唱蝗團行經廣東道SaSa，阿Joe主動向踎喺店外嘅同胞，用廣東話一輪嘴發問：「唔知你對你哋同胞嘅做法有咩睇法？去到呢啲店鋪為你哋獻媚，你以為你哋有錢就咩都做到㗎咩？」阿姐聽唔明都買佢怕。

內地「雙非」孕婦產子問題，加上強國人零公德核突行為惹公憤，連向來各據山頭冇偈傾的高登仔和「親子王國」C9罕有槍頭一致對外，5日籌10萬登報反蝗蟲（內地人）。
網民除咗文攻仲有武鬥，初五(27日)有高登爸打自組「高登新春唱蝗團」，由尖咀廣東道直踩旺角，以快閃唱反蝗歌向強國人挑機。雖然最後僅得7人響應號召，不過搞手朱祖維在鏡頭前連環挑強國人機，原來只係參加社運活動得半年的Form 1仔，亂搞出位！


多得日前北大教授孔慶東的「港人狗論」火上加油，中港罵戰熱鬧過燒炮仗，網上反蝗活動連環舉行，先由高登仔「林早逝二世」組織「登報反蝗！高登力量」，5日內在高登和fb成功籌款10萬，將於2月1日登報顯憤怒。

問候強國人
捐咗錢又唔想做鍵盤戰士，有人索性新春起義。上週五（27日） ，「高登新春唱蝗團」一行7人，由尖咀鐘樓會合出發，取道廣東道各大名店，再直踩旺角朗豪坊及行人專用區，沿途向強國人民大唱反蝗歌如〈蝗蟲天下〉等。其中以搞手F.1仔朱祖維（阿Joe）最給力，先以一句高登粗口「Hi Auntie」（意指「X你XX」）問候在名店排隊的自由行，再以廣東話向尖咀和朗豪坊當眾踎街的自由行質問：「你哋認為坐喺條街度呢種做法文唔文化？符唔符合我哋人類嘅文明呀？」、「你哋擺晒啲行李喺街度，成件事好核突又影響市容！」可惜國內同胞聽唔明廣東話，鬧極都係九唔搭八。「唱蝗」期間有傳媒提議朱祖維到西洋菜街卓悅化妝品門口再唱，朱亦即時照做，到傳媒散去後，其中5個成員包括朱祖維再一起到MK麥當勞開餐。就讀九龍鄧鏡波中學F.1的朱祖維（阿Joe），自言去年中參與由「人民力量」組織的7.13反遞補機制活動起，半年來不斷參加社運。問到朱祖維對今次行動睇法時，他說：「今次行動好成功，頭先我哋都好成功咁請佢哋(內地人)將行李擺埋一邊，唔好阻街……叫佢哋唔好再影響市容啦！」今次出咗位，希望你團火keep到啦！

高登出戰魂
家住慈雲山，就讀鄧鏡波中學F.1嘅朱祖維（Joe），在高登以網名「魂。初弒」留言，年紀輕輕，已在fb上載唔少參加社運活動嘅相片，自己又會落手落腳落街搞埋一份，幾年後話唔定又係另一個街頭鬥士。

Kelly同情「雙非」
近年內地「雙非」孕婦衝閘產子，爭床位爭奶粉，至近月的D&G禁攝風波，反孔慶東的「狗論」，連環爆終於激起港人團火。港人怒火中燒，但本刊於上週六（29日）問準備生第二胎的陳慧琳時，她好冷靜話：「我都生過仔，都真係好緊張，想將最好嘅嘢畀我個仔，我都好同情啲內地孕婦，雖然對我唔係好大影響，我都已book定房（山頂嘉諾撒醫院）啦，但個肚有乜事都早少少入床位準備。」其實大家都係為咗下一代啫！

80後社運代表：林輝
我睇到只有反效果，佢哋要反省，佢哋想針對係自由行定雙非孕婦先？人哋嚟排隊消費，又唔係屙屎、食嘢、爭床位！

深圳遊客　柯先生
他們是狗在叫！我沒有他們尊重沒所謂，我尊重自己就可以。沒有家教，他們父母沒有教育（他們） ####

 
七人成團
唱蝗團一行得7人，反而現場傳媒多達10幾人，反應麻麻，但勝在賺到noise。


再拜D&G
唱蝗團在廣東道時指名要到之前搞出禁拍風波嘅D&G唱歌，保安一發現人群，嚇到即時閂門。雖然朱為fb「唱蝗團」群組發起人，但他卻辯稱搞手係Timothy Cheng（左三），要威又要戴頭盔。



 
現於鄧鏡波中學就讀的朱祖維，連返學都玩紮辮，果然出位！


街頭嗌咪去年底，Joe與戰友Timothy Cheng（紅圈）自發在旺角行人專用區，反對網絡二十三條，封殺網上惡搞文化。


阿Joe父親任職電影道具製作，家中用約2萬7千嘅Mac Pro和約1萬5千嘅iMac，但佢話加埋全家電腦器材差唔多過15萬。


街頭嗌咪去年底，Joe與戰友Timothy Cheng（紅圈）自發在旺角行人專用區，反對網絡二十三條，封殺網上惡搞文化。靜坐去年10月23日，網民組織「反對內地孕婦來港產子」遊行，當中阿Joe已參與並到維園靜坐。




登報驅蝗高登網友「林早逝二世」，在fb「Yung Jhon」上已註明自己高登仔身份，但本刊嘗試聯絡查詢有關登報款項，至截稿前仍未回覆。


好同情內地孕婦！真實對白北大教授孔慶東早前鬧爆港人是狗，激發民憤！








唔少網民認為唱蝗團行動幼稚，仲話失禮香港人。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄