龍蝦米多
百年法國名菜，龍蝦以干邑及白蘭地烹調，富有酒香。

潮𡃁便當

Under$400時令海鮮 Buffet Check In!

2012年11月07日 ~~ 第285期 Face

提到食 Buffet，人人興奮，近日，各大小酒店推出不同主題的自助晚餐，時令龍蝦固然唔少得，仲有好多特色菜款等住大家，和牛、鵝肝、黑豚、燕窩甚至日本十勝紅豆，統統都有！

海鮮最多
Buffet枱 double up

翻新 2個月，灣景廳終於在 9月 22日裝修完畢，地方更大，座位更多， buffet枱比以前大一倍，乘勢推出海鮮及鵝肝自助晚餐，海鮮種類包括法國膏蟹、加拿大石蟹、松葉蟹腳、美國生蠔、翡翠螺等。
鵝肝則以 BBQ形式，即叫即煎，上加黑松露，離遠已經聞到香氣。
此外，不少餐廳自助晚餐，龍蝦都是隨入座附送，一隻起半隻止，但這裏卻是任叫，食幾隻已抵番晒！

海鮮種類多達 10款，包括蟹、生蠔、翡翠螺、蜆及青口等，其中翡翠螺會先去除所有內臟，然後用白酒去煮，最後再放入冰水過冷河，令肉身更爽。

雪糕款式多達 11款之多，特別口味有楓糖合桃、意大利奶凍、法式焦糖燉蛋和特濃咖啡等。

龍蝦凍批
凍批呈啫喱狀，內有龍蝦片、水欖、香草等，入口帶酸，作為頭盤正好開胃。

香煎鵝肝配黑松露菌汁
選用法國名貴鵝肝，為令鵝肝保持新鮮，會以 BBQ形式，即叫即煎。

價錢

副行政總廚
彭祖健
就算整一款頭盤，我哋都好認真，好似龍蝦凍批咁，就特別加入白酒同魚水，配合番龍蝦片嘅鮮味。

星期一至四：成人$ 358、長者$328、小童$268
星期五、六、日及公眾假期：成人$398、長者$358、小童$288（另加一收費）
優惠： Facebook粉絲於專頁內下載優惠券，成人每位$328、長者每位$298、小童每位$250，價目已包括加一服務費。

灣景廳

地址：灣仔港灣道 4號灣景國際 1樓
電話： 2802 4284
自助餐時間： 6:30pm-9:30pm

龍蝦鵝肝醬吐司
菜式花款多

繼 10月的西班牙蠔宴後，城景國際推出以龍蝦及十勝紅豆為主題的自助晚餐，菜式離不開龍蝦，但卻極之多變，或加上 Mascarpone芝士去焗，或以鵝肝醬吐司伴吃，或用矜貴鮑魚忌廉熬湯，更甚者在英式早餐賓尼狄蛋內取靈感，玩龍蝦菜式玩得超極致！
甜品方面，選用香甜、肉粒飽滿的日本十勝紅豆，最少有 6個款式，包保甜到入心。

龍蝦鵝肝醬吐司
鵝肝特別加入蛋白及忌廉增強香味，配合鮮味龍蝦及香脆吐司，食落層次豐富。

龍蝦金必多鮑魚忌廉湯
湯底以龍蝦、鮑魚及法國白酒烹調而成，仲加入鮑魚片及素翅增強口感。

龍蝦賓尼狄
包括水煮蛋、意大利 prama ham、荷蘭汁及英式鬆餅等，最特別是加入龍蝦肉同吃，令菜式變得更矜貴。

青口刁草意大利芝士焗龍蝦(每位半隻)
選用味道較輕的 Mascarpone意大利軟芝士混合青口肉、刁草、黑胡椒及黃菌製成醬汁，配合龍蝦去焗，更能帶出鮮味。

紅豆甜品薈
特別選用日本十勝紅豆炮製多款甜品，包括冰皮紅豆芒果卷、紅豆椰汁糯米、綠茶紅豆慕絲等。

價錢

行政總廚
楊啟明
每位入場客人，我哋都會即時奉上剛煮好的半隻龍蝦一份。
上面配料都經過一番挑選，好似選用海水味較重的荷蘭南青口、用白酒煮過的法國黃菌等，醬汁內仲會加入魚水，帶出龍蝦鮮味。

星期一至四：成人$428、長者$378、小童$328
星期五、六、日及公眾假期：成人$468、長者$428、小童$368（另加一收費）
優惠： Facebook粉絲於專頁內下載優惠券，成人及長者星期一至四$298、小童$238；星期五至日及公眾假期成人$328、長者$298、小童$238。

City Cafe

地址：九龍窩打老道 23號城景國際 1樓
電話： 2783 3287
自助餐時間： 6:30pm-9:30pm

美國黑豚里脊
多國菜式共冶一爐

香港九龍諾富特酒店推出全新自助晚餐，以黑豚、和牛及生猛海鮮為主題，用齊多國材料，結合多國烹調風格。
黑豚方面來自美國，平均為半年至 9個月大就劏，更特選里脊部位，貪其肉身柔嫩。
和牛則特選 M5澳洲和牛，師傅即場即切。
而越式大頭蝦伴伊麵，就特別用了由蛋黃醬、 parmesan芝士、法國紅酒整成的醬汁去焗，芝士同紅酒味濃郁，令成隻龍蝦增色不少。

美國黑豚
特別採用美國黑豚里脊部位，肉身柔嫩，就算唔加日本燒汁，都同樣夠晒多汁。

芝士白汁焗越式大頭蝦伴伊麵
虎蝦加上 parmesan芝士去焗，芝士味濃郁，卻不會蓋過蝦的鮮味。

澳洲和牛
特選 M5澳洲和牛 loin位煮至 3-4成熟，保留牛肉肉汁及鮮味。

價錢

星期一至四：成人$ 298、小童$149
星期五、六、日及公眾假期：成人$318、小童$159（另加一收費）
優惠： Facebook粉絲可享 75折優惠及奉送鵝肝一客。

The Square

地址：彌敦道 348號香港九龍諾富特酒店 1樓
電話： 3965 8788/3965 8782
自助餐時間： 6:30pm-9:30pm

嫩滑半焗燉燕窩雙皮奶

不少女生都喜歡燕窩，貪佢滋補養顏，最近九龍維景酒店就推出一個以燕窩為題的自助晚餐，提供燕窩燉雙皮奶、燕窩綠茶燉雙皮奶及燕窩冰花燉蛋等甜品，由於以半焗半燉的方法去整，雙皮奶同燉蛋唔會受熱過度，入口極為嫩滑。除此之外，仲有各式海鮮例如青口、阿拉斯加長腳蟹、翡翠螺等。

以燕窩為主題的甜品包括冰花燉蛋、燉雙皮奶、綠茶燉雙皮奶，表層加入好多燕窩，相信無幾多個女仔忍得口。

焗占米多式龍蝦（每人半隻）
加入法國芥末醬，辛辣味較溫和，不會搶過龍蝦味，龍蝦方面肉身較厚，入口爽滑。

紅酒燴牛尾
牛尾入口腍軟，牛羶味適中，最後仲會加上牛肉汁，食落不至太乾身。