William去年電影票房仆直，出碟無期，相反羅力威紅歌又紅人，難怪 William不高興。
探熱針
眼紅開片 William寸爆羅力威：仆街出場！
出言單打
陳偉霆和蔡卓妍阿 Sa公開拍拖後，人氣持續低位徘徊，即使英皇嘗試為他另覓出路， 揼本開戲捧做男主角，可惜孭飛電影《紮職》票房仆直；相反，新轉會的羅力威走勢卻愈來愈好，人氣拋離 William。
「羅力威成績好，公司自然放多 啲資源俾佢， William嗰邊一定有影響，個心自然唔好受。」一名英皇人說。
自己唔爭氣！陳偉霆卻反怪對方，因為唔抵得羅力威愈來愈得寵，對他不瞅不睬，令兩人關係日趨惡劣。
去年底，兩人一起往內地出席新城活動， William更加開口，單打羅力威；「當時係到羅力威出場， 喺後台休息緊 嘅 William企 喺一邊，好寸咁講咗句『個仆街出場喇！』，旁邊有好多工作人員都聽到。」活動工作人員透露。
羅力威（左一）加入英皇後，才首次推出個人大碟，去年成績驕人，老闆楊受成（右三）對他的表現非常滿意。
英皇團拜，老闆楊受成親自派開工利是。
公然還拖
一班英皇藝人吳浩康，連詩雅、關智斌等一早返公司拜年，之後結伴到茶餐廳，羅力威姍姍來遲，獨自上樓跟老闆拜年。
不過，被踩上頭的羅力威絕非省油燈！早前英皇歌手在電視城錄影無 綫的《新春黃金慶典》，有人目擊陳偉霆和羅力威在化妝間各據一方，全晚零交流，錄影到最後部分時，全體歌手上台，兩人不和更完全浮晒面。
「導演叫班歌拍手掌時，但羅力威冇拍，導演咪叫佢拍番，本來冇乜 嘢，點知同佢隔幾個身位 嘅 William，食住搭嘴；『叫你拍就拍喇！扮晒 嘢！』之後導演嗌 OK，但羅力威就特登繼續 喺度大力拍手掌，把口仲細細聲講：『拍走晒 啲牛鬼蛇神！』但企佢旁邊嘅人就聽到晒！」據無 綫工作人員透露，由於時間關係，這段片未有播出。
案發現場
年廿九， William和羅力威齊齊出席無綫春晚，結果爆出火花，羅力威暗寸 William係牛鬼蛇神。
入侵地盤
想在公司企穩腳，羅力威亦一改以往脾氣，學埋堆打關係。英皇電影高層慶祝生日，不屬電影部的羅力威照出席。
「呢件事最挑動 William嘅神經，因為舊年佢已經冇碟出，但仲有機會拍戲，見到羅力威蒲頭，就等如踩埋入佢 嘅地盤。」知情人士說。
本週二（十九日）中午，英皇娛樂團拜，霍汶希和一班歌手跟老闆楊受成拜年，羅力威姍姍來遲，陳偉霆更完全未見影。記者追問兩人不和傳聞，羅力威未有否認，想了一陣才回應說：「我唔信 William眼紅我，我 哋 friend嚟 嘅！」之後女助手即擋駕。
羅力威受公司力捧，地位受威脅的陳偉霆，不滿資源被分薄，同場不但冇偈傾，語言間還經常單單打打。
英皇電影部高層開生日派對，從未拍過戲的羅力威也現身賀壽，擺明想打好關係。
頒獎禮慶功宴上，正在拍拖的阿 Sa和 William有講有笑，夾在中間的羅力威慘被孤立。
三月底，羅力威和洪卓立拍住上，於灣仔伊館開音樂會。
同人唔同命
羅力威和陳偉霆同屬英皇，去年羅力威發展一帆風順， William卻屢遇挫折，頭頭碰着黑。
羅力威去年橫掃各大頒獎禮新人獎，而 William孭飛電影《紮職》，雖然打到血肉橫飛，票房一樣仆直。
橫掃新人獎
拍戲仆直
羅力威獲欽點跟師姐容祖兒合唱情歌，而 William則全年冇碟出，最近還傳與阿 Sa感情有變，要出埠箍煲。
與師姐合唱
有拖拍冇碟出
留言列表
{{ article.title }}
