娛樂八掛大放送★

在家中唞了個半月的黎姿，上周四（ 16日）終於出動，到中環 ifc為孖女「百日宴」置裝。她為防商場冷氣凍親，着皮褸不特止，還外加披肩。"
娛樂頂點
四季豪擺百日宴　黎姿唔修身谷奶餵女
2010年09月24日
今年娛圈喜事特別多，尤其旺熟女，先有 42歲邱淑貞誕三女沈星，後有 40歲李嘉欣宣布有喜。至於一次過打孖上的黎姿，其出生未足磅的細孖，早前終可出院，趕及一家慶中秋。
現時黎姿和老公正忙着為孖女籌備下月尾的「百日宴」。據知初為人父的黎姿夫婿馬廷強為隆重其事，打算豪花五十萬在四季酒店筵開十多圍酒席。以往姿整貪靚的黎姿，更暫時放下修身大計，務求有充足奶水餵肥 BB。
上周四（ 16日），黎姿為揀百日宴靚衫到中環名店血拚，仍未修身的她，個肚依然籮咁大，身材亦再度升級變超級愛美神。
39歲黎姿七月尾誕下孖女，大孖六磅幾，細孖卻只有三磅多，因此醫院建議細孖要留在氧氣箱直至足五磅才可出院。初為人母的黎姿，堅持要以母乳餵哺，坐月期間除了照顧家中大孖，仍要頻撲到醫院為細孖速遞人奶。

當日黎姿行頭十足，手戴約 30萬元的卡地亞 Baignoire鑽石腕表，還繫上由華裔著名設計師陳瑞麟設計、價值 10萬 8千 8百元的 Qeelin BoBo黑白鑽石熊貓吊墜。

黎姿在 ifc出現當日，身形與她剛出院時差無幾（圖），據知是由於她要餵母乳，暫時不能節食修身。《壹週刊》圖片
 
側面所見，未修身的黎姿仍肚大如籮，上圍因谷奶關係，比前還要豐滿。馬太由友人傍住出巡，加上連卡佛職員和保安，合共十人護駕，認真大陣仗。
 
黎姿當日第一時間到女裝鞋部，仲買咗一對價值 9,900元的 Christian Louboutin米色三吋高踭鞋。
 
除了買自己心頭好，黎姿還用兩萬蚊為老公買了一件 YSL外套（$9,800，箭嘴示）和 Zagliani手挽袋（$18,500）。

請營養師設計餐單
直至 9月初，細孖終可回家團聚，黎姿總算放下心頭大石，但她又擔心自己奶水唔夠分，不懂如何分配餵哺兩個囡囡的時間，因此早前聘請一位營養師為她設計餐單，希望能以食療幫助分泌多些母乳。「 Gigi到依家都堅持餵人奶，認為可以俾到 BB抵抗力。話晒媽咪食乜個 BB就食乜，佢有啲緊張，所以最近仲請咗個營養師返嚟，幫佢設計食譜。一嚟可以話佢知咩可以食咩唔食得，二嚟又幫佢谷多啲奶。」知情人士透露。
德國訂人奶雪櫃

周一（ 20日）天文台掛緊三號波，惦掛老婆和孖女的馬廷強，與友人在福臨門食完飯後，冒着雨急急腳返家。

據知，大孖現時體重接近 11磅，較輕的細孖亦追貼至 8磅。每次餵哺，黎姿主力餵飽細孖先，大孖則食黎姿預留的母乳。為了令母乳保持新鮮，黎姿老公更訂購德國一個專為儲存母乳的雪櫃。「馬生覺得就咁將啲人奶放喺用開個雪櫃，擔心俾其他食物污染，亦擔心普通雪櫃啲溫度未必啱，所以早排佢就訂咗個成萬蚊嘅雪櫃！」
圈中人只請樂易玲

黎姿去年在半島酒店擺婚宴，樂易玲是圈中少數被邀請之人，下個月的「百日宴」，據知樂易玲一樣榜上有名。

黎姿和老公下月尾將會為孖女舉行「百日宴」，更在四季酒店宴會廳訂了十多圍。據黎姿身邊好友說，今次「百日宴」主題，兩公婆希望能夠搞個小公主夢幻派對，除以粉紅色氣球和彩花布置場地外，場中更會放置一個迷你版公主城堡，單就場地布置費用已超過十萬。
最初黎姿希望邀請多些朋友分享喜悅，但由於馬生為人低調，故嘉賓名單絕大部分邀請親友，圈中人暫只會邀請樂易玲。就此樂易玲說：「我未收到通知，不過都已經諗緊送咩俾佢，知道細孖都重咗好多。」
中環逛名店置裝
上周四（ 16日），坐月坐到悶的黎姿，為了揀選「百日宴」飲衫，到中環 ifc連卡佛置裝，專攻女裝鞋部。現場所見，生女接近兩個月的她，仍未修身，腹部仍明顯脹起，招牌愛美神身材更突出。除了兩個助手、三個售貨員陪着她 shopping外，還有三、四個保安圍住侍候，排場十足。
醫生：魚可谷奶，牛肉補血
黎姿最近聘請營養師為她設計的餐單，每日材料定必包括牛肉和魚肉。記者亦問過家庭醫生關嘉美，她表示餵哺母乳的媽咪其實不需要特別戒口，切記勿食太油或煎炸食物。至於多食魚和牛肉，有助谷奶和補充鐵質。
早餐：木瓜鰂魚燕窩粥/淮山杞子牛肉粥
午餐：彩椒炒和牛粒、梅菜清蒸鱸魚、薑汁煮菠菜、黑豆飯
晚餐：金針黑木耳蒸桂花魚、冬菇瑤柱炆雞、麻油薑茸炒飯、芝士焗西蘭花、奇異金果一個
湯水：無花果花生煲豬腳（可健脾開胃）、鮑魚花膠竹絲雞湯（可理氣催乳）
50萬百日宴
黎姿和夫婿馬廷強打算十月尾為兩女兒在四季酒店擺「百日宴」，暫定筵開十多席，主要請親戚好友。由於食材矜貴，單是每席價錢已逾兩萬元，加上酒水和約十萬元的場地布置費用，保守估計當晚使費接近 50萬元。記者亦曾向酒店方面查詢，問到黎姿是否已經訂好宴會廳，職員未肯透露，只表示客人資料不會公開。
四季酒店宴會廳可容納八百人，但一向低調的馬廷強，預計只會擺十多席邀請親友，據知每圍酒菜逾兩萬元。