現年 22歲的馬賽是 08年港姐季軍,生得的骰甜美,又有 32C豐滿上圍,《女王》之後瞬即成為高登新女神!

封面

戰車接送 氹買樓 啅女羲狼溝馬賽

2010年06月23日

出道 11年,緋聞未停過,溝女無數的電視城花旦殺手吳卓羲花心遠播,搞到曾被無綫流放內地拍劇兩年,去年回流後少說話多做事避緋聞,轉戲路拍喜劇《巴不得爸爸》再扮宅男,表面似成功洗底,但原來一直有女照溝玩唔停。
開親劇都同女角傳緋聞,一向但求就手的吳卓羲,最新戰利品係對足成年嘅《女王辦公室》女朋友仔「君女」馬賽。啅女王出馬,翻炒戰車管接送,俘虜 22歲純情馬賽芳心冇難度。不過回顧「賣飛佛」完鬆、怕黐身往績,劇集播完又食夠,君女劫數難逃!

卸任一年的 08港姐季軍馬賽,外形純品甜美、 22歲芳齡 32C良好發育,自然被無綫睇好一劇接一劇,處女劇《女王辦公室》的可愛 OL角色更係開正佢嗰瓣,出街至今人氣快上,迅速成為網友新女神,現實世界原來亦成為真身係啅女聖手吳卓羲的獵物。

 

橋唔怕舊

官恩娜、江若琳、梁靖琪、徐子珊,連年長 4年嘅花旦佘詩曼都越級挑戰成功, 31歲吳卓羲啅女史戰績彪炳,伎倆不外乎拍劇期間日對夜對近水樓台、甜到漏短訊和懶細心小禮物攻勢,終極必殺技則是頻頻換浮誇極速戰車管接管送,滿足晒懷春中女的虛榮心,更何況自稱未正式拍過拖嘅馬賽?
去年中吳卓羲與首次拍劇的馬賽在《女王辦公室》飾演情侶,當時衰形象花弗的吳卓羲,剛流放內地拍劇洗底回港,對住探班記者,表面上同馬賽保持距離冇乜兩句,據知情人士透露,其實從 7月劇集開鏡冇耐,有人已經對馬賽起痰。

 

《女王》結局週「凌笑淇」向君女求婚成功後,君女主動回吻,更是馬賽的熒幕初吻。
《女王》結局週「凌笑淇」向君女求婚成功後,君女主動回吻,更是馬賽的熒幕初吻。

 




 

暗撻 1年<br/>戲假情真的「凌笑淇」吳卓羲和「君女」馬賽,據悉撻着至今接近一年。
暗撻 1年
戲假情真的「凌笑淇」吳卓羲和「君女」馬賽,據悉撻着至今接近一年。


 

氹做鄰居

「馬賽嗰陣得 21歲,讀完浸大就去選港姐,喺香港又係第一次拍劇,又靚女又傻更更咁,以阿 Ron性格,又點會放過!喺大陸返嚟之後,阿 Ron好似乖咗好多,其實係受過教訓,玩得醒目咗啫,佢哋場場戲都一齊拍,幾乎日日都接送馬賽返大坑舊居,又成日喺車或者屋企準備啲小禮物氹佢開心,馬賽係純情妹,又靚仔又細心仲要日對夜對,梗係信晒佢啦!」
知情人士續說,想密密見又要避過傳媒耳目,馬賽今年初索性在清水灣半島置業,與吳卓羲做鄰居:「年頭馬賽爸爸想送層樓畀馬賽,本來一早睇好將軍澳中心,都係吳卓羲講咗一句想多啲見面住近啲好,後來馬賽就忽然買咗清水灣半島,仲話因為有個朋友住嗰度,多個照應喎!」

 

微博傳情<br/>圈中個個興玩微博,馬賽亦頻頻上載與吳卓羲合照,甚至連合成 BB照(右)都有,明顯對劇中一段愛情甚為投入。
微博傳情
圈中個個興玩微博,馬賽亦頻頻上載與吳卓羲合照,甚至連合成 BB照(右)都有,明顯對劇中一段愛情甚為投入。


 




 




 

最怕黐身

見面多住得近,亦未必能修成正果,尤其男方情史咁多姿多采。 06年官恩娜真空過夜斷正, 08年落選港姐黃瑩亦送上門,最愛用租住的清水灣半島居所招呼女友的吳卓羲,出名感情來得快去得更快,尤其女友一片癡心愈嚟愈黐身時更加走得快:「好似個黃瑩咁,一心以為阿 Ron同佢嚟真,飛咗個拍拖好多年嘅男朋友,前排同啲女藝員打打吓牌無啦啦喊咗出嚟:『佢唔搵我啦,佢玩我咋!』後悔都嚟唔切!聽講阿 Ron呢排已經搬咗,擺明又玩厭啦!」
回應緋聞經應豐富,週一吳卓羲面對記者,一樣面不改容。

F:《 FACE》 吳:吳卓羲
F:聽聞你管接送溝掂「君女」馬賽?
吳:絕對冇坐過我車!如果唔係都唔會一張相都影唔到啦!我夠膽發誓冇接送過佢!
F:但係佢同你係鄰居喎!同你住同一個屋苑。
吳:我都係睇報紙先知佢搬咗入將軍澳,何況我都搬咗出去尖沙咀成年啦!
F:但你哋喺微博好多親密合照喎!仲有合成 BB相添!
吳:微博嘅相都係佢問過我至 post上去,但係 BB嗰張我就真係唔知喇!

 

溝女神<br/>「君女」在劇中乖巧 OL形象備受宅男喜愛,個個推崇她是最佳女友人辦,處女劇已經成功登上女神寶座。《蘋果日報》圖片
溝女神
「君女」在劇中乖巧 OL形象備受宅男喜愛,個個推崇她是最佳女友人辦,處女劇已經成功登上女神寶座。《蘋果日報》圖片


 




 




 




 

影到相乜都得!(真實對白)
影到相乜都得!(真實對白)

 

本週一出席新劇活動的吳卓羲,面對記者訪問氣定神閒:「我發誓冇接送過馬賽出入,俾人影到相乜都得!」
本週一出席新劇活動的吳卓羲,面對記者訪問氣定神閒:「我發誓冇接送過馬賽出入,俾人影到相乜都得!」

 

林峯又咀<br/>獲 TVB力捧的馬賽一劇接一劇,最近更升呢成為《不速之約》第二女主角,同林峯做一對。
林峯又咀
獲 TVB力捧的馬賽一劇接一劇,最近更升呢成為《不速之約》第二女主角,同林峯做一對。


 




 

近水樓台

04年已經租住清水灣半島的吳卓羲,年初氹掂原本睇中將軍澳中心的馬賽買下同屋苑單位,咁就唔使車出車入都有得日日相見啦,可惜馬賽移船就磡愛得癡纏之時,啅女王吳卓羲竟然搬去尖沙咀,睇怕呢段情都凍過水。

 




 

今年 1月,馬賽在內地經營金融和房地產生意的父親馬靈,便投女兒所好,一擲 265萬買下 695呎的清水灣半島住所。《壹週刊》圖片
今年 1月,馬賽在內地經營金融和房地產生意的父親馬靈,便投女兒所好,一擲 265萬買下 695呎的清水灣半島住所。《壹週刊》圖片

 

第一座
第一座

 

第八座
第八座

 

溝女戰車

09年 Benz SL500跑車 120萬《忽然 1周》圖片
09年 Benz SL500跑車 120萬《忽然 1周》圖片

 

初出道已經有傳向一手發掘他的古天樂借 50萬換車有借冇還反面,近年吳更連換 Fairlady、 Pajero、 Audi、 Benz等多架溝女靚車,加上手車超辣,狗仔隊食塵多,最盡影到佢接載女友落車相。

速食王

'04︰官恩娜
官恩娜曾於節目《星星同學會》自爆,被前度帶到偏僻地方,仲被警察即場踢爆男友偷食:「個警察仲問我男朋友話:『阿乜先生,你噚晚咪又嚟過囉?』」外間一致認定係吳卓羲。

'06︰佘詩曼
吳卓羲於演員康華生日活動上與花旦佘詩曼撻着,吳卓羲更不時接載阿佘,落車相斷正。

'08︰黃瑩
吳卓羲因拍《少年四大名捕》時與同劇嘅奀星兼落選港姐黃瑩搭上,更令女方與拍拖多年嘅 dancer男友分手,事後黃瑩先知有人貪方便啅完鬆。

'09︰女公關 Nicole Song
09年尾吳卓羲到芝加哥登台與當地製作公司女公關 Nicole Song閃電撻着,更死對方陪佢去紐約倒數,但其實男方只是當食快餐。

 

官恩娜《忽然 1周》圖片
官恩娜《忽然 1周》圖片

 

佘詩曼《忽然 1周》圖片
佘詩曼《忽然 1周》圖片

 

arrow
arrow
    全站熱搜

    stinglife 發表在 痞客邦 留言(0) 人氣()