演唱會反應好，加上成功有喜，千嬅和老公在後台開香檳慶祝。

完成一連五場 Minor Classic演唱會，楊千嬅一圓構思經年，唱冷門歌自娛的心願後，已向公司請假，等到過完 2月 3日三十八歲生日後才復工。之所以忽然放假兩個月休息，原來結婚兩年的她，終於在非人工受孕下，成功造人！
難怪過去五場騷老公丁子高全程監場，以往開騷，千嬅高踭鞋有咁高著咁高，今次反而兩度赤腳出場。對於懷孕一事，千嬅回應得十分小心：「唔想小器！真係唔講咁多嘞！」

一次過圓兩夢

楊千嬅五場非主流作品演唱會，唔商業，唔計賺蝕，只為完成多年心願，烈女本色！
「我成日諗，無論發生乜事都好，如果我聽日就退休，咁我有乜嘢未做呢，真係好感激公司，俾我咁冒險去做呢個騷，俾我咁大自由製作，完成我呢個階段嘅心願！」千嬅說。
何止完成另一階段夢想，楊千嬅更進入人生新階段，完成做媽咪的心願。據了解，千嬅已經懷孕三個月，由於小心護肚，千嬅再未有為演唱會狂操，老公丁子高更不停提醒她，高踭鞋可免則免，包括飲食方面，他亦全面監控。
「千嬅好緊張呢個騷，更緊張個胎，所以稍為要大動作，佢就唔著鞋出場，高踭鞋唔可以超過六吋，佢平時著七、八吋高，都好似著平底鞋咁好穩陣，連 Eason嫂徐濠縈都話佢厲害！丁生就成日提醒佢小心，所以大家見千嬅唱住歌上落樓梯，都會扶住啲柱！」千嬅身邊人說。



千嬅穿上六吋高踭鞋時，顯得步步為營，傘裙下還輕微凸肚。

雖然唱冷門歌，但現場觀眾卻反應熱烈，更有唔少 fans跟住唱，令千嬅相當感動。

三千萬續約兩年

造人與事業同樣重要，千嬅已答應再續約東亞娛樂兩年，即使大住肚，也不會全面停工。
「同東亞已經合作咗五年，今次續約價要三千萬，但老闆都無手軟。千嬅電影同廣告都有穩定市場，有數得計，加上東亞同內地嚟緊有好多大型合作，紅嘅人一定唔放走！不過即使千嬅續約兩年，但工作會以配合 BB行先，林生俾佢好大自由度，尤其係選擇工作方面！」一名資深東亞員工說。
對於成功有喜！千嬅回應得好謹慎，「希望遲啲有好消息同大家講，唔想小器，真係唔講咁多住嘞！」



得東亞揼本開騷，完成入行十六年的心願，臨近尾聲，千嬅忍唔住狂喊！

為安胎養好身體，千嬅沒有為演唱會刻意減肥，她更自爆，開騷前食晒成個海南雞飯。

歌衫佔了一半是鬆身裙，明顯刻意遮肚，以防萬一，千嬅部分時間赤腳出場防滑倒。


老公丁子高與千嬅父母睇足五場，實有喜的千嬅。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄