司儀雷宇揚喺剪綵前，掹住三子做訪問，竟然提到蔡一傑之前撞車單嘢，搞到傑仔鬼咁尷尬。但佢都無黑面喎！真襟撈㗎！

最近，草蜢忙於幫老友林海峰嘅棟篤騷及經理人林珊珊嘅回顧騷任嘉賓，雖然忙，但都抽時間登吓台賺吓快錢。
周日（ 30日）晚，草蜢三子去深圳東門嘅新酒吧 STARZ任開幕嘉賓，由於其中一個香港股東同三子稔熟，所以幾忙都盡量撐場，仲撐足五粒鐘。

三隻草蜢果然魅力非凡，好輕易就搞旺個場。佢哋一出，全場女士即嗌到拆天聲沙咁滯。本來佢哋只唱〈華麗舞台〉同首本名曲〈忘情森巴舞〉，但老友股東開到聲，叫佢哋唱多隻〈愛不怕〉，三子二話不說就叫現場起 music。至臨完場，阿智仲帶頭叫全場一齊唱生日歌，送俾早兩日生日嘅股東老友聽㖭。咁識 do，抵佢哋今時今日都撈得咁掂。


雷宇揚
雷宇揚
撐足五粒鐘三子當晚 8點幫酒吧剪綵，凌晨 12點就做表演嘉賓，一於力撐到底。
撐足五粒鐘三子當晚 8點幫酒吧剪綵，凌晨 12點就做表演嘉賓，一於力撐到底。
臨時送多首三隻草蜢喺台上又唱又跳，台下班女士亦 high到手舞足蹈（圖）。三子果然犀利。
臨時送多首三隻草蜢喺台上又唱又跳，台下班女士亦 high到手舞足蹈（圖）。三子果然犀利。
香港三子唔只唱得，冧招亦一流。唱完仲同台下客人逐一握手，傑仔差啲俾熱情 fans拉咗落台㖭。
香港三子唔只唱得，冧招亦一流。唱完仲同台下客人逐一握手，傑仔差啲俾熱情 fans拉咗落台㖭。

好耐冇蒲頭嘅志雄哥（左一）當晚亦有出席，話係專誠嚟捧草蜢場喎。
好耐冇蒲頭嘅志雄哥（左一）當晚亦有出席，話係專誠嚟捧草蜢場喎。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄