撞車後，的士司機好勞嘈，要求阿佘賠償，反而見慣大蛇屙尿嘅阿佘就笑笑口，超鎮定。

之前話自己左手脫骱受傷推 TVB戲嘅佘詩曼，到今月約滿娘家，又突然神奇康復行得走得，始終賺人仔要緊。
上週六（ 2日）， FBI就喺中環歌賦街撞見阿佘揸住近 80萬嘅白色平治 E350跑車，去中環歌賦街由「豬髀安」開嘅餐廳「 Sup 1」，同三、四個中女朋友包括 TVB前經理人 Tina飯聚吹水。飲飽食醉兩個鐘，阿佘自己揸車離開，點知駛到荷里活道對開燈位時撞到前面架的士車尾。阿佘即刻落車同司機大佬講：「唔好意思，你想我賠番幾多錢畀你？」司機答：「幾百蚊啦！」阿佘即刻喺銀包拎咗張 5百蚊紙出來。係囉，阿佘幫華誼拍大陸電視劇《模特兒》都收百萬人仔， 5百蚊賠償當碎銀啦，好過搞大件事扣 NCB（冇索償折扣）啦。

 

 

放大圖片

FBI見阿佘架平治車頭花咗少少唔多覺，而的士本身已經唔少「傷痕」，難怪的士司機收咗 5嚿水就算數啦。

 
放大圖片

即刻落車
FBI見阿佘手上嘅 Chanel長銀包，除咗有張連卡佛 VIP金咭之外，仲有張滙豐卓越理財信用咭。呢個戶口要個人存款過百萬先可申請，傳聞阿佘身家有半億，當然夠資格申請。留意阿佘銀包內仲有一張回鄉咭。阿佘返大陸搵人仔，梗係隨身帶住方便北上啦。

 
放大圖片

收錢收聲
本來尾隨的士後面嘅阿佘，趁轉紅燈時心急想爬頭，點知擦到對方車尾，佢即時落車道歉兼賠五嚿，司機收錢後亦即刻收聲。

 
放大圖片

晒靚咭

 
放大圖片

阿佘撞車當日黃昏先喺微博上載代言有 6年嘅雅芳婷廣告相，點知幾個鐘後撞車，好彩塊靚面冇花咋！

 
放大圖片

當晚阿佘同一班朋友食到十一點幾，之後由前經理人 Tina（左圖左）陪走先嘅阿佘出嚟攞車，目送阿佘離開。

 
 
arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄