iPhone 保護殼秋 Phone起　換殼皮 iPhone－娛樂八掛大放送★

iPhone 保護殼秋 Phone起　換殼皮 iPhone

秋 Phone起　換殼皮

熱賣潮物 iPhone Case，中文稱為 iPhone保護殼。表面上為保護 iPhone，但實情係，要靚要型要特別，多過所謂「保護性」多多聲。更甚者，更要準備多款唔同 Type嘅 Case，用嚟襯衫襯心情，好等自己可以喺芸芸 iPhone中，成為不平凡一個。記者：韓繼聰攝影：蔡家輝Model： CC@Interplay Workshop

其他副刊影片毛茸茸　獸性大發放大圖片

近年尾，天氣開始轉凉，唔少潮人嘅冬裝已經急不及待要衝出衣櫃，而「皮系」衣着就一向長青款式。所以 Ozaki就推出咗一系列「皮系」 iPhone Case，俾大家嚟個絕配！當中嘅「皮毛」系列，就更加係參考咗五種瀕臨絕種動物，包括亞洲黑熊、東北虎、遠東豹、印度豹及山斑馬的皮毛圖案嚟設計，各種奇珍異獸上晒身，感覺夠晒貴氣兼有特色。除咗圖案紋理夠像真外，摸上手，毛毛嘅質感就更加係令人愛不釋手，相信絕對可以為嚟緊凍冰冰嘅冬日，帶嚟一種無形嘅暖意！但萬一你唔 like「毛茸茸」， Ozaki亦有另一個「皮革」系列俾你揀，同樣係參考瀕危動物，有阿拉伯鴕鳥、森蚺、柬埔寨野牛，同埋古巴鱷，感覺同樣矜貴，愛成熟 Feel， Must Buy！

放大圖片
■豹紋 Case襯皮褸 Look，就係型嘅代名詞。

■豹紋 Case襯皮褸 Look，就係型嘅代名詞。

放大圖片
■雖是仿製，但毛質手感絕對夠真實，摸落好舒服。

■雖是仿製，但毛質手感絕對夠真實，摸落好舒服。

Cutie殼　愛佢膠放大圖片
■日本正牌 Hello Kitty殼，品質好過街邊老翻多多聲。

■日本正牌 Hello Kitty殼，品質好過街邊老翻多多聲。

講到女生最愛，「 Cutie系」應該走唔甩。 Candies一系列「膠膠哋」嘅出品一向都極受女生歡迎。今次更張 iPhone Case化身成小型手袋仔，帶住佢出街夠晒「卡娃兒」！另外卡通人物亦係唔少得嘅 Items，日本方面， Hello Kitty係當然嘅第一選擇，而本地薑就有第一次攞正牌推出嘅麥兜系列，仲隨 Case附送麥兜抹布㖭。

放大圖片
■店舖特別為蝴蝶結加水晶，有心思。

■店舖特別為蝴蝶結加水晶，有心思。

放大圖片
■當手袋仔用的 iPhone Case，可愛到極！$350（ b）

■當手袋仔用的 iPhone Case，可愛到極！$350（ b）

放大圖片
■搞鬼吉列豬排 Case，像真度極高（$380/c）

■搞鬼吉列豬排 Case，像真度極高（$380/c）

放大圖片
■麥兜係本地卡通代表，仲首次出 iPhone殼，梗撐！（$198/d）

■麥兜係本地卡通代表，仲首次出 iPhone殼，梗撐！（$198/d）

Swarovski水晶　閃全城放大圖片
■閃令令嘅水晶殼搶眼非常，襯高貴 Look，醒神！

■閃令令嘅水晶殼搶眼非常，襯高貴 Look，醒神！

你可能覺得「閃令令」好娘，其實只要配襯得宜，「閃令令」一樣貴氣十足！「囍」賣嘅水晶 iPhone Case，全部人手以 Swarovski水晶逐個做，閃到爆！另外，客人更可以自己來圖設計訂做，閃之餘更係獨一無二，唔驚同人「撞殼」咁！價錢都只係$800起啫。若然怕太浮誇但又想閃，不妨揀另一款 Bumper，佢係 Swarovski正式授權出品，一世保用，用到 iPhone 10都仲得，假設 iPhone一直唔轉款的話。

放大圖片
各$1,680/c