娛樂八掛大放送★

提起三菱 Colt，好多人都要停一停諗一諗才省起其樣子，因近年與同級對手競爭下，聲勢確實弱咗，但唔會咁就扯白旗，車廠決定將 Colt仔大翻新，推出 Colt 1.3，今次唔玩更跑得更惡相，反而跟貼環保潮流，換細偈減排又慳油，仲成為政府認可環保車，實行同廢氣講拜拜。記者：趙慧敏攝影：周旭文 Model： Agape@Zmodel

其他副刊影片 成環保車一員 放大圖片

Colt仔喺香港曾經一枝獨秀，先後推出 Colt Plus及 Turbo等不同版本，不過近年風頭俾 Jazz及 Yaris蓋過，可能因為車廠將精力同資源都投放喺電動車 iMiEv身上，忽略了呢款大有潛力的車款！今時今日以環保掛帥得人歡心，尤其是車仔，於是車廠再將注意力放在 Colt身上，今次雖外形無搞太多花臣，反而換了偈，用 1.3公升引擎，最大馬力只有 92匹，峯值扭力 12.6kg-m於 4000轉釋出，動力輸出雖不高，不過採用 MIVEC系統，所以高轉及加速時反應依然敏銳。 Colt 1.3以低耗油及低排放掛帥，每一公升電油可行 21.6公里，以$14.5油價計算，每公里油費只是$0.67，與 Jazz及 Yaris相若，有一定吸引力，而 Colt 1.3亦正式成為環保署認可環保車，車價都平一截。

放大圖片

■前排以一體式設計，座椅中間還可以拉出手枕位。

放大圖片

■揭背式車尾，係唔係車主心水之選？

配上 Turbo版裝置

雖然與舊款變化唔多，好彩仍算追得貼潮流，尤其是前座採用軚波，中控台為一體式設計，司機與乘客位間可置個手枕，唔鍾意時又可以將它收起，靈活性確係幾大。慳字當頭，車身重量亦被偷輕，只有 1,030kg，身形只有 3,900mm× 1,680mm× 1,550mm，但實用性反而提高，因 Turbo版採用跑車桶形座椅得四個位，而 Colt 1.3就可坐足 5個人。此外，更有不少 Turbo版配備，包括自動恒溫冷氣、前座 Bench Seat座椅、車身顏色電動摺合式側鏡、前置霧燈、頂置尾翼擾流器及頂置煞車燈等，襯埋鯊魚嘴標誌，外形上依然有睇頭。

放大圖片

■軚盤設計偏大，操控時頗為論盡。

放大圖片

■換上 1.3偈，以減排減耗為目標。

放大圖片

■中控台以兩幅木料配襯，頗有格格不入之感。

放大圖片

■車主可能要時間適應軚波設計。

環保車大晒冷 放大圖片

環保車及電動車已成為市場趨勢，有留意車壇消息的話，都知最近有不少呢類車登陸香港，想一次過睇晒，就要去合和實業於 11月 6日及 7日在灣仔皇后大道東合和中心廣場舉行的環保車車展，同場展出 7輛純電動車及 1輛混能車，包括美國 Tesla跑車、 MINI E等，警方亦派出兩輛仍在試驗階段的 Brammo Enertia及 Vectrix Motorbike電動車參展，都幾有睇頭 o架！日期：11月 6日 3pm-6pm11月 7日 10am-6pm

Colt 1.3規格

引擎： 1,322cc直四馬力： 92ps/6,000rpm扭力： 12.6kg-m/4,000rpm傳動：無段變速自動波售價：$142,900查詢： 2721 1111（寰宇汽車）想睇真新版 Colt仔，今個星期五、六及日 10am-9pm，於元朗朗日路 8號元朗中心 L2大堂正式展出，同場亦有 SUV Outlander及 ASX、七人豪華家庭車 Grandis及 L200等，即時選購更可獲多重優惠！