喺後面嗰二十集先多戲。」一名幕後工作人員說。
拍完《潛行狙擊》後，陳法拉已將自己定位在頂班一線花旦，要降呢做番第二女主角，陪襯楊怡，當然心有不甘。

賺錢騷照做

對外，陳法拉聲稱拍完《東西宮略》及出席完台慶頒獎禮後，便會起程飛美國醫病，預計明年五月返香港為《衝上雲霄 2》開工。但據了解，她在美國的時間只得半個月。
「其實法拉喺聖誕節嗰段時間會返嚟香港，因為佢接咗啲活動。自從佢話病之後，好多客都有問過佢經理人 Cindy呢段時間係咪唔喺香港接 job， Cindy話唔係，有啱嘅工作都會照做，擺明唔需要長時間留喺美國醫啦，既然可以走開嘅，咁點解唔喺香港一路做嘢一路醫呢，好古怪囉！」一名工作人員說。
本週二（十一月二十九日），《名媛望族》演員試造型見記者，對於法拉因為不甘心做阿二辭演，楊怡表示：「佢（法拉）唔拍係好事，佢應該休息吓，我見佢嘅狀況都好差吓。（法拉其實係因為嫌戲份唔夠你多先唔拍？）冇可能，一套劇四十集，點會集中喺我一個人身上，做演員唔會咁計，我唔相信法拉會咁囉！」



本週二，《名媛望族》試造型， TVB將楊怡、劉松仁及陳玉蓮特別重點擺重做焦點。

《名》劇早前已拍了宣傳片，當時法拉都有份參與演出。

法拉辭演，改由新人港姐朱晨麗補上，與馬國明及吳卓羲做對手戲。

法拉有有錢「老公」薛世恒射住，想隨時唔撈都冇問題。

拍完《潛行狙擊》後，法拉自覺已企穩一線女主角位置，要揀角色又要揀對手，甚有阿姐風範。

五月法拉就會為《衝上雲霄 2》開工，夥拍張智霖，戲份一定唔少。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄