2011年 11月 11日，人稱百年一遇的光棍節，適逢林家棟自稱與女友剛分手，趕得切做節。
全民偶像兼且勤力得像頭牛的老闆劉德華，身邊尚且有個守候 25年的朱麗倩，我問林家棟，難道不想定下來、不想有個伴分擔憂喜嗎？
「唔使！一個人咪幾好，冇人再投訴我忙，夜晚四點醒起要搵人傾劇本，想幾時上嚟就幾時上嚟！」
10年來跟着劉德華闖影圈，杜琪峯大作套套有份、間中接番套王晶爛片、黐起條筋停產兩年監製套享譽國際的《打擂台》，興起時又回復演員身份在新戲《保衞戰隊之出動喇！朋友！》做大奸角……，林家棟說，這就是自由的好處。即使當年在無綫，由 97年起一連四年擔正台慶劇，
01年也是說走就走，道理簡單，當家小生的地位誠可貴，自由價更高。
之前一番怕煩不要伴的說話，一點沒有死撐的味道，林家棟看來是真心愛自由。

自駕美詩

城中熱話最近說的是無綫專刻薄員工，孫耀威代女友陳美詩討公道，說不懂擦鞋的專業好演員沒有好結果。
我問電視台前輩林家棟有沒有興趣落井下石，家棟反倒替舊東家說話。
「任何人任何地方都要爭取表現㗎啦，但又唔代表爭取咗就一定係你嘅。
我哋拍戲合約往往都有一條係『演員要喺最佳狀態下演出』，咩叫最佳狀態呢？
我會假定入得行每一個都係好演員、都係專業演員。好多人鍾意講：『就嚟輪到我㗎喇！』
睇街症咩你估？呢行邊有得就嚟到㗎！我真係唔信擦得鞋多就有機會、
簽長啲約就爭到個獎，咁新聞部個個簽長約，畀晒啲獎佢哋囉。
呢幾年成日有舊同事打畀我，問我走唔走好。走唔走睇你追求啲乜，你要錢定要面先？
你估出到去就實有機會、實多片酬咩？你冇叫座能力，籍籍無名邊個肯捧？現實就係咁。」


離開電視台以後，林家棟成為劉德華旗下藝人，在公有劉華的地方就有林家棟，在私連家庭活動亦預埋家棟一份。《忽然 1周》圖片
離開電視台以後，林家棟成為劉德華旗下藝人，在公有劉華的地方就有林家棟，在私連家庭活動亦預埋家棟一份。《忽然 1周》圖片
闖影圈後成為大導杜琪峯愛將，去年尾杜 Sir獲封榮譽院士，林家棟與劉華、古天樂和鄭秀文等齊齊到賀。《壹週刊》圖片
闖影圈後成為大導杜琪峯愛將，去年尾杜 Sir獲封榮譽院士，林家棟與劉華、古天樂和鄭秀文等齊齊到賀。《壹週刊》圖片
我真係唔信擦得鞋多就有機會、簽長啲約就爭到個獎，咁新聞部個個簽長約，畀晒啲獎佢哋囉。
我真係唔信擦得鞋多就有機會、簽長啲約就爭到個獎，咁新聞部個個簽長約，畀晒啲獎佢哋囉。

林家棟說自己離開電視台是想看看外面的世界，愈看心愈野：
「做監製係想圓自己嘅夢，亦圓人哋嘅夢。嚟緊同編劇搞緊個講田徑嘅電影，到自己有一日 ready喇，仲想做埋導演。喺電視台嘅心願，一直想拍套唔使流血嘅劇，遇着套《茶是》圓咗心願。出嚟做電影，想貼近社會、想有足夠時間搓個角色，又俾我遇着杜 sir，叫做咩角色都做過……
呢 23年，一路順利，又冇見過咩壞人，算係咁啦。」

誓不低頭


監製完《打擂台》，林家棟一口氣接了《寒戰》、《童眼》、《保衞戰隊之出動喇！朋友！》三部電影：「做演員當然舒服得多，為《打擂台》我兩年接唔到戲。」
監製完《打擂台》，林家棟一口氣接了《寒戰》、《童眼》、《保衞戰隊之出動喇！朋友！》三部電影：「做演員當然舒服得多，為《打擂台》我兩年接唔到戲。」

正值台慶月，又遇上政府開放免費頻道電視起風雲，林家棟偷偷告訴我，早前有人請他回巢拍被後宮佳麗包圍的古裝宮廷劇，他一口拒絕。聽起來，疑似正在播映、由陳錦鴻飾演皇帝的《萬凰之王》。
「唔拍劇咯，都唔得閒。 10年前走，一年拍 100集電視劇，你計吓，每集要拍 36個鐘，我哋有幾多時間要留喺廠？明明同阿媽一齊住，佢都見唔到我幾面；長時間每日瞓三個鐘，冬天拍夏天戲、夏天着冬天衫、大陸凍香港熱，廠就長年凍到震，感冒藥食足兩年都清唔晒感冒菌，你話驚唔驚？最緊要係演員最怕同社會脫節，愈拍我愈覺得自己唔夠，所以先至要走咋嘛……」


第一次做監製，《打擂台》橫掃十個金像獎項，上台獲頒「最佳電影」獎時，女主角賈曉晨攬住監製林家棟喊。
第一次做監製，《打擂台》橫掃十個金像獎項，上台獲頒「最佳電影」獎時，女主角賈曉晨攬住監製林家棟喊。

沒走的時候，林家棟套套劇收視過四十點、年年擔正台慶劇，十年前亮燈儀式已經與羅嘉良、歐陽震華排第一行正中間，離開以後卻永遠是劉德華、古天樂身邊的東莞仔、收數佬，不留戀做當家小生男一號的日子嗎？
「我從來唔追求呢啲嘢……當咩家小生啫！呢啲嘢唔係你定，佢哋話你係就係、唔係就唔係，電視台最鍾意 copy，《茶是故鄉濃》、《酒是故鄉醇》成功，我唔走咪拍埋《米是》、《水是》拍到家囉，有咩意思？」

乜叫自私

愈做愈覺得自己不夠，愈試愈想嘗試更多，林家棟計劃多多，惟獨沒計劃過成家立室。
「屋企八兄弟姐妹，個個結晒婚生晒仔，阿媽一早兒孫滿堂，佢唔催我，我就更加唔渴求。」
林家棟說，工作、朋友、家人、還要用剩下的時間做 gym、跑步、冥想，享受生活，女朋友排名太後總是投訴多多。一直有說他身邊有個拍拖 8年的圈外女友 Rossetti Fung（馮寶寶侄女），林家棟卻說自己目前單身，傳聞都說林家棟收收埋埋扮單身，是老闆劉華的家教：
「雜誌早排影過？女友間中穩定、間中唔穩定咁囉。個個都投訴我顧住做嘢，家冇（拍拖），最好！
唔使俾人投訴。每日咁多嘢做，攰都攰到想死，唔使人陪啦。喺自己個世界入面，想做嘢就做嘢，夜麻麻返到屋企睇新聞攞靈感，深夜四點醒起要 call個編劇傾吓劇本，話上嚟就上嚟，唔使同人交代你話幾好？」
老闆劉德華收埋朱麗倩 23年才給她一個名分，拖住手做埋大龍鳳補鑊都被批評自私，林家棟這種算甚麼：
「女人角度，我可能係自私、自我，但冇辦法，我就係咁，真係唔知做人點樣叫做唔自私。」


97年的《大鬧廣昌隆》是林家棟事業上第一個高峰，收視高達 45點，圖為女主角周海媚，及與林家棟傳過緋聞的郭少芸。
97年的《大鬧廣昌隆》是林家棟事業上第一個高峰，收視高達 45點，圖為女主角周海媚，及與林家棟傳過緋聞的郭少芸。
林家棟出名孝順，當年在廣西拍電視劇也帶着母親在身邊：「拍劇令到個人唞唔到氣、同社會脫節，最緊要係失去好多同家人相處時間。」
林家棟出名孝順，當年在廣西拍電視劇也帶着母親在身邊：「拍劇令到個人唞唔到氣、同社會脫節，最緊要係失去好多同家人相處時間。」
常被傳媒拍到的女友 Rossetti，外傳拍拖 8年感情穩定，林家棟卻一直自稱單身，採訪是日聲稱與女友剛分手。
常被傳媒拍到的女友 Rossetti，外傳拍拖 8年感情穩定，林家棟卻一直自稱單身，採訪是日聲稱與女友剛分手。

傳聞道


常常遇到健談的的士司機喜歡分享拉客見聞，有個司機大佬說，常送成雙成對的圈中緋聞男女到九龍塘酒店闢室，其中一對是林家棟和……
「好多啦，我都費事同嗰啲人講，唔該思考吓，唔好人講你就信……」
見林家棟已經有點火，我沒說完就嗱嗱聲轉話題，實情司機大佬話：「佢好 cool，坐車坐到離行離列，又一句說話都唔講，扮晒冇嘢，但兩個一齊去九龍塘，都知你哋咩關係啦……」
不論在電視圈還是電影圈，林家棟的緋聞一直寥寥可數，我想，不見得是劉華落令，可能是本性。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄