連個心都俾埋 BB！（設計對白）
33歲的林峯戀上 19歲吳千語後，少男情懷返晒嚟，台上做心形手勢，好有初戀 feel！
娛聞樂
林峯射住千語父母住半山
本刊日前率先踢爆林峯口中的「 BB」是吳千語後，千峯戀逐漸浮面。上周六（ 26日）林峯首場個唱，「 BB」吳千語高調坐前排，宣示主權，完騷後更直落灣仔食消夜返半山豪宅，任影唔嬲，儼如女皇出巡。
事實上，林峯早前不但豪花 8萬元月租麥當勞道豪宅私有化吳千語，而在燒臘檔斬叉燒的吳父亦愈住愈富貴，由昔日的沙田第一城，突然搬上堅尼地道一個月租 9萬的 2千呎單位，與愛女新居只是一街之隔，林峯愛屋及烏可見一斑。
林峯呢次愛得迷癡癡，但其父林華國惟恐兒子重蹈潘霜霜覆轍，對緋聞多多的吳千語頗有微言，難怪一提起兒子新歡，老竇即封嘴拒談半句。
去年 9月，林峯豪花 8萬元月租麥當勞道豪宅高雲大廈一個逾千呎單位，和吳千語開始半同居生活。據知原來差不多同一時間，吳千語的父母亦突然搬到隔籬街堅尼地道金櫻閣，以 9萬月租一個 2千呎單位。吳千語為免高雲大廈愛巢曝光，每次開工總會吩咐助手在金櫻閣會合她。
林峯愛屋及烏，吳千語父母對這位富貴男友當然滿意。吳母不時煲定靚湯，當正林峯半邊仔侍候，令父母常不在身邊的林峯，享受到「家庭溫暖」。難怪攞《勁歌》男歌手獎時，林峯出口「多謝 uncle同 auntie」。相反，吳千語年紀細細，已經同王愛倫細仔 Derek同居，又周旋於林建名細仔林孝信及製衣太子爺等富二代中，情場戰績嚇怕林峯父母。
知情者透露︰「自從潘霜霜單 嘢後，峯爸都好驚個仔又再俾女人呃。峯爸知吳千語咁細個就緋聞多多，佢老竇斬叉燒，家境一般，千語讀書成績亦麻麻，喺崇真中學畢業後讀過吓副學士。峯爸見個仔拍拖冇耐就照顧晒人 哋全家，峯爸好心水清，一睇就知咩事啦。峯爸有提醒個仔，但阿峯聽唔入耳。阿峯見老竇有微言，仲未安排女友見父母。」
峯父拒談吳千語
周一（ 28日）記者訪問峯爸時，峯爸本來心情大靚，但一提到吳千語，峯爸就急步走入後台，不願回應。
上周六（ 26日），吳千語熄燈前已經坐定定睇林峯個唱，俾晒機會記者影相，宣示主權。
BB勝利巡遊
完騷後，她帶住勝利笑容同黃百鳴兒子黃子桓食消夜，其間甜絲絲咁講咗好耐電話，似係同林峯報到。
凌晨返娘家金櫻閣
食到凌晨兩點，黃子桓送吳千語返堅尼地道金櫻閣。
有林峯照，千語 BB「斬叉燒」老竇的新居金櫻閣，與林峯租給 BB的私竇高雲大廈，只是一街之隔，行路都不過是 5至 7分鐘，兩間豪宅租金計埋差不多廿萬，勁豪！
未過林峯家人關
本周一（ 28日），峯爸到紅館欣賞林峯尾場演唱會。完騷後，記者上前訪問峯爸，他心情大靚，更話︰「在台下同佢（林峯）一齊感動。」但當記者提到吳千語時，峯爸不欲多言，只是一味說：「謝謝！謝謝！」然後就急急走入後台，避開記者提問。
至於林峯本人，記者追問和「 BB」吳千語關係時，林峯仍大耍太極，不過就唔覺意漏口風，話：「屋企人唔鍾意講。」似乎林峯夾在父母及女友之間，左右做人難。
記：父母對 BB有咩印象？
林：唔想講，屋企人唔鍾意講。
記：同 BB關係係咪浮面？
林：唔知呀。
記：父母見過 BB未？
林：唔講屋企人。
記：知你租屋俾 BB父母住喎！
林：唔好再講呢 啲 嘢！
跟住就耍手擰頭拒回應。
男友屋企人唔認同，但吳千語就食硬林峯。她為箍實富貴男友，就算身在無錫為大陸劇《歡天喜地俏寃家》趕工，都特意抽空回港捧男友場，令林峯甚感窩心。上周六（ 26日），吳千語風騷現身林峯首場個唱，更坐定定任影。據知吳千語本來向劇組請三日假，打算睇足三場，可惜因為劇組趕戲，最終只肯放她兩天假，所以她在林峯演唱會前一日（ 25日）回港。
「林峯同吳千語個新竇爆 咗出 嚟之後，佢兩個更加小心，加上峯爸 嚟香港睇個唱，住 喺林峯帝景園屋企，所以千語今次匆匆返港，都冇機會見到阿峯，但就煲 咗成晚電話粥。」
林峯兩位前緋聞女友陳嘉桓同葉璇，都有捧林峯場。葉璇對林峯的表演讚不絕口。
唱情歌 冧出面
女友老遠趕回來捧場，林峯亦出招冧女，在演唱會上 冧唱新歌〈 BB〉。有份填詞的林峯擺明憑歌寄意，歌詞第一句便道出兩人迅即撻 着︰「你我太快，霎眼進入直路」。而「 BB不想太直接表示， BB這麼唱為了婉轉告知我多麼愛護你」，則寫出林峯想公開戀情又未能宣之於口的無奈。
當晚個唱尾聲時，林峯對住吳千語坐的黃色地帶方向，指住自己黃色頭髮說：「知唔知點解我會染呢隻色頭髮？咪因為『你』哋囉。」與女友隔空調情。完騷之後，林峯面對記者連串有關 BB的提問，尷尬偷笑謂︰「我劏死你，答又死唔答又死，你哋放過我啦。」默認吳千語正印身份。仔大仔世界，峯爸雖然唔多 like，但無奈個仔鍾意，惟有隻眼開隻眼閉囉！
跳足全場的林峯，更來個濕身誘惑，搞㷫全場 fans。
冧到爆
林峯在演唱會上心情大靚，春風滿面。個唱尾場（ 28日）慶功，他被問及「 BB」吳千語時，就忽然充滿少男情懷，尷尬到掩面。
冇眼睇
林峯和吳千語因為拍《男人如衣服》而拍拖，據知林峯同吳千語第一日開工，已經𥄫中女方，二人話咁快撻着。
網友唔睇好
網友對林峯同吳千語呢段戀情，少數 fans表示支持，但多數都認為女方襯唔起男方，亦有不少人質疑吳千語同林峯一齊有目的。自從林峯在個唱高歌〈 BB〉後，吳千語的微博更被林峯女 fans炸爆。
支持
配唔起
唔實際
群星撐場
林峯開演唱會，有好多圈中友好都到場支持。星級峯迷當中，又以靚女居多，香香及苟姑娘兩位女神都有捧場。
玩寸 BB
尾場另一嘉賓謝安琪，一出場就問林峯有冇帶 BB出 嚟，之後就話自己當晚都有帶 BB，不過個 BB就醜 啲──她的 BB，原來係指自己首歌〈鍾無艷〉。
女神現身
岑麗香及苟芸慧兩位女神，夥同港姐出身的王君馨及朱晨麗到場。四名美女同時現身，甚為養眼。
警界代表
《雷霆掃毒》苗僑偉同謝天華，齊齊捧場睇騷，林峯認真大面子。
復出有期
近年因病甚少獻唱的林欣彤，在林峯的演唱會尾場亦要俾面做嘉賓。聽番佢把靚聲，應該復出有期。
留言列表
{{ article.title }}
