課外活動！幾時？（設計對白）

唐英年、梁振英先後宣布參選特首，論表現，梁振英稍為佔優，至於「缺失男」唐英年，俾人鬧「蠢豬」，唐唐就話自己生肖屬龍，撐佢 嘅周星馳又話唔會同蠢人做朋友，講晒好說話。

上個禮拜四（二十四日）黃昏六點，《壹》仔見到唐生唐太出現太子大廈，兩個一前一後邊行邊講電話，行到去門口上落客區等車，兩公婆繼續一人企一邊，仲以為唔識。
等車期間，唐唐終於發現鏡頭，自動對焦又笑又揮手，無論《壹》仔行去邊，唐唐都會轉身遷就角度望鏡，笑容同落區一樣咁親切。
揮手係歷任特首 嘅招牌動作，唐唐已經學定先。《壹》仔手 攰放低部相機，唐唐就跟住放低隻手，但就 keep笑。總之，《壹》仔舉機，唐唐就揮手笑，歷時十五分鐘。
唐唐絕對唔係豬，豬唔會笑唔識揮手！

唐唐見到《壹》仔又揮手又笑，無論咩角度都係同一個動作、同一個笑容，唐太唔知發生咩事，專心煲電話粥。



 

唐生唐太行街似唔識，沿途保持兩秒安全距離，又各有各講電話，同當日開記者會自爆遇過感情缺失，兩個樣！



  

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄