周永恒遭內地漢打腫面 趙頌茹傷手縫六針 
【今日我至hurt】周永恒夫婦噚日現身，一個傷手，一個腫面，不過最hurt都係事發嗰陣，個個食花生袖手旁觀。
歌手周永恒（Roy）的老婆趙頌茹（阿Yu）將於下月初分娩，前晚兩人到屯門醫院做產檢時，跟一名內地男子疑為排隊打尖及拍照問題起爭執，事後Roy報稱被打腫面，阿Yu雙手受傷縫六針，昨日他們在家休息後仍驚魂未定，Roy感慨可能中港兩地文化差異，更埋怨事發時竟沒人伸出援手。
周永恒前晚8時許陪老婆到屯門醫院做產檢，期間兩人在大堂「一粥麵」排隊買食物，Roy發現有一名男子疑打尖即喝止對方，後來又見到跟男子同行的小童在大堂跑動，Roy就用手機拍攝，結果觸怒對方被追打，阿Yu勸阻時反被擲來的膠凳割傷手，警員到場後拘捕涉嫌傷人男子。
昨日Roy和老婆留在天水圍的寓所休息，下午4時許他們帶女兒去超市，並接受本報記者訪問。休息一晚後的阿Yu仍面青青，她的右手被包紮，左手貼了膠布，波鞋仍有血漬，阿Yu說：「左手縫咗六針，因為我係旁觀者，打人過程睇得最清楚，佢哋唔係爭執，係老公俾人打，當時有位先生打尖，老公叫佢排隊，之後我去咗買嘢飲，返嚟見到對方用鼻尖兇老公。」
手縫六針 
鞋頭濺血 
前晚周永恒陪妻到醫院做產檢時遇襲，要報警求助。資料圖片 「佢個樣想殺人」
阿Yu見該男子咬牙切齒，大講粗言穢語，她說：「佢講唔鹹唔淡廣東話，因為自己大肚好驚，所以我即刻報警，同佢一齊嘅細路仔喺附近望住我哋，老公諗住報警想有證據，就用手機影相。」
Roy形容對方一時發笑一時激動，狀甚恐怖：「佢突然發癲走埋嚟從後箍頸，將我成個人抽起，之後攞櫈打我，又攞筷子插我，好似《少林足球》十八銅人咁攻擊我，混亂間老婆雙手流血。」阿Yu亦激動說：「佢個樣想殺人咁，現場有保安同好多人，但冇人理，可能驚殃及池魚，差人嚟到問乜事？我話佢打人，佢即刻發癲咁一拳打老公塊面，保安先撲出嚟話：『制服佢』。」
「叫救命冇人幫」
Roy憶述被打過程竟沒人援助，他續說：「佢追住我個頭嚟打，叫救命都冇人幫手，好心痛，呢度係香港，點解會咁？叫排隊好正常，呢啲可能係兩地文化差異，嗰啲人唔慣排隊。」阿Yu亦稱：「好無助，估唔到嗰個男人有小朋友都咁狠。」事件現已交警方處理，幸Roy驗腦後無礙，阿Yu的傷勢亦輕。問以後會否不出聲？Roy說：「冇可能，一定冇得退，見到大肚婆都會讓位，見到人打交應該喝止，呢件事啟發希望大家再諗諗道德價值觀，香港人唔應該咁樣，可以做得更加好。」
採訪：楊潔雯
攝影：陳慧安
周永恒捱打 斥旁觀者冷漠
歌手周永恒（Roy）前晚陪同下月生第二胎的太太趙頌茹（Yu）到屯門醫院接受檢查後，在院內餐廳排隊買晚膳時，不滿一位操內地口音的男子打尖，出言喝止：「唔好打尖」並用手機拍照，對方一怒下先爆粗繼而動武，分別用拳頭、筷子、膠櫈及膠牌狂毆Roy的頭、手、腳及箍頸，令他遍體鱗傷。在混亂中，Yu的左手虎口位遭該男子舉起的膠櫈割傷，要縫6針止血，警員到場拘捕行兇者，Roy和Yu接受檢查見傷勢無大礙離開。
趙頌茹將於下月生第二胎，在今次混亂中亦不幸受傷。（資料圖片）
大聲叫冇人理
昨日留家休息的Roy接受訪問時，稱頭、頸、手及腳仍隱隱作痛，幸未見頭暈及作嘔的狀況，回憶起被毆時，他猶有餘悸：「佢（襲擊者）好似癲咗咁不停打我，因為我腦生過蜘蛛網水瘤，唔可以受重擊，所以好驚，不過我覺得最恐怖係，事發時有5、6個保安同其他人在場，但個個都好似睇熱鬧咁，竟然冇人出手幫我，我老婆又哭又叫都冇人理，令我覺得呢啲人好冷漠。」
而Yu接受訪問時，聲音沙啞明顯受驚：「打我老公嗰個人，直頭想殺咗我老公咁樣，我大叫救命又係咁喊，我驚到畀張櫈整損手留晒血都唔知。」唯一令她感欣慰是沒有被人推倒，否則後果不堪設想，經檢查後胎兒亦無恙。
Roy表示想透過今次事件提醒港人要有同情心。
趙頌茹的手腳同告受傷。
放大圖片
冇諗賠償問題
問Roy可會向對方追究及要求賠償？據他所知警方可能會起訴對方嚴重傷人罪，但他未想過賠錢的問題，反而覺得公民教育最重要，他稱：「我希望可以做啲嘢，改變同提醒啲人要有同情心，唔好見死不救。」
文：音樂組
周永恒遇襲冇人幫Yu傷手縫六針
歌手周永恒（Roy）前晚在屯門醫院的餐廳遇襲受傷，將於下月分娩的太太趙頌茹（Yu）亦被割傷左手虎口位，警員到場將涉案男子拘捕。Roy昨日受訪時表示，對方疑不滿被罵打尖及拍照而施暴：「佢不停用啲嘢打我，我個頭生咗蜘蛛網水瘤，唔可以受重擊，嗰陣真係好驚，依家頭、手同腳都有傷。」不過，最令他覺得恐怖是遇襲時，現場多名保安及市民圍觀，但沒有人肯施援手。Roy指未考慮向對方追討賠償，但經過今次事件後，他希望可以做點事，提醒所有人要有同情心。
同告受傷的Yu則憶述當時見老公被毆已叫救命，混亂中被施襲者用膠椅割傷左手，最後縫六針止血（圓圖），慶幸腹中BB無恙，但暫時不能做家務。據知，施襲者可能被起訴嚴重傷人罪。
周永恒與趙頌茹同告受傷，嘆遇襲時冇人肯幫手。
留言列表
{{ article.title }}
