睇有線世界盃越睇越勞氣睇五分鐘斷三分鐘　致電熱線等四個鐘－娛樂八掛大放送★

世界盃開鑼，擁有獨家播映權的有線電視，再一次向球迷「挑機」。本報接獲多宗巿民投訴，指有線世盃台接收不良，部份人完全無法看到該台節目；即使接收到，訊號也斷斷續續「睇五分鐘、斷三分鐘」，開幕至今從未看完一場完整賽事。客戶致電維修熱線打足四個小時才接通，但維修要再等一星期，注定與首四分一賽事無緣。記者：張嘉雯、談建輝、蔡建豪

非有線世盃台訂戶的波迷在電腦屏幕前尚可迂迴睇波，但付了錢給有線世界盃台的周先生，看的卻是寫上「聯絡有線電視，致電客戶熱線」的空白畫面。本身是有線多年用戶的周先生居於西環，周日開始完全接收不到有線訊號，「錢又畀咗，波又睇唔到。」世盃揭幕戰後，有線用戶深惡痛絕的「魔鬼熱線」再次「發作」，「第一日打電話去，打咗九個字都冇人聽，第二朝落樓，樓下班街坊都喺度嘈「噚晚我又打去」，足足打咗四個幾鐘先打得通，到底佢家係咪因為太多人睇負荷過重？」同是長期客戶屯門的李小姐，周一發現訊號有問題，非常勞氣，她批評有線水準低落，「上一屆冇高清，但畫面好靚，今年質素差得好緊要，人樣又睇唔到，連個波、波衫上面個名都睇唔到，好似近視冇戴眼鏡咁。」

學者指可能頻寬不足

為世界盃安裝有線、居於港灣豪庭李小姐由揭幕戰開始越看越勞氣，「上個禮拜開始一睇就斷線，吱吱吱聲咁睇五分鐘又斷三分鐘，到家都唔可以完整咁睇到一場波。」本報向有線轉介上述個案，發言人表示未能即日回覆，「咁樣都好論盡，查唔到啲乜嘢，好多可能性，可能係機樓壞咗，可能屋入面啲掣鬆咗，天氣潮濕都會。」對於熱線電話打不通，發言人說：「睇吓乜鐘數啦，咁你凌晨打係可能冇人聽 o架喇，又可能涉及到啲客戶冇耐性電話㩒嚟㩒去嘅問題啦。」有線向記者查詢有問題住戶是否住在「鄉郊」，但事實上不少投訴人居於港九各區大型區苑。有不願意公開姓名的學者指，問題可能出於頻寬不足，「可能係 bandwidth嘅問題，因為人造衞星係 real time（即時）傳過嚟嘅，有好多 information（資訊），可能呢度出問題都唔定，同多人睇應該冇關係，不過今時今日一定有設備可以改善呢個問題。」消委會總幹事劉燕卿則指，服務供應商應盡快找出問題所在，向客戶提供服務，「我畀錢個計劃我係想睇 o架嘛，咁家我睇唔到，我梗係追究佢啦。」

客戶投訴被誤導簽約　未包足球台

曾小姐居於屯門龍門居， 5月底有線推銷員上門促銷，高清台月費只需 159元，「佢同我講呢個係最優惠價，可以睇到世界盃。」結果安裝翌日即發現受騙，「打去有線問，原來我簽嗰份叫家庭組合合約，唔包足球台，只係有線 1台會播其中四場重要賽事。」她氣憤難平說：「我唔使裝有線都睇到呢四場波啦，個推銷員話安裝睇到世界盃係存心誤導。」另一位受害人王先生是有線十多年客戶，去年以月費 299元續約 24個月，若來季要收看英格蘭超級聯賽，卻要每月另付 50元，「三季之前，有線失咗英超播映權，當時有線客戶一直冇減過價，家有線攞返播映權，就要另外畀錢先至有得睇。」有線電視表示，覆核曾小姐申請表及核對資料時電話對話內容，未發現有異樣，但同意 6月 13日起終止服務。至於「英超」額外收費問題，有線只表示會直接聯絡王先生解釋收費條款。本報記者

多名巿民投訴有線世盃台接收不清，開幕至今從未看完一場完整賽事。　韋志滿攝