大晒冷上週六（ 2/4），公開係「 PO」老闆的霆鋒公司，與拍檔楊文傑（前右一）率領百多名員工在公司大廈外來張晒冷合照。為顯派頭，特意在街頭搭個高台影相，並由老友夏永康負責操刀。
八年大業
CEO浮面　霆鋒派片　自貶茶水部主管
2011年04月07日
03年經歷過頂包案，事業曾一度直插的謝霆鋒，懂得化危為機，一個翻身不但成為賺大錢的藝人，八年前賣樓套現千萬創業搏一鋪，開設的後期製作公司「 PO」，做到成為業內龍頭，手執多個廣告大客戶。公司擴充業務舉行酒會，霆鋒以商界 CEO身份浮面，英皇又宣布以三億留人續約。巴閉到咁，但霆鋒派片，竟然發現他降格自封「茶水部主管」，玩嘢！
上街晒冷
全港最大，且在廣告界稱雄的後期製作公司「 PO」（朝霆），正是王晶早前爆響口，指謝霆鋒打骰，運作了八年的巴閉之作。公司業務有聲有色，近日更加發大 嚟做，由銅鑼灣禮頓道四千多呎的香港總部舊址，搬到同區開平道，一幢新商業大廈萬幾呎寫字樓，當了八年隱形老闆的霆鋒，上週六（四月二日）搬新公司搞開幕酒會蒲頭，數百個廣告客戶俾面出席。
當日上午十點，戴墨鏡，著到西裝筆挺的霆鋒，在五名保鏢及三名助手護航下，由公司舊址行去新總部舉行拜神儀式。之後，百多名員工齊集在大廈外晒冷影合照，等全部人排好位後， cool爆的大老闆才施施然手插褲袋，擺埋同老豆謝賢一樣的經典甫士埋位影相，有晒台型。


霆鋒派片，職位竟然係「 PO」茶水部主管，擺明玩嘢！原來霆鋒自備兩款名片，對客當然派 CEO身份名片，至於自貶呢款，只供朋友。
 
架勢出巡
 
睇住個仔變得生性又創出成就，一早現身睇住霆鋒影晒冷相的四哥，一直四萬咁口好欣慰。問佢點解唔一齊影大合照，四哥答得寸：「佢都無俾人工我！」
 
霆鋒公司做到有江湖地位，皆因早年他肯揼本引入尖端設備，應付數碼標清及高清技術要求。總部開幕前幾日，霆鋒親自睇實價值千萬的一台調色機搬離舊公司。

睇住吊臂將值千萬的機器在大廈外吊入新址二樓廠房，霆鋒話：「部機成千萬，一路吊個心卜卜跳！」
 
位於上海長寧區的分公司，以兩層高，總共五千多呎的別墅作基地，內裡設計亦相當有格調，用嚟拍戲都得。
 
睇住吊臂將值千萬的機器在大廈外吊入新址二樓廠房，霆鋒話：「部機成千萬，一路吊個心卜卜跳！」

四層打通 
去年霆鋒一邊忙拍電影《証人》，一邊在網上遙控「 PO」的業務。其員工亦由開檔的十一人，增至現今過百人。

為擴充公司，霆鋒月花五十萬租用十六至十九樓四層寫字樓，加埋二樓放置器材，一共五層，每層面積三千多呎。對 Band房這個大玩具都要安裝指紋辨認密碼鎖出入的他，對打開門做生意的「 PO」，亦揀保安嚴密的商廈，外人必須由大堂接待員代拍密碼卡，才能到達樓層。新總部雖只是租用，但霆鋒仍花近五百萬 揼本裝修，更不惜向政府申請改則，將四層辦公室打通方便上落。連同○九年金融海嘯期間開設的上海分公司，由別墅改建成五千多呎辦公室，裝修設計同樣玩風格。
之前一直做隱形老闆，但霆鋒偶著上「 PO」公司風褸賣吓廣告。夫唱婦隨的張栢芝，早前為復出作《無價之寶》出席記招，都刻意著上只屬老闆級別的黑白色公司風褸賣廣告。 


挖角潮困擾
內外都講派頭，但身為 CEO的謝霆鋒，咭片上自封為「茶水部主管」。親民是他過去八年的管理策略，廿二歲創業至今，深信做老闆要識用人同愛才，亦因此捱過數年前做到響朵後面對的挖角潮。
重提當日處變不驚，霆鋒一臉自豪說：「呢八年來最艱難日子唔係守業頭兩年，亦唔係金融海嘯，而係有一日二十個員工俾另一間公司，出五倍人工挖角，集體辭職。我點應付？我做生意宗旨係重質不重量，唔會搾乾員工。同事病我會勸佢放假休息，做到腦閉塞我又主動提議一齊打陣機放鬆一下，係賓主亦係朋友關係。」
手執多個大客戶的霆鋒，除以上大品牌，還有 EPS及 CANON廣告等的後期製作，包括調聲，配樂，電腦特技及剪接都是出自霆鋒公司的作品。


可口可樂廣告
 
楊千嬅新歌 MV
 
陳奕迅麥當勞廣告
 
謝安琪豐澤廣告

保外受訓
同時，他亦顧及到員工的發展將來，所以每年都會保送個別員工到荷蘭或其他地方進修增值，培育成為專才後，再回歸公司培訓新手，做到不假外求，更加不會同新科技脫節。
「我班職員有部分月薪去到十萬，佢哋幫公司打仗，所以係應得嘅，公司一年營運費加埋人工千萬計，當日面對集體辭職，我只係反問大家一句：『你肯唔肯定新工作環境，會令你 哋返工都識笑？』結果最後只有一個人走，十九個留低。」霆鋒說。對於茶水部主管來頭，原來有段古。「有次我見公司有個導演做到[!8AFD]晒頭， 喺佢後面問要唔要飲杯 嘢，佢以為我係茶水部，望都冇望我就話要罐可樂，直至我遞汽水俾佢，對方先知原來係老闆，當堂嚇 咗一跳，自此我就封自己做茶水部主管。」

謝霆鋒老板身份浮面 派名片自封茶水部主管

03年經曆過頂包案、事業一度一落千丈的謝霆鋒，懂得化危爲機，一個翻身不但成爲賺大錢的藝人，八年前賣樓套現千萬創業，開設的後期制作公司“PO”，做到成爲業內龍頭，手上有多個廣告大客戶。

公司擴充業務舉行酒會，謝霆鋒以商界CEO身份浮面，英皇又宣布以三億留人續約。如此風光，但謝霆鋒派發名片，竟然發現他降格自封“茶水部主管”，十分搞笑！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄