返新竇避忌
不想新居曝光的周秀娜，在屋苑內左顧右盼，不時頭擰擰查看有否被發現。
大封面
5萬租賽西湖甩賤男 周秀娜：唔想聞到佢陣除
上月，宅男女神周秀娜自爆與拍拖六年的陳偉成（ Avis）分手，全因男方多次偷食𡃁模，其間更流出與𡃁模羅彩玲的 牀上慾照。縱使 Avis事後死𦧲，但受慾照刺激後的娜姐險患抑鬱，體重直線下降得番 88磅。
為撇甩賤男重新開始，日前本刊發現周秀娜到傢俬店揀大 牀，原來近日更以月租五萬，秘密搬入東半山豪宅賽西湖大廈。記者事後向她追問，她承認：「舊 嘅唔去新 嘅唔 嚟，唔想對住舊屋聞到佢 嗰陣除。」分手夠狠！
今年 27歲的周秀娜，近年顧住北上𢱑銀，造就 Avis多次作反，事後她開口多次維護男友，但私底下二人關係已處急凍期。直至上月在港台頒獎禮，周秀娜終自爆單身，怒斬六年情。
周一（ 18日）下午，本刊發現周秀娜買了咖啡，秘密乘的士返到北角賽西湖大廈新竇。臨進大廈前，更熟絡地與保安叔叔閒聊一會，才走入大堂 㩒𨋢上樓。
位於北角寶馬山的賽西湖大廈，是區內老牌豪宅，呎價平均$17,000，千二呎的單位市值已$2,100萬，周秀娜以筍價 5萬租住，絕對係友情價。
屋企等娜姐
據知，這個多月來， Avis多次在微博和 instagram發功。周日（ 17日），在微博更寫上「 U know that I will Miss u n Love u until die.（你知道我會想你、愛你直到死去）」。
除了微博遙距箍煲， Avis亦試過在周秀娜所住的西環寓所等候她，望對方回心轉意。知情人透露：「 Chrissie（周秀娜）同 Avis分手後， Avis試過打電話俾 Chrissie，又試過送花送禮物，不過 Chrissie講到明對佢心死。其實拍拖 嗰陣，佢兩個一直 喺西環間屋半同居， Avis本身有女方屋企鎖匙可以自出自入。不過佢兩個分手後， Avis冇交番條鎖匙出 嚟， Chrissie試過有晚做完 嘢返屋企，見到屋企 着 咗燈，即時 call公司同事打俾 Avis，叫佢快 啲走！」對舊愛避得堅決。
昔日周秀娜與 Avis熱戀時，經常被影到連體拍拖。因男方多次被傳媒斷正「偷食」，一手斷送 6年情。《 Face》圖片
周秀娜怒斬情絲， Avis卻死命箍煲。周日（ 17日）女方出席新書簽名會當日，身在泰國度假的 Avis，在交友網 instagram和微博同時出招，寫上「 U know that I will Miss u n Love u until die」（你知道我會想你、愛你直至死去），相當肉麻。
未與周秀娜分手， Avis不時被拍得「偷食」。去年 12月中，本刊就斷正男方在凌晨時分，帶𡃁模羅彩玲返馬鞍山寓所過夜，成為他與周秀娜分手導火線。
暫居賽西湖
經此一役，周秀娜更決意撤離昔日愛巢。周一（ 18日）下午二時，記者發現她在佐敦練完拳後，棄用平時坐慣的保母車，改坐的士到北角賽西湖大廈。的士直駛到屋苑第三座停下。周秀娜落車後左右張望，顯得十分謹慎，當到達大廈的正門，只見她熟練地按大廈密碼，又與保安員熟絡地打招呼，看來這個正是新任「娜宮」。
據周秀娜身邊好友透露：「 Chrissie早排 喺北京拍劇，最近先得閒睇樓，咁 啱佢個 friend想放租賽西湖一個 1,200呎單位，市價叫緊 7萬，但就以 5萬平租俾 Chrissie。佢本身住開港島區，五萬蚊又 啱佢 budget，所以咪租住先囉！」
求教街坊麥玲玲
翌日（ 19日），記者再發現周秀娜獨自步出賽西湖，到附近的茶餐廳買外賣，此時卻碰上同住該屋苑的風水師麥玲玲，二人熟絡地走到露天茶座，雞啄唔斷傾足 20分鐘。
其間記者聽到麥玲玲說：「你 嚟呢度做 嘢呀？」周秀娜說：「哦……去朋友屋企呀！」二人再寒暄一輪後，麥玲玲突然說：「你 喺有線 嗰陣，我就批你同 Avis埋唔到尾啦！」周秀娜即托 着頭皺眉說：「依家咪散 咗囉， 嚟緊我有冇拖拍？」麥玲玲問完周時辰八字後說：「出年啦！今年出現親 嘅都係爛桃花，俾你都唔好要，總之有人追就當拍散拖啦，唔好放上心。出年先有正桃花出現，真命天子到時先有！」周即扁嘴說：「吓！我好 dry呀！」
此時，二人發現記者影相，記者亦上前表明來意。二人大方合照，但當提到是否搬進賽西湖時，周秀娜最初顯得避忌，只說是探朋友。經再三追問下，她才承認說：「間屋係個 friend㗎，租住先咋！遲 啲會再搬。（咁急搬係咪想避開 Avis？）我只可以講，舊 嘅唔去新 嘅唔 嚟，舊屋住得太耐啦，屋企雜物太多，有陣發霉味，所以搬屋可以換過晒 啲新 嘢，唔想對住舊屋聞到佢陣除！」語帶雙關。
至於 Avis對於前度女友搬屋一事，剛自泰國回港的他在電話中說：「真係唔知佢搬咗喎！（佢話唔想聞到你陣除。）唔……（你有冇諗過去佢屋企搬番自己啲物品？）冇呀，冇諗過搬。（你喺 Instagram寫嗰啲說話？係咪想復合？）唔……我哋喺唔喺埋一齊真係冇諗過，今日唔知聽日事，依家我會專心工作，若公司安排到合作，我都唔介意。」
愁爆批命
周二（ 19日）記者再發現周秀娜現身賽西湖，她遇到鄰居麥玲玲師傅後，更飲茶傾心事，其間記者聽到麥玲玲贈周秀娜幾句，當提到舊愛 Avis的「遺物」還在她家中時，周一臉愁爆。
當發現記者後，周秀娜尷尬扁嘴，似乎仍未想新居曝光，直至接過麥玲玲的利是時，才現笑容。
瞓 牀試彈性
早前周秀娜與方力申拍內地劇《唐朝浪漫英雄》時傳緋聞。今年周秀娜所遇全屬爛桃花，要等真命天子非到下年不可。
決絕斬纜的周秀娜，除了秘密搬新竇，近日亦一併棄掉舊屋所有傢俬。上周三（ 13日），記者便見到她和三名女友人到九龍灣宜家買傢俬。當日素顏戴黑超的她，主攻 牀上用品，甫進傢俬店，記者便聽到她向身旁友人說：「我想換 咗張 牀！」說完便逕自走到一系列 牀褥前，二話不說跳上 牀逐張「 un」，更興奮地彈吓彈吓，試得十分認真。當試到其中一張大 牀時，周秀娜更不理途人目光，整個人「攤」在 牀上，邊 瞓邊與朋友有說有笑，似乎已磨平失戀傷痛。混了一輪吉，最後娜姐睇唔 啱心水，冇買 嘢便離開。
事隔四天（ 17日），出席完新書發布的她，再次到九龍灣另一傢俬店揀選大 牀，最後扑槌買了一張價值八千蚊的大 牀，另外又買了一張價值過萬的 牀褥和兩張 牀單，一次過將 Avis的 牀上回憶，統統換掉。
狠換舊牀
相戀時， Avis不時到周秀娜家過夜，現在女方搬屋過新生活，更狠心連牀都換埋。周日（ 17日），在九龍灣工作完，周到附近傢俬店揀萬多元大牀。其間坐上牀「 un」，露出性感黑絲襪。
早於農曆年初四（ 13日），記者已在九龍灣宜家目睹周秀娜和友人揀大牀，素顏戴黑超的她，當日更在一張近 5千元的四呎大牀上「攤屍」，狀甚舒服。
睇完牀，周秀娜再去揀衣櫃，看似打算換走一屋舊傢俬，學佢話齋：「舊嘅唔去新嘅唔嚟！」
師傅教超勁桃花陣
周秀娜原來與麥玲玲師傅私交甚篤，兩人相識多年。玲玲師傅在電話透露：「佢最近先搬嚟啫，我撞過佢兩次，知佢甩咗拖，都有同佢傾多啲偈。我啱啱教佢喺屋企擺咗個『極上桃花陣』，今年桃花位喺北面，所以屋企北面就放靚嘅粉紅水晶（圖），旺桃花人緣。水晶愈大代表效用愈高。 
「另外南面係喜慶位，想桃花開花結果，就放一盞紅色燈罩嘅燈；另外東南位再放盆浮水蘭花（圖），即係泰國 spa常見，一盆盆浮住喺水上面嘅蘭花。擺完呢個陣，希望佢搵到啱心水嘅人啦！」
對於記者聽到她批 Chrissie今年有爛桃花，玲玲師傅謂：「佢肖牛，命格屬辛金，雖然表面好強，但對住男友就好善解人意、好就得人兼重感情，而且喜好浪漫。不過今年的確唔係佢嘅桃花年，所有即將出現嘅異性都只係爛桃花，冇一個係真命天子。出年就有正桃花出現。」
重現事業線
周秀娜與 Avis感情穩定時，女方曾一度「封胸」以示對男友尊重，但近日她回復單身再度開竅，周咪咪即再現曙光，宅男又有福了。
新書中門大開
周秀娜的新書《夢•她•她》中，雖然只是散文集，但亦有不少性感相，這張中門大開相，十分養眼。
逼爆內衣
早前周秀娜為剛入股的內衣店 LA MIU任代言人，並穿上自己設計的性感內衣，胸湧澎湃，肯定睇到宅男流鼻血。
剝衫肉搏
今年初周秀娜拍微電影《兜售回憶》，並與師弟趟勁皓激吻肉搏，十分大膽。
首映最索
早前周秀娜與舒淇到北京出席《西遊•降魔篇》首映，周以性感 Deep V晚裝成功撼低一代性感女神舒淇。
留言列表
{{ article.title }}
