博出位
蛇年嘆世界 克勤星洲 着衫游水
有心唔怕遲，十月都係拜年時。新年流流，先祝大家蛇年行好運。假期食飽玩夠 嘅打工仔，今個禮拜開始又要返工捱騾仔，邊似得一班藝人，隨時放假嘆世界，仲要避開晒最人多嗰幾日，初四、初五先出發。好似阿 B鍾鎮濤一家就去咗法國滑雪避年；李克勤就身處新加坡最高、最貴嘅酒店曬太陽，爽爆。不過為免豬腩肉曝光，克勤竟然 着埋衫戴晒帽同黑超游水，認真騎呢！
李克勤寓工作於娛樂，初三赤口出發到新加坡為當地春晚演出。趁有空檔，除咗玩摩天輪，仲潮拜埋星洲最豪嘅 Marina Bay Sands酒店 57樓無邊際泳池！不過咁，乜落水俾着衫 㗎咩？有啲似強國人 feel喎！
薛凱琪 澳洲曬日光
初七晚為新碟錄完最後一首歌嘅薛凱琪，趕搭夜機飛澳洲悉尼過火辣辣假期。佢一到埗就即刻嘆番個海邊下午茶，又睇咗當地煙花，真享受。
嘆完茶，阿 Fi仲去埋當地著名嘅 Bondi beach曬日光浴兼睇煙花，咦！唔知佢有冇三點式呢？
王馨平 酒莊嘆靚酒
好識享受生活嘅 Linda王馨平， 214情人節出發到法國南部，先去打 golf，再去埋酒莊嘆靚紅、白酒，完全係富豪級享受。
阿 B豪遊法國
全站熱搜
留言列表
{{ article.title }}
