左起： Lavina、爆乳超蓮 Iris、 Naomi、趙碩之
大封面
抄台灣淫魔手法作案 𡃁模迷姦大恐慌
去年，台灣富二代李宗瑞涉嫌迷姦多個台灣女星，震驚兩岸三地。這股敗德風氣及作案手法，近日竟肆虐本港。
上周六（ 26日），一名年約 25歲，三年前出道，曾出過寫真集的𡃁模，報警聲稱被迷姦。涉犯案男子乃一名 34歲台灣闊少，兩人透過中間人結識，之後以微信及電話邀約到將軍澳皇冠假日酒店會面，該男子以 15萬利誘該𡃁模上房齋傾偈。該𡃁模其間飲過一杯不明飲品便神志不清，醒來才發現自己衣服被脫光，下體疼痛，懷疑自己被人落藥迷姦。
由於疑犯手法與台灣淫魔李宗瑞極度相似，有人擔心會成為新一輪淫片風暴女主角。迷姦案一出，𡃁模人人自危，其中條件與受害人相符的 Lavina（鍾蕙芝）、爆乳超蓮 Iris（鍾采羲）、 Naomi（馮鎵瀠）、趙碩之、浸大 E神 Carol（楊梓瑤）及甜姐兒丁丁（丁樂鍶）等，隨即成為嫌疑受害人。
周三（ 30日），有報章爆出將軍澳區上周六（ 26日）發生一宗駭人聽聞的𡃁模姦劫案。據報案發當日，一名今年 25歲，曾經推出寫真集的𡃁模，應一名姓程 34歲台灣闊少邀請，下午三時到將軍澳皇冠假日酒店會面。闊少初時聲稱，只要女方上房純粹陪他飲酒傾偈，毋須提供性服務，就可獲得 15萬「見面禮」。該𡃁模上房後與闊少言談甚歡，其間她飲下一杯不明飲品後就不省人事。
直至晚上九時多，𡃁模終於恢復知覺，發現自己一絲不掛躺在牀上，下體感到強烈疼痛。她回過神之後，更發現價值六千元的 iPhone 5手機和三百元現金不翼而飛。受害𡃁模懷疑自己被人落藥迷姦，騙色又騙財，遂向大堂保安求助，由保安代為報警。 
受害人特徵：
25歲
出道三年
拍過寫真
Lavina（鍾蕙芝）：有好多人打電話嚟問我！（真實對白）
年齡： 25歲
寫真集：《夏之盛放》
出道年份： 2009年
Iris（鍾采羲）：我受過高等教育，唔會做埋呢啲嘢！（真實對白）
年齡： 25歲
寫真集：《 Inside》、《 What's Up》、《 Iris Chung Sexy Icon 2012》
出道年份： 2010年
Naomi（馮鎵瀠）：我都試過俾人呃去飯局！（真實對白）
年齡： 28歲
寫真集：《 Naomi》
出道年份： 2009年
趙碩之：開得 15萬，又點會淨係陪酒！（真實對白）
年齡： 25歲
寫真集：《趙碩之•夏》
出道年份： 2008年
懷疑淫片在手
Carol（楊梓瑤） 6月就 25歲， 09年拍《美女廚房》出道。 Carol在 10年拍過《婚前試愛》，同大隻謙有激烈牀上戲。
該𡃁模月前透過中間人認識涉案闊少，二人隨後經常以電話和「微信」聯絡。據知二人早前曾私下相約食飯，當時闊少主動埋單，表現極為豪爽。因此當闊少開出 15萬「齋傾偈」條件後，該𡃁模信以為真，冇戒心之下去自動獻身，最終人財兩失，更遭迷姦。
今次闊少的犯案手法與去年台灣轟動一時的「李宗瑞迷姦案」極為相似。事發後，受害香港𡃁模懷疑遭人拍下自己被侵犯的全個過程，擔心成為淫片女主角。知情人士說：「俾人性侵犯又收唔到錢，當然唔甘心，但個受害人最驚自己好似之前啲台灣女星同 model，俾人影埋性交片段放上網。」
Lavina：好多人問我
警方現時正全力追緝涉案的闊少，案件亦交由觀塘警區刑事調查隊第四隊着手處理。由於案件屬於風化案，為保護受害人，警方拒絕透露該𡃁模的名字。只知該𡃁模今年 25歲，三年前曾推出個人寫真集，於娛圈中有一定的知名度。而𡃁模界中如鍾蕙芝（ Lavina，現改名為鍾璧而）、馮鎵瀠（ Naomi）、爆乳超蓮鍾采羲（ Iris）、趙碩之、浸大 E神楊梓瑤（ Carol）及甜姐兒丁樂鍶等，都與受害人特徵相當吻合。
姦劫案爆出後，本刊記者聯絡到 Lavina。對於自己成為嫌疑人物，她不置可否說：「有好多人已經打電話問我，今次件事我好似俾人拉落水。呢排我咗接好多打碟 show，我有能力自己賺錢養自己，唔需要去呢啲飯局。」 Lavina前年因與經理人反面，曾經一度退出𡃁模界，轉撈文職工作。但 OL搵錢唔及𡃁模快，於是她同年年尾又宣布復出。
Lavina朋友分憂
Lavina周三（ 30日）晚上由柴灣的公屋屋企去銅鑼灣，搵朋友陪食飯。身處朋友堆中， Lavina顯得心事重重，不時一個人發呆。
食飯食一個鐘， Lavina終於知道有記者在場。她即刻回復笑面，仲話冇影響心情，話只係怕因為負面新聞而減少了工作機會。
而 Naomi周三（ 30日）晚出現夜店開幕時，亦被記者包圍，她澄清說：「首先講咗唔係我先，我上個禮拜六出席 event，有不在場證據。」其後自爆有富商肯花百萬包養她，「我 facebook有人開價一百萬話要包我一個月。一百萬咁少，我起碼嫁個億萬富商啦！」
至於身在外地的趙碩之透過長途電話寸嘴說：「我就唔喺香港喇，去參加家姐婚禮。不過 15萬唔係小數目，上得房就知咩事啦！男女之間嘅嘢，你情我願嘅！」而靠𡃁模起家的周秀娜則笑言：「女仔唔好咁天真啦！錢邊有咁容易搵。我係模特兒，唔係律師，唔會有談話費囉！」而另外幾位嫌疑人物，如浸大 E神 Carol及丁丁等，則於截稿前仍未回覆。
Naomi展示魅力
Naomi周三（ 30日）晚上主動向記者展示在微博有兩個男人對他的留言，兩人都是要求照顧她，其中一人開價一百萬，另一人就兩次問價。
Iris放縱過後
Iris近日微博冇乜搞作，不過就話過自己經過「一晚的放縱」，就覺得自己老。唔知佢所謂放縱係搞邊科呢？
趙碩之撩 fans玩
趙碩之周二（ 29日）在網上放張好 cutie相，仲叫大家估佢手上個毛毛係乜，似乎心情幾好。
賣淫大踢爆
丁樂鍶（丁丁） 5月就 25歲， 09年拍《美女廚房》入行，翌年推出寫真集《 Tastes of Angels》。去年夥拍 Suki演出《甜姐兒》，大獲好評。
據一名曾與老細開房及出席過飯局的𡃁模爆料：「之前曾有姊妹俾中介人呃錢，去完飯局冇錢收，白做！所以依家一定收錢先！不過講到迷姦就梗係驚！但去到飯局冇理由唔陪飲酒，惟有自己打醒十二分精神！」
雖然有風險，但快錢易搵，𡃁模當然唔會放過掘金機會，有淫媒透露：「 啲老細好闊綽，𡃁模上去私竇齋飲都有錢收，當睇辦費。普通冇乜名氣 model都收一千蚊一粒鐘，上過下電視 嘅就三粒鐘先接，我就抽番 model兩成佣。佢 哋有價有市，有麻甩佬志在過下手癮。」
該淫媒再爆部分客人唔單止過手癮，亦喜好與極具知名度的𡃁模進行性交易。「疊字模就巴閉喇，早幾年同我講話因為要拍戲封盤，話套戲好收得。舊年七月咪又出番嚟搵錢，仲開價 57萬唔過夜，不過都有客肯制，出名係唔同啲！」
𡃁模要搵快錢唔難，不過風險都好高，隨時中招。
眾星寸𡃁模蠢
周秀娜：我哋唔係律師，唔會有談話費囉！
黃智賢：咁舊嘅橋都有人用，奇怪在一樣有人中招！
楊怡：我一定唔會一個人去見一啲唔熟嘅人！
蔡恩真：有個朋友叫過我去飯局，仲話我要幾多錢都有得傾，但我即時拒絕咗！
出事酒店私隱度高
據知事發地點，是位於將軍澳的九龍東皇冠假日酒店。該酒店屬五星級，於去年九月開張，屬將軍澳區僅有的五星級酒店。記者在周三（ 30日）扮作遊客，要求看看房間，負責人最初要求記者先上網訂房才可以睇房，卒之擾攘 咗二十分鐘，記者才可以睇房。
原來酒店每層一出升降機，就有一道保安玻璃門，確保是客人才可入內，私隱度高。而被問及酒店是否牽涉強姦案，服務員都三緘其口，十分避忌，稱唔知道。
九龍東皇冠假日酒店於去年 9月開張，區內只有兩間酒店，而皇冠假日的設施及私隱度都比較高。
酒店的房租是海鮮價，當日記者參觀的套房，每晚就盛惠 1,600元。
強姦案爆出後，雖然閒日客人唔多，酒店大堂的工作人員卻有十多人，而且客人一入內就上下打量，十分小心。
手法似「台灣淫魔」李宗瑞
今次涉嫌強姦的台灣男子，手法和去年爆出同六十個女星上牀的李宗瑞極其相似。李宗瑞藉住自己富二代身份，經常出入高級夜店，對女仔他特別殷勤，趁對方放下戒心，他便在飲料落迷藥，然後將昏迷 嘅女仔「撿回家」強姦，再拍下淫片自娛。
李宗瑞選用的迷幻藥「 LO」不但可以溶於水，而且無色無味，飲 咗會短暫失憶，受害人醒來都是迷迷糊糊，錯失了報案的機會。去年 12月李宗瑞被判入獄半年，不少網民嫌刑期過輕。
李宗瑞愛蒲夜場，出手又闊綽，不時邀請𡃁模、女星出席私人派對。台灣女星關穎（左）亦是座上客。
早前吳亞馨傳出新戀情，網上即時流出疑似是吳亞馨同李宗瑞的慾照。
強姦走唔甩
曾志偉父親曾啓榮（右）曾是六、七十年代的華探長，因被廉署通緝而逃往台灣，但因為貪污不屬原罪，直至他 11年病逝，港府仍未能將他引渡返港助查。
法律上判定性行為是否涉及強姦成分，最重要取決於女方的意願，即使男女雙方同意性交，但女方可以隨時停止，若男方於女方不願意下強行繼續性行為，即屬強姦。
今次𡃁模被姦案中，涉案男子為台灣人，假若證據確鑿，就算犯罪後逃返台灣，一樣會受到處罰，絕不能逍遙法外。
據黃國桐律師指︰「強姦係原罪，冇地方性法律問題，呢個嚴重罪行 喺全世界邊度發生都係犯法。若果有足夠證據，香港警方會透過國際刑警搵佢 嚟調查， 喺高等法院審。強姦一經定罪，一樣要 喺香港入獄，最高可被判終身監禁。」
微信對話冇得追
迷姦案男女主角是以微信（ WeChat）聯繫。據知微信是免費的手機通訊程式，經 Facebook帳戶或手機號碼登入註冊後，便可透過手機網絡傳送語音短訊、影片、圖片和文字等。因為傳送語音毋須下載便可即時收聽，快捷方便，加上用戶之間必須驗證方可聯絡，私隱度較高，受到廣泛使用。
據微信有關方面指，其公司只會記錄用戶註冊資料，不會保留對話內容，因此通話記錄只有用戶自己擁有。換句話說，警方若想追查受害𡃁模與涉強姦的台灣男子的接洽過程，就無法從這裏取得證據。 
留言列表
{{ article.title }}
