清蒸䱽魚套餐$45
Model試過清蒸䱽魚都大讚夠大條，有住家菜 feel。
潮 o靚便當
港九新界 茶餐廳睇波攻略
2010年06月16日
南非世盃上星期五開鑼，首場多在本港晚上 7時半起錨，要 keep住一個月晚晚落酒吧睇波都幾甘！今次就介紹你港九新界區平睇平食攻略，幾十蚊去茶餐廳食又得，想唔使錢去商場睇波都得！
註：以下最低消費以 32強為準（單場計），賽事愈吸引亦會微調入場費。
九龍
匯發 $37平食住家飯
油尖旺可能有太多酒吧爭飯食，少有茶餐廳簽了有線合約供應埋睇波，反而深水埗一帶入場費最便宜，平均最低消費 30幾蚊可以睇一場。
睇：匯發茶餐廳呈長方形，夠四正冇轉角位，雖只得 2部 42吋大電視，但夠集中！
食：最抵讚是這裏的一餸飯餐，一款小炒、一碗白飯加一碗是日例湯，都不過$40。共有 20多款可揀，蒸魚套餐 40幾蚊有原條䱽魚跟飯，即叫即蒸，亦新鮮嫩滑！
雜錦炒公仔麵$38
炒公仔麵是店中大賣的系列，足料唔馬虎，一個人睇波食最啱！
蝦仁炒蛋套餐$37
蛋夠滑夠香，蝦肉大粒，睇得出廚師的炒功一流！
味菜斑腩套餐$37
斑腩炸得香口，細細件易入口，加上梅菜紅蘿蔔等蔬菜配合好健康，晚晚食都唔怕肥！
Tana：陪男友睇波搵間有小菜食的茶餐廳最穩陣，起碼我都有啖好食。
Wilfrid：雞扒炒出前一丁同埋碟頭小炒套餐，好好味，白飯又好大碗！
匯發茶餐廳
深水埗元州街 162-188號地下（ 2387 4893）
營業時間： 11am至賽事結束
最低收費：$35-$70
蘭香園 零味精最健康
觀塘牛頭角必推介這間 40幾年老字號蘭香園！交通超方便，深夜時分仲有多架小巴去荃灣、佐敦、西環、灣仔等地，餐廳旁邊仲有停車場，$11/hr好抵拍！
睇：食店不太大，麻雀雖小都有 2部 42吋大電視。
食：講到賣點一定是魚尾、魚骨、魚腩等的生滾粥，粥煲得軟綿綿，不想吃太飽肚宵夜的球迷最啱，特別推介三代同堂腸粉，包含蝦子、蝦米及大蝦肉，是店中叫好叫座的小食，必試！餐廳所有食物都是沒有添加味精的，食完唔會勁口乾！但廚房 11pm就收爐，炒粉麵停止供應， 12點尾場就少了些選擇。
豬扒麵$28
用巴西豬扒，大大塊令立立充滿油香，屋企煮起碼半個鐘，到茶餐廳睇波唔使煮唔使洗，方便就是優勢！
三代同堂$28
腸粉中有爽口的蝦肉，粉皮有蝦米，面層灑上蝦子，是茶餐廳罕見特色小食！
魚腩生滾粥$28
粥煲得軟綿，入口即溶的感覺，魚腩量少，但勝在唔腥，熱辣辣好夠火候！
左起：
IT專業員 Angus：茶餐廳睇波夠平。
IT專業員 M.Chan：約 friend去茶餐廳睇波最易，唔使驚貴就嚟就去，一定齊人！
蘭香園
牛頭角牛頭角道 273-275號地下（ 2389 6443）
營業時間： 6:30am至賽事結束
最低消費：$60起
新界
碧富 睇波篤波按摩十足度假
碧富全店 3萬呎，有齊茶餐廳、麻雀房、按摩房、遊戲機中心及桌球室（共 22張波枱），規模大配套足，轉場或睇完波都仲有其他娛樂；更開 24小時，要玩足一日一夜都冇問題，簡直以為去咗銀行。食飽睇到攰，即時 book師傅做番 part按摩，正宗泰國人又有獨立按摩房，分分鐘平過大陸，呢個推介係咪正先？唯一嫌此店裝修陳舊，在乎環境舒適度的讀者就未必啱坐！
睇：共有 3部 100吋投射熒幕， 7部 40吋電視。每位入場費最低只收$30/場，包一杯飲品或啤酒，你可以齋坐淨飲，埋單$30走人都得。
食：最多人食嘅就是火鍋，牛肉新鮮、丸類手打，最靚的就是海鮮，廚房大大個養缸，鮮魚蝦蟹好生猛。點一碟海鮮大拼盤$148，加$1就有清湯底，有 3-4人分量，圍番起每人$50都唔使，呢個價錢食放題都唔得！
黃金大蝦$75
一般只有酒樓食到，香濃惹味的鹹蛋黃平均分布，蝦夠大隻仲食到膏添！
避風塘 3寶$55
以蒜蓉加辣椒與豆腐魚及魷魚同炸，一上枱勁香，一食……停唔到口。
炸雙丸（手打墨丸+蝦丸）$25
墨丸同蝦丸都是人手打的，即時炸夠彈牙，皮脆肉彈，好味！
海鮮拼盤$148
大大碟種類多，夠 4人分量！
手切肥牛$138
呈深紅色的肥牛有光澤，肉味濃又少筋，靚肉嚟噃！
麻雀房間
獨立電視＋洗手間
機鋪
按摩房間
正宗泰式按摩
學生 Sze：我會嚟呢度睇波、篤波，又可打邊爐，一次過有多種享受。
廚師 Leo：$30睇波好抵吖，西班牙出賽我一定嚟捧場！
碧富茶餐廳
葵涌和宜合道 26-30號 1樓（ 2481 3328）
營業時間： 24小時
最低消費：$30/場、$50/2場及$70/3場
銀龍 新界區分店夠多
今屆少有大型連鎖式茶餐廳播放世界盃賽事，好似為人熟悉的翠華及太興都冇，而在新界區開了好多間分店的銀龍茶餐廳，變相成了唯一有波睇的大型茶餐廳！
全港九新界有 14間銀龍，點解要推介新界分店？皆因 14間之中，新界區佔了 11間，遠至天水圍及將軍澳都有！不過並不是每間都會播足 64場波，當中只得 6間（荃灣 2間、旺角 2間、天水圍及銅鑼灣）是 24小時營業。
睇： 24小時的荃灣店只有 4部 32吋電視，未必每個角落都睇得清楚。最低收費$48起，收費比 4年前仲平$2。
食：勝在食物中上水準，套餐抵食，炒粉麵夠鑊氣，推介圖中 3款最受歡迎食物！
星洲炒米粉$36
米粉夠大碟，材料有蝦、火腿、叉燒等，炒得乾身不會食到一口油！
雜扒飯餐$48
放工後最多人點雜扒餐，一碟乜扒都有唔使煩，麻甩佬頂肚之選！
揚州炒飯$34
炒飯炒得香，粒粒飽滿，水準尚可！
Check！九龍茶餐廳精選
銀龍粉麵茶餐廳
荃灣眾安街 122號地下（ 2416 1922）
營業時間： 24小時
最低消費：$48起
Check！九龍區商場着數
Check！新界茶餐廳精選
Check！新界商場着數
有您有我 4千呎電視多
北角呢間有您有我出晒名正。首先不少通宵巴都途經此地，睇埋尾場返屋企都方便。揸車朋友仲 fit，餐廳門口單黃線幾乎唔抄，每晚 7點後都例牌泊滿車。
睇：當然地大係優點， 4千幾呎，坐得好闊落，共 11部 42" LCD大電視，無論你坐喺邊個角落都睇得好清楚，如果你有 20個 friend大駕光臨，不妨 book埋個 VIP房（最低消費$1600），茶餐廳都有 VIP畀你自成一國，邊度可以搵到？
食：除了炒粉麵飯，仲有火鍋。廚房部開至凌晨 5點，最正係餐廳提供藍妹、獅威、嘉士伯及青島 4款啤酒，種類夠多！
蒜蓉牛油雞翼$24
愈夜愈想食香口炸物，呢碟雞翼啱晒佐酒！
咖喱牛脷炒公仔麵$42
一丁炒得乾身，牛脷厚肉煎得香， encore！
鐵板 XO醬蝦球$48
用鐵板盛載食材可保濕，睇波一時忘形都唔怕啦！
呢度邊爐平過火鍋店，湯底$28起，火鍋配料$6起，不過睇波有限時，未必可以慢慢烚。
司機發哥：之前呢度播歐聯都爆晒棚，炒丁最好味，味濃食物當宵夜一流！
有您有我
北角渣華道 146-166號嘉威大廈地下 6-10號鋪（ 2561 2823）
營業： 24小時
最低消費：$50
Check！港島茶餐廳精選&港島商場着數
免費送！藍妹世盃精品
男人鍾意睇世界盃一來因為足球，二來可以大條道理暢飲啤酒！由即日起至 7月 11日「藍妹啤酒全城足球熱」不論在中式食肆、酒吧飲指定數量藍妹啤酒都可獲刮刮咭一張，有機贏取足球紀念品；另外亦邀得明星足球隊隊員洪天明、劉浩龍及新城香蕉俱樂部主持及藍妹啤酒打氣之星 Jelly Girls豕鴢覩 w酒吧同球迷開派對；到百佳、惠康、華潤、 7-11及 Circle K買藍妹啤酒亦可參加抽獎。
送答中下列問題 6月 18日前 email至 mailto:facemkt@nextmedia.com，首 100位即可獲得下列精品其中一件。
A.藍妹啤酒足球主題球衣，價值$180（限送 20件）
B.藍妹啤酒足球主題 USB Hub，價值$45（限送 40個）
C.藍妹啤酒足球主題沙灘毛巾，價值$80（限送 40條）
問題：今屆世界盃決賽週於幾月幾日開幕？
*記住連同你姓名及聯絡電話 email嚟攞藍妹精品啦！得獎者將有專人通知。
A.
A.
A.
A.
B.
C.
留言列表
{{ article.title }}
