風騷回應對於即將開咖啡店，陳山聰未有否認，更直認本身熱愛飲咖啡，加上近日拍劇經常向陳豪偷師，開舖係遲早 嘅事。 

陳山聰停工嘆世界多月，最近終於復工拍無 綫新劇《天梯》，不過佢經常請假又 no show，似乎無心戀戰。為了與超雲拉近關係，陳山聰亦乖乖聽女友話，
密謀轉型從商，第一炮係開舖學做生意。
當陳山聰煩緊做咩生意之際，就遇上啟蒙老師陳豪，令他挑起條筋要開咖啡店。據知拍《天梯》期間，陳山聰不斷向陳豪偷師學沖咖啡，近日更在中環 soho區積極搵舖，與超雲孖住做老闆，預計買咖啡機連裝修投資過百萬。
陳山聰由小演員榮升老闆，睇 嚟又向賭王女婿的目標邁進一大步。

陳山聰近月返無 綫拍李添勝監製的民初劇《天梯》，本身戲份已經少，但依然不時 no show請假，無心拍劇的他原來是順從女友何超雲的意思，逐步淡出娛樂圈，從商學做生意。
早前有傳超雲將打本給陳山聰開咖啡店，據知情者透露：「其實超雲想男友學做生意，拉近佢 哋 嘅距離，所以一早計劃同山聰夾錢做生意，但山聰未諗到做邊行， hold咗一排。最近佢突然話想開咖啡店，因為呢排拍《天梯》飲過陳豪沖 嘅咖啡，覺得勁正，佢即刻問陳豪開咖啡店心得。陳豪過 咗佢幾招，佢就立志 喺中環 soho區開喇！事關超雲間時裝店 喺中環， 嗰區又夠高檔，佢初步計過，裝修連買咖啡機等等都要過百萬。」



《蘋果日報》圖片

近年在大馬投資咖啡店的陳豪，唔怕被搶生意，不時教陳山聰咖啡知識。呢個師父非常有耐性，真係跟得過。

黃德斌在《天梯》與陳山聰對手戲唔多，不過佢大讚山聰係個好演員，仲有份食超雲整嘅蛋糕㖭！

搵創業專才開會

超雲 09年在中環開了間二手時裝店「 Chew」，至今生意一般，但總算有了從商經驗。今次首次沾手飲食業，超雲與母親三太都非常緊張，更開了幾次會傾咖啡店管理及細節的問題。「超雲同三太每次開會都搵埋兩個創業專才，傾 嘅內容都好細緻，好似買邊款咖啡機，同訂邊種咖啡豆，睇 嚟今次好認真。」知情者說。有超雲及三太支持，又有專家教路，陳山聰開舖十拿九穩，據知他開拍《天梯》不久，已向監製添哥要求減少戲份，打算快快拍罷《天梯》便全力籌備開舖。

對於唔再拍劇開咖啡店一事，上周六（ 10月 29日）正在無 綫電視城民初街拍《天梯》的陳山聰直認不諱：「其實開咖啡店都係好初步 嘅計劃，我依家向陳豪學緊師，每次同佢開劇我都不停問佢有關沖咖啡 嘅學問，要做 嗰行自己就要了解多 啲，我遲 啲仲會去上咖啡課程，唔可以靠晒人。(係咪要求減戲份？逐漸淡出幕前？)我只係一個小演員，邊有 power要求加或減戲份 㗎！不過拍完《天梯》之後唔會有劇拍，呢套暫時係最後一套。」


中環二手店超雲 09年在中環蘭桂坊開的樓上二手時裝店「 Chew」，雖然顧客唔多，但老闆娘財雄勢大，使乜驚呀！
中環二手店超雲 09年在中環蘭桂坊開的樓上二手時裝店「 Chew」，雖然顧客唔多，但老闆娘財雄勢大，使乜驚呀！
超雲的二手衫都可以在舖內搵到，她 8月與山聰從英國返港時所穿的連身裙都有得賣。店員仲不時喺微博更新，話你知幾時有筍貨！
超雲的二手衫都可以在舖內搵到，她 8月與山聰從英國返港時所穿的連身裙都有得賣。店員仲不時喺微博更新，話你知幾時有筍貨！

愛心蛋糕慰勞陳豪

超雲知道陳山聰正努力向陳豪偷師，便用自家製蛋糕慰勞對方。本周二（ 1日），記者在無 綫節目巡禮上，笑陳豪食了超雲整的蛋糕，想唔教陳山聰沖咖啡都唔得啦。陳豪笑說：「 啲蛋糕唔係山聰整嘅咩？（陳山聰邊識整喎！）佢有問我沖咖啡心得，我教 嘅係手拉咖啡，因為會幼細 啲，佢依家對於自家製咖啡情有獨鍾。（佢學你開咖啡店喎，依家 喺中環搵緊舖。）係咩？佢淨係問我手拉咖啡步驟，我話步驟好多好難記，佢話唔怕，仲用 iPhone錄我音記低佢。（《天梯》可能係陳山聰最後一部劇，知唔知佢會淡出？）如果係都有 啲可惜，佢演戲幾好。不過佢仲後生，搞吓生意幾好呀！」
連陳豪自家製手拉咖啡的步驟都學上手，陳山聰似乎真係好認真學做咖啡佬。

擺定老闆款

上周六（ 10月 29日），陳山聰為《天梯》拍外景遲到個半鐘，唔理全世界等佢開工，插住袋擺晒款到場。劇中飾演大老闆的他，果然入型入格。


10月 29日民初街
10月 29日民初街
即場化妝黐上二撇雞的陳山聰，因為遲到趕唔切入化妝間，要在車廂內即場化妝，然後拿拿臨開工。
即場化妝黐上二撇雞的陳山聰，因為遲到趕唔切入化妝間，要在車廂內即場化妝，然後拿拿臨開工。
與崔建邦密斟呢日只拍攝陳山聰的獨腳戲，休息期間見他與做咗半年助導的崔建邦密密斟。
與崔建邦密斟呢日只拍攝陳山聰的獨腳戲，休息期間見他與做咗半年助導的崔建邦密密斟。

超雲蛋糕配咖啡

陳山聰準備開咖啡店，頻頻沖不同款式咖啡試味，但佢又點會齋飲咖啡咁 dry！立志從商的女友超雲，自從由英國返港，就周不時會整 嘢食放上微博。近期仲頻頻整餅，由日式芝士餅、蛋糕仔、 Tiramisu或者蛋撻都整到似模似樣。據知山聰不時帶女友所做的西餅返廠開工請人食，配合自家製咖啡，擺明攞定意見等開舖啦！


拿破崙蛋糕
拿破崙蛋糕

日式芝士餅
日式芝士餅

牛油蛋撻
牛油蛋撻
 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄