媽咪姐
春飾無邊
新春喜事多，社交靚太忙住周圍拜年，個個扮到紅噹噹見人，夠晒新年氣氛。佢 哋除 咗上足銀彈派利是，一身行頭閃到眼都花，好睇過唔少珠寶展㗎！
楊小娟巨型紅寶
26卡紅寶戒指
楊小娟 嘅巨型紅寶戒指收視夠高，指甲亦好搶鏡，富貴吉祥字句加埋金魚同花花，好中國風喎！
周日（ 17日），楊小娟孖住老公呂良偉入馬場，一身貴氣。淨係嗰件手製 Chanel外套都要成廿幾萬，好鬼誇張！不過佢右手戴 嘅紅寶仲養眼，成個 5蚊銀咁大。小娟話︰「係好耐之前送俾自己 嘅，外國拍賣返 嚟，一 set嘅，有 26卡，不過唔好講喇！依家出街都冇人知。」嚿鑽石巨型成咁，眼尾都睇到啦！
陳婉珍「一心」搶鏡
周二（ 19日），何鴻燊三房太太陳婉珍去東華三院團拜，一身打扮由大女超雲打造，仲幫佢襯埋 Alexander McQueen手袋，夠晒 sharp醒。當日三太唔算好多行頭，不過一大粒心形鑽戒已經夠照，好火到不得了囉。
心形巨鑽
三太心情靚爆，被問到超雲幾時結婚 嗰陣，仲大爆賭王催婚，「何生每次見面都問，你（超雲）幾時結婚呀？」
McQueen新袋
梁寶珠 30卡晒冷
保良局主席梁寶珠，知道同場大把名太，所以當日出動一套戒指、頸鏈同耳環，再配埋幾卡 嘅心口針，成身總共有成 30卡，閃到你暈！
紅寶襯衫
郭羅桂珍水滴藍寶
莎莎國際老闆娘郭羅桂珍，以保良局副主席身份出席團拜，一身沉色打扮 嘅佢，襯 咗一 set水滴藍寶鑽飾，低調得 嚟又夠晒高貴。
鑽戒打孖上
全站熱搜
留言列表
{{ article.title }}
