突然要著神父袍做證婚人，台上嘉賓爭住要影低霆鋒呢個 chok住嬲樣。

上個禮拜三晚（十一月二十三日），組合 Swing响紅館舉行散 band演唱會，大班圈中好友包括蘇永康、張繼聰、李克勤、劉美君、何超儀、陳奕迅等等上晒台一齊玩，散 band變 咗群星 show，十分抵睇！不過，個唱最高潮都係 Eric Kwok郭偉亮跪地向拍拖十一年 嘅 Grace葉佩雯求婚。

有紅館近萬觀眾做見證， Grace喊到收唔到聲，佢點頭講肯嫁，婚姻監禮人蒲頭，要 Grace即刻簽字宣誓做郭太。
求婚結婚做足保密功夫，就連謝霆鋒都係臨時先知自己要做證婚人，仲要著上一早準備好 嘅神父袍，俾人擺上 枱，霆鋒忍唔住話：「我滿心都係祝福，但滿腦子都係粗口， 响咁多兄弟姊妹面前，你揀個 啱 啱離 咗婚 嘅人做證婚人，你攞景定贈興呀仔！」
不過新郎哥就唔理咁多：「我好自私，唔理呢啲！」咁又係，好在張栢芝臨時甩底冇 嚟睇騷，如果前謝太都係埋度，都咪話唔尷尬！ Eric Kwok，你真係幾自私！



精心部署驚喜婚禮，郭生郭太當眾舌吻，又感動到攬住喊。

Swing個唱以多個造型現身，包括鐵甲奇俠同巴斯光年，不過最騎呢係 Eric著住一條肉色緊身褲，暴露狂！





Jerald同劉美君傳過緋聞，兩個台上唱歌互摸，歌迷不斷尖叫。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄