娛樂八掛大放送★

恒基大少李家傑在美國搵代母生三胞胎一事，掀起城中一片代母熱。明年結婚的李玟（ Coco）昨日也謂因想延續歌唱事業，及怕生育之苦，想假代母之肚生兒育女，更打聽李家傑兒子的代母是誰，揚言要用同一個代母。同場曾和李家傑傳緋聞的李美鳳，只是低調祝福，避忌再談舊愛。

其他娛樂名人影片

李美鳳、李玟、推廣乳癌治療的鄺靄慧醫生昨日以 Estee Lauder白金大使身份，在銅鑼灣為自己設計的慈善絲巾舉行揭幕禮。 Coco低胸上陣，宣佈明年 10月和未婚夫 Bruce的婚禮，將在香港連擺多日酒，豪擺 100圍， Coco說：「 10月香港係最舒服嘅月份，唔太熱，又近 Bruce生日，等佢唔會忘記結婚紀念日。」

放大圖片

李美鳳（右一）、李玟（左二）和鄺靄慧醫生齊齊出席慈善活動。

放大圖片

恒基主席李兆基因為長子李家傑（右）找代母，一次過抱得三個男孫。資料圖片

婚宴預埋 Fans

Coco謂希望婚禮做到「開心、華麗、難忘」，她說：「我決定喺香港擺幾日，請埋台灣啲朋友嚟，同埋留一圍畀 fans坐，一齊飲，希望當晚似大 party，都想請啲明星助陣表演。」她謂胞姊、胞妹會任伴娘， Bruce一對女兒則做姊妹。 Coco謂對結婚都有少許恐懼，因要改變自己，至於生兒育女，她二話不說：「考慮搵代母，因為我想 keep住唱歌，同埋生仔我都有啲驚，代母好似好啲。」談到近期全城熱話的李家傑搵代母生三胞胎一事，原來 Coco不知情，她即時細問記者了解，更查詢是哪一個代母，她說：「可能搵番佢！」但她謂應要兩三年後才計劃生育這一步。

李美鳳避忌 放大圖片

李美鳳被問到和李家傑的舊情時，避忌不願多答。

曾跟李家傑傳緋聞的李美鳳，昨日則顯得相當避忌，一見記者就主動大談練琴事宜，提到李家傑美國搵代母生三子，她即說：「已經冇聯絡喇，好耐嘅事囉。我對佢嘅印象只係一個好虔誠嘅佛教徒。」她表示會祝福李家傑，至於當年是否真有拍過拖，李美鳳即說：「咁耐之前嘅事，你真係考我腦力，邊記得咁多，識當然係識得，但咁耐真係唔記得。」隨即走人。採訪、攝影： R. Au Yeung


李玟自爆想找李家傑的代母為她生仔女。