Stream 無料升呢　內外新裝鍊得起－娛樂八掛大放送★

Stream無料升呢　內外新裝鍊得起

要數近年最受歡迎車款，七人車就算唔排頭位，點都入到三甲，見周街不同七人車款就知突圍總要有啲竅門，好似 Honda Stream咁，走型格路線，一樣畀佢跑出。不過就算個款夠襟總要有新鮮感，如果個新鮮感仲係免費，就更加吸引，代理最近就推出價值$15,000的 RST Package免費隨車附送，即時令 Stream魅力大增。記者：趙慧敏攝影：周旭文Model： Michelle@Pure Models

其他副刊影片大尾翼跑味強放大圖片
■火紅的車身加上尾翼，令 Stream跑味更濃。

■火紅的車身加上尾翼，令 Stream跑味更濃。

講到七人車，點會漏咗 Stream，車身重心低，操控與私家車相若，係佢受歡迎嘅主要原因。而且款式變化較一般七人 MPV及 SUV大得多，迎合 Family Man之餘，又啱講求型格的車主。最近代理就推出 Stream 1.8 RST新版，落足料將車內車外升級，而且仲係免費。今次代理搵咗架火紅 Stream親身演出，已經令人眼前一亮，外觀上 RST版沿用去年才小改款後的剛強設計，簡單嘅車尾做咗手腳，加上大尾翼、 LED燈組，令車身更顯修長之餘，跑味當堂返晒嚟；不過跑味當然唔止外表，「內涵」同樣重要，黑色皮座加上紅色繡線，椅背還加上 RST字樣，一眼望落，已經十分醒神。

放大圖片
■大尾翼配搭 LED尾燈，搶眼到暈。

■大尾翼配搭 LED尾燈，搶眼到暈。

放大圖片
■中排的 LCD顯示屏，坐車睇戲任你揀。

■中排的 LCD顯示屏，坐車睇戲任你揀。

放大圖片
■車身重心低，駕駛感與私家車相若。

■車身重心低，駕駛感與私家車相若。

放大圖片
■中排與尾排都十分寬敞。

■中排與尾排都十分寬敞。

後排坐定定煲碟放大圖片
■換上黑底紅間真皮座椅，即時增添跑味。

■換上黑底紅間真皮座椅，即時增添跑味。

除咗外裝，新增設備當然唔少得，首先係新裝嘅後泊車鏡頭，載住一家大細出街，畀隔籬個唔多熟手嘅老婆泊車，感覺都寧舍穩陣。至於後排坐住一班嘩鬼，想佢乖乖哋唔好周圍郁，新裝嘅 LCD顯示屏就最啱佢，播番套卡通，就個個都肯坐定定。作為七人車， Stream整個車廂地台採用平直式設計，而且每排空間感十足，就算坐足七個人都唔會有任何侷促的情況。雖然尾廂偏細，但第三排座椅摺合後，可完全收納於地台下，要擺兩三件大型行李亦絕對唔係難事。講到性能， Stream絕對唔係得個樣， 1.8公升引擎配搭 i-VTEC引擎，能輸出 140匹馬力，雖然唔好期望有很強嘅爆炸力，但應付本港路面，一定綽綽有餘，加上五前速自動波箱為傳動，油耗十分理想，低重心嘅車身設計，相比起重心高嘅 MPV，喺彎位嘅表現，更加穩定，操控話咁易。雖然日圓滙價高企，但車價無顯著上升，加埋咁多着數，乜都慳番度啦。

放大圖片
■ Stream 1.8 RST版，天窗點少得。