你問番佢啦!(真實對白)
週一( 4日)下午,阿 B帶同週日涉犯刑毀的女友范姜外出醫肚,在寓所前阿 B被問及范姜現時情況,為免事件搞大,阿 B只叫記者:「你問番佢啦!」但戴住墨鏡嘅范姜就一直繑埋手唔回應。

替鍾鎮濤生了兩個女的 40歲范姜,多年來一直未能坐正做鍾太,週日( 3日)下午 1時許,與章小蕙胞妹章小婉於半山麥當奴道半山樓住所大堂,初則口角,最後還郁埋手,據稱在混亂中,范姜涉嫌掟爛章小婉 Nokia手機,最後章小婉要求管理員報警求助。

 

放大圖片

雖然惹上官非,但 2人上車後,阿 B一直笑住對鏡頭,范姜仲笑住㩒電話。

 
放大圖片

兒童節快樂!(真實對白)
阿 B同范姜食完飯,但就前後腳返屋企,范姜先入屋,之後阿 B就帶大女鍾嘉晴返歸,其間兩人對住鏡頭笑晒口,做騷咁做。

 

社工介入

范姜與章小婉搞出事仲上埋差館,有傳因章小婉早前得知姨甥女鍾嘉晴出現面腫兼流牙血,可惜不能聯絡嘉晴,於是直接向嘉晴的學校老師查詢,最後發現連老師亦有留意到嘉晴身上有傷痕,並轉交社工跟進。週日下午章小婉與同住於半山樓的范姜在大廈大堂狹路相逢,章小婉追問嘉晴被人疏於照顧一事,雙方終於開戰。事後范姜涉嫌刑事毀壞,被帶返中區警署扣查 4粒鐘,後獲准以 1千元保釋離去。

 

放大圖片

章小蕙胞妹

 
放大圖片

47歲現居於麥當奴道半山樓嘅章小婉,一直與阿 B及范姜係鄰居,但最近為姨甥女疏於照顧一事,終於開戰反面。

 
放大圖片

上年頭,范姜與男仔頭打扮嘅嘉晴就被影到一齊去中環 shopping,當時感情睇落幾好 o架!《忽然 1周》圖片

 
放大圖片

15年前,章小蕙曾抱住當時只得兩歲嘅嘉晴(當時叫嘉湄),行慈善騷,錫到個女燶。《蘋果日報》圖片

 
放大圖片

密友封口
雖然盧覓雪與章小蕙成為好姊妹多年,但老友家事始終唔方便理,所以封口唔回應。

 

「兒童節快樂」

涉刑毀兼懷疑對 B女鍾嘉晴疏於照顧的范姜,雖然被官非纏繞,但本週一( 4日)下午,照樣有阿 B錫住,一齊坐車去灣仔撐枱腳,其間阿 B被問到女友范姜情況,阿 B表現無奈:「吓,唔方便講喎!你問番佢啦!」而在旁的范姜一直 keep住微笑,但封口拒回應。
兩人返回寓所後,阿 B再外出接穿着校服放學回家的 B女鍾嘉晴,記者直問阿 B,有傳范姜疏於照顧令 B女流血一事,阿 B先一愕,才說:「我要做嘢呀,唔方便透露,今日兒童節,希望各位兒童開開心心!」本刊就章小蕙胞妹章小婉與范姜涉嫌打交打到上差館,致電章小蕙閨中密友盧覓雪,「我都有睇報紙,但佢啲事我唔方便講,我最近都忙到死,冇時間打畀 Teresa了解件事。」阿 B前妻所生的鍾嘉浚及鍾嘉晴經常與范姜及兩個哎吔細妹出席公開場合,一家大細在鏡頭前表現融洽,但背後一直有隱憂,對於跟章小蕙所生的一對仔女,阿 B曾公開表示:「一對仔女,因父母離異,一陣跟媽媽,一陣跟我住,唔同生活習慣令佢哋產生心理問題,我覺得好對唔住佢哋。」真係家家有本難唸的經。

 

放大圖片

嘉晴留港同阿 B住,嘉浚就留在美國升學陪媽咪章小蕙,有指章小蕙因忙於工作,母子之間極少見面,關係疏離。《蘋果日報》圖片

 
放大圖片

曾經融洽
去年 2月,阿 B慶祝 58歲生日,一家人與嘉旺竹巴法王開開心心合手切蛋糕,鬼咁溫馨。

 
放大圖片

章小蕙的同父異母 22歲細佬章宇昂,最近亦加入 TVB,早前拍住《巨聲》的何雁詩演出單元劇《你們我們他們》。

 

體罰可大可小

梁永鏗律師:可列入虐兒案
「兒童被打至流牙血已可列入虐兒案,不過要視乎出發點及嚴重性,而超過 16歲嘅受害兒童,則列為傷人案處理。虐兒最嚴重可囚 10年、普通傷人罪輕則 1至 3年,如造成嚴重身體傷害或死亡則可囚終身監禁,此外故意忽略兒童都算虐兒,而若父母甚至家人及監護人,知道有兒童受虐而冇阻止或舉報,亦一樣觸犯虐兒罪。」

 

 

臨床身心行為學家李寶能:價值觀會扭曲
即使父母離婚已經會令小朋友嘅生存意志降低,反而更需要保護,如果小朋友遭後母虐打,可能會出現好極端反應,要視乎後母因乜嘢原因而虐待佢,如果係侮辱式嘅虐待,個小朋友價值觀會扭曲,自我價值會好低,變得好脆弱,再極端啲,大個可能會傷害人,更會好憎恨人類

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()