對視后平常心啦！（真實對白）
記者問到奪視后獎有多少信心時，楊怡輕鬆表示平常心，但明言冇睇《雷霆掃毒》，亦冇睇徐子珊做戲，擺明唔放死敵在眼內。
攞視后機會： 90%
娛聞樂
傾續約爭視后 大貪楊怡踢走徐子珊擸兩獎
無綫《萬千星輝頒獎典禮》訂於十二月十七日舉行，各獎項又玩早前的港姐普選制，由網民在當天一人一票選出心儀帝后。
在此制度下，粉絲多多的林峯，要封帝易過借火，不過視后候選人徐子珊及楊怡卻陷於苦戰中。其實去年底，高層樂易玲曾要求楊怡加簽經理人約，楊怡開出的續約條件除要求每年接一套內地劇外，還要求奪得「視后」及「我最喜愛女角色」獎，與佘詩曼及胡杏兒睇齊。
雖然楊怡頗為大咬，但無綫為解決花旦荒危機，寧願犧牲徐子珊。
我梗係投自己一票！（真實對白）
一向戰鬥格的徐子珊，今年僅得一劇出街，為爭票源，她亦不惜爛面四圍拉票。
攞視后機會： 75%
楊怡入行 13年，劇接劇冇停手，前年拍《真相》時更積勞成疾，感冒菌入神經搞到半邊面麻痹及歪嘴。可惜肯搏肯捱亦未為她帶來視后一獎，此事一直令她耿耿於懷。直至今年初，她主演的《 On Call 36小時》收得，終令視后一獎有曙光。
扭計唔傾約
打入內地
有指楊怡去年以每集 6萬人仔拍《后宮》，劇集在內地播出後，各地錄得不俗收視。自此，她成為內地製作公司的搶手貨，可惜無綫不肯放人，令她損失近千萬收入。
楊怡最大籌碼是其經理人合約，去年 9月爆發電視挖角潮後，她亦成為「城電」的重點挖角對象之一，當時她以「知足」為由暗示自己不會離巢。但楊怡與無綫還有兩年約，去年底樂小姐與她傾約時，她卻藉詞推搪。「阿怡覺得自己仆心仆命為公司，有病都唔敢 no show，但只係喺 09年攞過『女角色』一獎咁大把。加上近年唔少一線演員都可以北上拍劇搵人仔，佢就要繼續留喺無綫捱騾仔，點會甘心？佢舊年至有機會返大陸拍內地劇《后宮》，播出後好受歡迎，好多內地製作公司都搵佢拍劇，但無綫都幫佢推晒，嗰度有 3、 4套，計埋有六、七百萬，梗係肉赤啦。佢依家同公司企硬，講明今年若果得一個獎同冇得返大陸拍劇，都唔會諗續約問題住。」知情者透露。
有高層睇好徐子珊
楊怡扭計未肯傾約，據知樂易玲亦不敢怠慢，游說其他高層，希望一致推楊怡奪「視后」及「我最喜愛女角色」兩獎。不過，由於有部分高層私下認為楊怡大貪，所以視后寶座仍有變數。「雖然今年玩全民投票，不過五甲人選仍然由高層選出嚟，佢哋屬意邊個攞獎，臨尾一定會狂谷宣傳，所以話就話普選，實則都有內定成分。不過有高層就覺得楊怡太貪心，同埋做得太盡，所以有人建議佢同徐子珊每人分一個。」知情人士透露。
幫手補鑊
楊怡及羅仲謙疑似車震報道出街當日，高層樂易玲及外事部總監曾醒明隨即為二人開記招拆彈，解釋女方當晚只是酒後嘔吐，可見樂易玲對楊的重視程度。
《名媛》搶視后
在《名媛望族》中，楊怡由刀馬旦變做劉松仁四姨太，角色極有發揮，據知無綫有意安排楊怡憑這套劇問鼎視后。
《 On Call》
我最喜愛角色
年初，由楊怡主演的《 On Call 36小時》，平均收視有 31點。劇中有先天隱疾的她，角色惹人憐愛，據知有無綫高層屬意她憑此劇奪「我最喜愛女角色」。
被問到楊怡冇兩大獎就不肯傾續約，樂小姐說：「我會加佢人工，佢咁紅。（但佢想拍內地劇多啲喎？）下年佢要拍《 On Call》續集，不過睇吓就唔就到啦。」
楊怡：冇時間睇佢套劇
對於問鼎「視后」及「我最喜愛女角色」獎，楊怡笑笑口向本刊表示：「平常心啦，不過我喺《名媛望族》好突破，要做刀馬旦，每次都要早三個鐘返公司化妝，都幾辛苦㗎。」當被問到有否看徐子珊的《雷霆掃毒》，她卻收起笑容說：「我冇時間睇佢套劇。」本刊記者再追問她與無綫的經理人合約進展如何時，她承認：「係傾緊啦，到時話你知。」
楊怡表面對雙料視后扮作漫不經心，但暗地裏卻連環出招，至於憑《雷霆掃毒》毒后一角而走勢凌厲的徐子珊，卻恨獎恨到出面。她向本刊記者表示：「我喺《雷霆掃毒》發揮好大，梗係想攞視后，嚟緊我都要去內地同大馬宣傳，順便拉下票呀。如果我有得投票就梗係投自己啦。（楊怡想擸兩個獎喎？）個個都想攞獎啦，咁都要睇下民意嘅！」民意大過天，睇下正氣楊怡擋唔擋得住毒后子珊。
賣命演出
在《雷霆掃毒》中，徐子珊除被林峯生剝半裸演出，亦被李家鼎打毒針，被其手下輪姦，角色好大挑戰，難怪可以升呢同楊怡爭視后。
視后爭奪戰
今年視后競爭激烈，除楊怡、徐子珊外，還有米雪、鍾嘉欣、胡杏兒及陳法拉。不過眾人對攞視后亦有保留。
半熱米雪：機會一半半
攞視后機會： 50%
演技派米雪早於 08年憑《溏心風暴之家好月圓》封后，今次與黎耀祥在台慶劇《大太監》演慈禧太后與大太監李連英。她的實力亦不容忽視，她說：「奪獎機會一半半，但俾我同祥仔一齊攞又唔拘。」
黑馬鍾嘉欣：平常心
攞視后機會： 50%
鍾嘉欣主演的《護花危情》有收視有口碑，亦令她成為黑馬視后。她卻直言：「我一直以平常心看待，觀眾鍾意睇，我已經好開心。」
陪跑胡杏兒：入到五強都好開心！
攞視后機會： 40%
去年，胡杏兒奪雙料視后，今年憑《怒火街頭 2》再角逐視后，但她直言對冧莊視后冇信心。「可以入到五強都好開心，我睇好米雪同楊怡喺《大太監》同《名媛望族》嘅演出。」
大冷陳法拉：睇好米雪
攞視后機會： 20%
去年，陳法拉與視后獎擦身而過，今年亦僅得《東西宮略》獲競逐，得獎機會好微，她直言：「我今年冇機會，休戰一年，我都睇好米雪。」 
留言列表
{{ article.title }}
