插圖:Wendy

揞名爆

「三白眼」無品喪鬧 fans

2012年10月19日 ~~ 第899期 忽然１周

有時都真係唔好話媽咪姐認叻，除咗八盡娛樂圈內嘅事，就連一班追星多過追巴士嘅粉絲，我都好熟㗎！就早幾日之嘛，又同成班妹妹仔粉絲圍埋一齊傾呀傾。吖，咁又俾我八到，原來對住鏡頭同記者成日笑騎騎嘅公仔箱小生「三白眼」，對啲粉絲好鬼衰㗎！

有一次喎，佢同幾個小生齊齊去宣傳活動，咁現場梗係逼爆各自嘅粉絲啦，個個大嗌偶像個名，嗌到聲都沙埋。好嘞，到活動完咗，「三白眼」嘅粉絲又梗係截住偶像，諗住同佢傾兩句影張相啦。點知，呢位平日懶風趣嘅小生，一落台對住班粉絲就黑晒面，仲開口大鬧：「你哋今日無食飯呀！嗌得咁細聲嘅！」嘩，有個妹妹仔直情俾佢嚇到喊咗出嚟。講真吖，「三白眼」近年係叫做上咗一線，但對比「變臉王子」、「食女王」呢啲早上位嘅小生，粉絲數目始終差啲，聲勢無人咁勁，唔怪得人㗎喎。
話時話，原來「三白眼」除咗花心，仲無品成咁，佢女友「厚唇」走得快，真係執番身彩呀！ 

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄